ກອງປະຊຸມທົບທວນວິຊາການຍຸລະສາດ (ພະຍາດພາຍໃນ) ຄັ້ງທີ 10 ຂອງສະມາຄົມແພດລາວ ແລະ ພາກວິຊາອາຍຸລະສາດ
ມະຫາວິທະຍາໄລ ວິທະຍາສາດສຸຂະພາບ ໄດ້ຈັດຂຶ້ນໃນວັນທີ 21 ກຸມພາ 2013 ນີ້ ຢູ່ທີ່ສູນການຮ່ວມມືສາກົນ ແລະ ການເຝິກ
ອົບຮົມຫຼັກ 5 ພາຍໃຕ້ການເປັນປະທານຂອງທ່ານ ຮສຈ.ດຣ. ສົມຈິດ ບຸບຜາ ອະທິການບໍດີ ມະຫາວິທະຍາໄລ ວິທະຍາສາດສຸ
ຂະພາບ ທ່ານ ຮສ.ດຣ ບົວຈັນ ຣາຊະຈັກ ປະທານສະມາຄົມແພດພາຍໃນລາວ ພ້ອມດ້ວຍຄະນະສະມາຄົມ ສະມາຊິກ ແລະ
ແຂກເຂົ້າຮ່ວມ 250 ຄົນ.
ກອງປະຊຸມໄດ້ດຳເນີນເປັນເວລາ 2 ວັນ ເຊິ່ງຜູ້ເຂົ້າຮ່ວມໄດ້ຮັບຟັງ ແລະ ຮຽນຮູ້ກ່ຽວກັບບົດຮຽນ ແລະ ເຕັກໂນໂລຊີໃໝ່ໆ ທີ່ໄດ້
ຜ່ານການຄົ້ນຄວ້າ ແລະ ນຳໃຊ້ຢ່າງໄດ້ຜົນໃໝ່ໆທັງໝົດ 16 ບົດ ໃນນັ້ນອາຈານລາວມີ 11 ບົດ ແລະ ອາຈານຕ່າງປະເທດ 5
ບົດ ທັງນີ້ເພື່ອແລກປ່ຽນບົດຮຽນທາງດ້ານວິຊາການລະຫວ່າງແພດພາຍໃນລາວ ເພື່ອເພີ່ມພູນຄວາມຮູ້ທາງເຕັກນິກວິທະຍາສາດ
ການແພດໃໝ່ໆໃຫ້ກັບແພດພາຍໃນລາວ ນຳໄປຈັດຕັ້ງປະຕິບັດ ແລະ ນຳໃຊ້ເຂົ້າໃນການດູແລຮັກສາ ແລະ ປິ່ນປົວຄົນເຈັບຂອງ
ຕົນໃນຂອບເຂດທົ່ວປະເທດ ທັງເປັນການສ້າງຄວາມສາມັກຄີຮັກແພງ ພົບປະສ້າງສັນແບບອ້າຍນ້ອງໃນວົງຄະນາຍາດຂອງແພດ
ພາຍໃນລາວ.
ກອງປະຊຸມຄັ້ງນີ້ ຍັງໄດ້ມີການປ່ອນບັດຄັດເລືອກເອົາຄະນະບໍລິຫານງານ ສະມາຄົມແພດພາຍໃນຊຸດໃໝ່ ຕື່ມອີກ.
ທີ່ມາhttp://www.vientianemai.net