spot_img
Homeຂ່າວຕ່າງປະເທດຈຳ​ເລີຍ​ຄະ​ດີ​ລົ້ມ​ລະ​ລາຍ ຈົກ​ປືນ​ຍິງ​ຜູ້​ພິ​ພາກ​ສາ ແລະ ທະ​ນາຍ ຕາຍຄາ​ສານ​ຢູ່​ອີ​ຕາ​ລີ!

ຈຳ​ເລີຍ​ຄະ​ດີ​ລົ້ມ​ລະ​ລາຍ ຈົກ​ປືນ​ຍິງ​ຜູ້​ພິ​ພາກ​ສາ ແລະ ທະ​ນາຍ ຕາຍຄາ​ສານ​ຢູ່​ອີ​ຕາ​ລີ!

Published on

EyWwB5WU57MYnKOuFtHjO5Ucp6vJPrIzn0Jg9A8okUYuuBWKWakbgG

ເກີດ​ເຫດ​ມື​ປືນກວາດ​ຍິງ​ຜູ້​ພິ​ພາກ​ສາ ພ້ອມ​ທະ​ນາຍ​ຄາ​ສຳ​ນັກ​ງານ​ສານ ຕາຍ 4 ຄົນ ຢູ່​ເມືອງ​ມິ​ລານ ປະ​ເທດ​ອີ​ຕາ​ລີ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 10 ເມ​ສາ​ນີ້​ວ່າ ເກີດ​ເຫດ​ມື​ປືນກວາດ​ຍິງ ໃນ​ສຳ​ນັກ​ງານ​ສານ ພາ​ເລດ ອອບ ຈັ​ສ​ຕິ​ສ ໃນ​ເມືອງ​ມິ​ລານ ປະ​ເທດ​ອີ​ຕາ​ລີ ໂດຍ​ຜູ້​ກໍ່​ເຫດ​ຄື ທ້າວ ເຄ​ລາ​ດິ​ໂອ ຈາ​ດິ​ເອນ​ໂລ ເຊິ່ງ​ຕົກ​ເປັນ​ຈຳ​ເລີຍ​ຖືກ​ຟ້ອງ​ລົ້ມ​ລະ​ລາຍ ເຊິ່ງ​ເຂົາ​ໄດ້​ບຸກ​ຍິງ​ຜູ້​ພິ​ພາກ​ສາ, ທະ​ນາຍ​ຄວາມ ແລະ ຊາຍ​ອີກ 1 ຄົນ ໃນ​ຕອນ​ເຊົ້າ​ຂອງ​ມື້​ວັນ​ພຸດ (8 ເມ​ສາ​ຜ່ານມາ) ຕາມ​ເວ​ລາ​ໃນ​ທ້ອງ​ຖິ່ນ.  ເບື້ອງ​ຕົ້ນ ມື​ປືນ​ລາຍ​ນີ້​ກຳ​ລັງ​ນັ່ງ​ຟັງ​ການ​ພິ​ຈາ​ລະ​ນາ​ຄະ​ດີລົ້ມ​ລະ​ລາຍ ຈາກ​ການ​ສໍ້​ໂກງ​ຂອງ​ເຂົາ ທີ່​ຫ້ອງ​ພິ​ຈາ​ລະ​ນາ​ຄະ​ດີ​ເທິງ​ຊັ້ນ 3 ຂອງ​ອາ​ຄານ​ສານ ພາ​ເລດ ອອບ ຈັ​ສ​ຕິ​ສ ກ່ອນ​ທີ່​ເຂົາ​ຈະ​ຈົກ​ປືນ​ອອກ​ມາ​ຍິງ​ທະ​ນາຍ​ຄວາມ ແລະ ຊາຍ​ອີກ​ຄົນ​ໜຶ່ງ ເຮັດ​ໃຫ້​ທະ​ນາຍ​ຄວາມ​ເສຍ​ຊີ​ວິດ​ພາຍ​ໃນ​ສານ ສ່ວນ​ຊາຍ​ອີກ​ຄົນ​ທີ່​ຖືກ​ຍິງ ແມ່ນ​ໄປ​ເສຍ​ຊີ​ວິດ​ຢູ່​ໂຮງ​ໝໍ, ຈາກ​ນັ້ນ ມື​ປືນ​ລາຍ​ດັ່ງ​ກ່າວ ກໍ​ອອກ​ຈາກ​ຫ້ອງ​ພິ​ຈາ​ລະ​ນາ​ຄະ​ດີ ແລ້ວ​ມຸ່ງ​ໜ້າ​ໄປ​ຍັງ​ສຳ​ນັກ​ງານ​ຂອງ​ຜູ້​ພິ​ພາກ​ສາ​ສານ​ອຸ​ທອນ ເຊິ່ງ​ມີ ທ່ານ ເຟີ​ນັນ​ໂດ ຊາມ​ປີ ຢູ່​ພາຍ​ໃນ​ສຳ​ນັກ​ງານ​ດັ່ງ​ກ່າວ ແລ້ວ​ເຂົາ​ກໍ​ຍິງ​ທ່ານ ເຟີ​ນັນ​ໂດ ຈົນ​ເສຍ​ຊີ​ວິດ, ຕໍ່​ມາ​ເຈົ້າ​ໜ້າ​ທີ່​ໄດ້​ພົບ​ມີ​ຜູ້​ເສຍ​ຊີ​ວິດ​ອີກ​ຄົນ​ທີ 4 ຢູ່​ພາຍ​ໃນ​ອາ​ຄານ​ສານ ໂດຍ​ເຊື່ອ​ວ່າ​ເສຍ​ຊີ​ວິດ​ເພາະ​ຫົວ​ໃຈ​ວາຍ​ຈາກ​ເຫດ​ຍິງ​ກັນ.

ມື​ປືນ​ລາຍ​ດັ່ງ​ກ່າວ ໄດ້​ຫລົບ​ຊ່ອນ​ຢູ່​ພາຍ​ໃນ​ອາ​ຄານ​ສານ​ດົນ​ກ່​ວາ 1 ຊົ່​ວ​ໂມງ ກ່ອນ​ທີ່​ຈະ​ຫລົບ​ໜີ​ດ້ວຍ​ລົດ​ຈັກ ແຕ່​ກໍ​ຖືກ​ໜ່ວຍ​ສາ​ລະ​ວັດ​ທະ​ຫານ ຄ​າ​ຣາ​ບິ​ເນຍ​ຣີ ຈັບ​ກຸມ​ຕົວ​ໄດ້ ທີ່​ເມືອງວິ​ເມີ​ຄາ​ເຕ ເຊິ່ງ​ຫ​່າງ​ອອກ​ຈາກ​ເມືອງ​ມິ​ລານ ໄປ​ທາງ​ທິດ​ຕາ​ເວັນ​ອອກ​ສຽງ​ເໜືອ​ປະ​ມານ 25 ກີ​ໂລ​ແມັດ.

 

 

 

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...