ກອງກຳລັງອີຣັກ ໂດຍມີກຸ່ມນັກຮົບຊາວຊີອະເປັນສະມາຊິກໂດຍສ່ວນໃຫຍ່ ສາມາດຍຶດສະຖານທີ່ລັດຖະການຄືນ ໃນເມືອງຕິກຣິດຈາກກຸ່ມ IS ໄດ້ແລ້ວ.
ສຳນັກຂ່າວຕ່າງປະເທດ ລາຍງານໃນວັນທີ 1 ເມສາຜ່ານມານີ້ວ່າ ກອງທັບອີຣັກ ແລະ ກຸ່ມນັກຮົບທີ່ສະໜັບສະໜູນລັດຖະບານອີຣັກ ເຊິ່ງສ່ວນໃຫຍ່ປະກອບມີຊາວຊີອະເຂົ້າຮ່ວມນຳ ສາມາດຍຶດຄືນສະຖານທີ່ລັດຖະການຂອງລັດຖະບານ ຢູ່ເມືອງຕິກຣິດຄືນຈາກກຸ່ມລັດອິດສະລາມ ຫລື IS ໄດ້ແລ້ວ ຫລັງຈາກເປີດສາກສູ້ຮົບເພື່ອຊິງເມືອງນີ້ ນັບຕັ້ງແຕ່ວັນທີ 2 ມີນາເປັນຕົ້ນມາ.