“ປີສາດແດງ”ແມນເຊດສ໌ເຕີ ຢູໄນເຕັດ ຈັດງົບ 55 ລ້ານປອນດ໌ ຫຼື ປະມານ 60 ຕື້ກວ່າກີບ ຊື້ຕົວ ເອດິສັນ ຄາວານີ ດາວຍິງຂອງປາຣີ ແຊງແຊກແມງ ມາຮ່ວມທັບໃນລະດູຮ້ອນນີ້
ເມື່ອວັນຈັນທີ 13 ເມສາທີ່ຜ່ານມາສື່ຂ່າວຕ່າງປະເທດລາຍງານວ່າ “ປີສາດແດງ”ແມນເຊດສ໌ເຕີ ຢູໄນເຕັດ ສະໂມສອນຊັ້ນນຳຂອງ ພຣີເມັຍລີກ ອັງກິດ ກຽມຍື່ນຂໍ້ສະເໜີ ກ້ອນໃຫຍ່ຫຼາຍເຖິງ 55 ລ້ານປອນດ໌ ຫຼື ປະມານ 60 ຕື້ກວ່າກີບ ເພື່ອຂໍຊື້ຕົວ ເອດິສັນ ຄາວານີ ໃນໄລຍະຂອງຕະຫຼາດເປີດການຊື້ຂາຍໃນລະດູຮ້ອນນີ້
ດາວຍິງທີມຊາດອຸຣຸກວັຍ ອາຍຸ 28 ປີ ຍ້າຍຈາກນາໂປລີ ມາຄ້າແຂ່ງໃນ ປາກ ເດດສ໌ ແພຣັງ ຕັ້ງແຕ່ປີ 2013 ນັບແຕ່ຍ້າຍມາກໍ່ມີຜົນງານດີມາຕະຫຼອດ ແຕ່ວ່າເຈົ້າໂຕກໍ່ບໍ່ມີຄວາມສຸກເພາະຕົກເປັນຮອງ ຊະລາຕັນ ອິບຣາຮິໂມວິດ ມາຕະຫຼອດ ສ່ວນທາງໂລຣອງ ບລອງ ອາດຈະປ່ອຍຕົວຄາວານີ ອອກຈາກທີມຫາກໄດ້ຄ່າຕົວທີ່ໜ້າພໍໃຈ