spot_img
Homeຂ່າວພາຍ​ໃນເຈົ້າໜ້າທີ່ເຕືອນ ສະຫຼອງປີໃໝ່ດ້ວຍຄວາມປອດໄພ

ເຈົ້າໜ້າທີ່ເຕືອນ ສະຫຼອງປີໃໝ່ດ້ວຍຄວາມປອດໄພ

Published on

Untitled

ເຈົ້າໜ້າທີ່ອອກຂໍ້ຫ້າມເຕືອນສັງຄົມ ໃຫ້ຫລີ້້ນປີໃຫມ່ຢ່າງປອດໄພ
ວັນທີ 7 ເມສາ ນີ້, ທ່ານ ພັນໂທ ຢຸດຕະພົງ ສຸວັນນະສິງ ຫົວໜ້າພະແນກຕຳຫຼວດຈະລາຈອນ ນະຄອນຫຼວງວຽງຈັນ ໄດ້ຖະແຫລງຂ່າວຕໍ່ສື່ມວນຊົນວ່າ: ໃນການສະຫຼອງບຸນປີໃໝ່ 2015 ນີ້, ໄດ້ຈັດກຳລັງເຈົ້າໜ້າທີ່ຫລາຍກວ່າ 600 ສະຫາຍເຂົ້າປ້ອງກັນບຸນດັ່ງກ່າວຢ່າງຮັບ ປະກັນ ແລະ ພ້ອມນີ້ກໍໄດ້ອອກຂໍ້ຫ້າມຕ່າງໆຄື:

1. ຫ້າມຂາຍສິນຄ້າ ແລະ ອຸປະກອນ ທີ່ກໍ່ໃຫ້ເກີດສຽງແຕກທຸກປະເພດ, ບໍ່ໃຫ້ຈູດໝາກກະໂພກ, ບັ້ງໄຟດອກທຸກຊະນິດ, ບໍ່ໃຫ້ນຳໃຊ້ທາດລະເບີດ, ທາດເບື່ອເຄມີ ແລະ ວັດຖຸອອກລິດຕໍ່ສຸຂະພາບຈິດທີ່ເປັນຜົນລົບຕໍ່ຄວາມສະຫງົບ, ຄວາມເປັນ ລະບຽບຮຽບຮ້ອຍທາງສັງຄົມ.
2. ຫ້າມໃຊ້ນ້ຳເປື້ອນ, ນ້ຳສີ, ນ້ຳຄັນຄາຍ, ນ້ຳກ້ອນໃສ່ຖົງຢາງຫົດ ຫລື ແກວ່ງໃສ່ກັນ, ບໍ່ໃຫ້ນຸ່ງເຄື່ອງຍົ້ວຍວນ, ສັ້ນເຂີນ, ຫລິ້ນການພະນັນທຸກຊະນິດ ແລະ ຫລິ້ນທ່ຽວແບບລາມົກອານາຈານຢ່າງເດັດຂາດ.
3. ຫ້າມລົງຫລິ້ນຢູ່ຫາດຊາຍ ທີ່ບໍ່ໄດ້ຮັບອະນຸຍາດຈາກທາງການ ຫລື ສະຖານທີ່ບໍ່ມີເຈົ້າໜ້າທີ່ປ້ອງກັນຮັກສາຄວາມປອດໄພ, ເພື່ອເປັນການຫລີກເວັ້ນຕໍ່ສິ່ງທີ່ບໍ່ເພິ່ງປາຖະໜາອາດຈະເກີດຂຶ້ນ.
4. ຫ້າມຂີ່ລົດເປັນພືງເປັນແພ, ແລ່ນລົດໄວເກີນຂອບເຂດ, ເວລາຂັບຂີ່ພາຫະນະທຸກຊະນິດ.
5. ຫ້າມດື່ມສິ່ງມຶນເມົາ ແລະ ການຂັບຂີ່ພາຫະນະທຸກປະເພດໃຫ້ປະຕິບັດ ຕາມປ້າຍສັນຍານຈະລາຈອນຢ່າງເຄັ່ງຄັດ.
6. ຫ້າມໃຊ້ທໍ່ຢາງຕໍ່ນ້ຳອອກມາຈາກເຮືອນ ເພື່ອຫົດນ້ຳຕາມທ້ອງຖະໜົນຢ່າງ ເດັດຂາດເພາະຈະສ້າງຄວາມແອອັດ, ກີດຂວາງການສັນຈອນ.
7. ຫ້າມຫົດນ້ຳໃສ່ເຈົ້າໜ້າທີ່ໆກຳລັງປະຕິບັດໜ້າທີ່ຈັດສັນຄວາມເປັນລະບຽບຮຽບຮ້ອຍຕາມເສັ້ນທາງ ແລະ ສະຖານທີ່ຕ່າງໆ.

ດັ່ງນັ້ນ, ຈຶ່ງຮຽກຮ້ອງໃຫ້ທຸກພາກສ່ວນຕ້ອງ ມີສະຕິລະວັງຕົວທຸກສະພາບການ, ລວມໄປເຖິງການ ແກ້ໄຂປາກົດການຫຍໍ້ທໍ້ຕ່າງໆໃນສັງຄົມໃຫ້ຫລຸດລົງຮັບປະກັນ ຄວາມສະຫງົບ ແລະ ຄວາມເປັນລະບຽບຮຽບຮ້ອຍທາງດ້ານ ສັງຄົມ, ຮັບປະກັນຄວາມປອດໄພ.
ສິ່ງທີ່ສຳຄັນຈົ່ງຊ່ວຍກັນໂຄສະນາປຸກລະດົມມວນຊົນເຂົ້າຮ່ວມຂະບວນວຽກງານປ້ອງກັນຊາດ-ປ້ອງກັນຄວາມສະຫງົບ, ຕື່ນຕົວປະຕິບັດຄຳສັ່ງແນະນຳ ແລະ ທຸກຂໍ້ກຳນົດຂອງການຫລີ້ນບຸນປີໃໝ່ລາວ ທີ່ທາງການໄດ້ອອກແຈ້ງການຢ່າງເຂັ້ມງວດ.
ຖ້າຫາກມີຜູ້ລະເມີດຂໍ້ຫ້າມທີ່ກ່າວມາຂ້າງເທິງນີ້ ຈະຖືກກ່າວເຕືອນ ຫລື ດຳເນີນມາດຕະການຢ່າງເດັດຂາດ.

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...