spot_img
Homeສຸຂະພາບ ແລະ ສີ່ງແວດລ້ອມກະຊວງສາທາລະນະສຸກ - WHO ຈັດງານສະຫລອງວັນສຸຂະພາບໂລກ 2015

ກະຊວງສາທາລະນະສຸກ – WHO ຈັດງານສະຫລອງວັນສຸຂະພາບໂລກ 2015

Published on

20150407131808

ກະຊວງ​ສາທາລະນະ​ສຸກ ກົມອາຫານ ແລະ ຢາ ຮ່ວມ​ກັບ​ອົງການ​ອະນາໄມ​ໂລກ ຈັດ​ງານ​ສະເຫຼີມ​ສະຫຼອງ​ວັນ​ສຸຂະພາບ​ໂລກ 2015 ໃນ​ຫົວຂໍ້ ຄວາມ​ປອດ​ໄພຂອງ​ອາຫານ ຈັດ​ຂຶ້ນ​ໃນ​ວັນ​ທີ 07 ເມສາ 2015 ທີ່​ເດີ່ນ​ທາດຫຼວງ ໂດຍ​ມີ​ທ່ານ ​ສຈ.​ດຣ. ເອກສະຫວ່າງ ວົງ​ວິຈິດ ລັດຖະມົນຕີວ່າການ​ກະຊວງ​ສາທາລະນະ​ສຸກ ທ່ານ ​ດຣ. ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ທ່ານ​ຜູ້ຕາງໜ້າ​ຈາກ​ອົງການ​ອະນາ​ໄມ​ໂລກ ປະຈຳ​ລາວ ບັນດາທ່ານ​ລັດຖະມົນຕີ​ຊ່ວຍ​ວ່າການ ທ່ານ​ເຈົ້າເມືອງ ທ່ານ​ຜູ້ຕາງໜ້າຈາກ​ສຳນັກງານ ອົງການ ຫ້ອງການ ພະແນກການ ແລະ ມວນຊົນ​ຊາວ​ນະຄອນຫຼວງ​ວຽງ​ຈັນ ເຂົ້າ​ຮ່ວມ.

ໂອກາດ​ນີ້ ທ່ານ​ເຈົ້າ​ຄອງ​ນະຄອນ​ຫຼວງ​ວຽງ​ຈັນ ໄດ້​ກ່າວ​ບາງຕອນ​ວ່າ: ຕະຫຼອດ​ໄລຍະ​ເວລາທີ່​ຜ່ານ​ມາ ພັກ-ລັດຖະບານ ກໍ່​ຄືອົງການ​ປົກຄອງ​ນະຄອນຫຼວງ ໄດ້​ມີ​ຄວາມ​ເປັນ​ຫ່ວງ-ເປັນ​ໄຍ ແລະ ເອົາໃຈໃສ່​ຕໍ່​ສຸຂະພາບຊີວິດ​ການ​ເປັນ​ຢູ່​ຂອງ​ປະຊາຊົນມາ​ໂດຍ​ຕະຫຼອດ ໂດຍ​ສະເພາະ ວຽກ​ງານ​ສຸຂະພາບ ແລະ ອາຫານ​ປອດ​ໄພ ເປັນ​ແຜນ​ວຽກ​ບຸລິມະ​ສິດ​ໜຶ່ງ​ຂອງ​ລັດຖະບານ ນະຄອນ​ຫຼວງ​ເອງ​ເນັ້ນ​ເປັນ​ນະຄອນຫຼວງ​ໜ້າ​ຢູ່ ແລະ ຍືນ​ຍົງ ໂດຍ​ສະເພາະ ໄດ້​ອອກ​ນະໂຍບາຍ 6 ສ ຄື: ສະຫງົບ​ສຸກ ສະອາດ ສີຂຽວ ສະຫວ່າງ ສະ​ເໜ່ ແລະ ສີວິໄລ.

ແຜນການ​ສຳຄັນ​ໃນຕໍ່ໜ້າ ຈະ​ໄດ້​ສືບຕໍ່​ໂຄສະນາ​ເຜີຍແຜ່ໃຫ້ທົ່ວ​ສັງຄົມ​ເຂົ້າໃຈ ການ​ບໍລິໂພກທີ່​ຖືກ​ຫຼັກ​ອະນາໄມໃຫ້​ແຮງ​ກວ່າເກົ່າ ສົ່ງເສີມ​ການ​ປູກ​ຜັກ ແລະ ໝາກ​ໄມ້​ປອດ​ສານພິດ​ໃຫ້​ຫຼາຍກາຍເປັນ​ສິນຄ້າ ສ້າງ​ຕະຫຼາດສົດ ຂາຍ​ສົ່ງ-ຂາຍຍ່ອຍ ທີ່​ໄດ້ມາດຕະຖານ ຖືກ​ຫຼັກ​ອະນາໄມໃນ​ແຕ່​ລະ​ເມືອງ ມີ​ໜ່ວຍ​ກວດກາຄຸນະພາບ​ຂອງ​ອາຫານ ເພື່ອ​ຮັບປະກັນ​ເຄື່ອງ​ບໍລິໂພກຢູ່​ໃນ​ຕະຫຼາດ ​ໃຫ້​ມີ​ຄວາມ​ປອດ​ໄພ ແລະ ນຳ​ໃຊ້​ມາດ​ຕະການ​ກ່າວ​ເຕືອນ ແລະ ປັບ​ໃໝ​ຜູ້​ທີ່​ເຮັດ​ບໍ່​ໄດ້​ມາດຕະ​ຖານ​ທີ່​ທາງ​ການ​ກຳນົດ ແລະ ອື່ນໆ.

ພາຍ​ໃນ​ງານ​ຄັ້ງ​ນີ້ ນອກຈາກຈັດ​ໃຫ້​ມີ​ການ​ຍ່າງ​ເພື່ອ​ສຸຂະພາບແລ້ວ ຍັງ​ມີ​ການ​ຈັດ​ວາງສະແດງຮູບ​ພາບ ການ​ແຂ່ງຂັນ​ແຕ້ມ​ຮູບຂອງ​ນັກຮຽນ ຖາມ-ຕອບ​ວິ​ທະຍາ​ສາດ ລວມ​ທັງ​ການ​ນຳ​ສະເໜີ​ວິທີ​ການ​ແຕ່ງກິນ​ທີ່​ປອດ​ໄພ ແລະ ສະອາດ​ຢູ່​ພາຍ​ໃນ​ງານ​ນຳອີກ.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...