ສຳລັບຫົວຂໍ້ ແນວຄວາມຄິດ 10 ມິນຕິ ນີ້ ຜູ້ຂຽນໄດ້ຮັບການສົ່ງຕໍ່ທາງລາຍ ຈາກເພື່ອນລຸ້ນນ້ອງຜູ້ໜຶ່ງ ພໍອ່ານແລ້ວຮູ້ສຶກວ່າ ຄືຊິມີປະໂຫຍດແກ່ເພື່ອນຜູ້ອ່ານ ສະມາຊິກ laopost ຫຼືຜູ້ທີ່ສົນໃຈຢູ່ ຈຶ່ງຂໍນຳສະເໜີມາແລກປ່ຽນຮຽນຮູ້ ໂດຍທີ່ຜູ້ຂຽນກໍບໍ່ຮູ້ວ່າຜູ້ຂຽນເລື່ອງນີ້ຂຶ້ນມາ ແມ່ນໃຜກັນແທ້ ແຕ່ຈັ່ງໃດກໍຂໍສະແດງຄວາມຂອບໃຈ ຕໍ່ເຈົ້າຂອງບົດຄວາມຫຼາຍໆ ກໍແລ້ວກັນ. ແນວຄວາມຄິດ 10 ມິຕິ ມີຢູ່ດັ່ງນີ້:
1. ການຄິດເຊິງວິພາກ (Critical Thinking) ໝາຍເຖິງຄວາມຕັ້ງໃຈພິຈາລະນາ ຕັດສິນເລື່ອງໃດເລື່ອງໜຶ່ງ ໂດຍການບໍ່ເຫັນພ້ອມຕາມຂໍ້ສະເໜີງ່າຍໆ ແຕ່ຕັ້ງຄຳຖາມທ້າທາຍ ຫຼືໂຕ້ແຍ້ງສົມມຸດຖານ ແລະຂໍ້ສົມມຸດທີ່ຢູ່ໃນເບື້ອງຫຼັງ ແລະພະຍາຍາມເປີດແນວທາງຄວາມຄິດ ອອກໄປທາງອື່ນໆ ທີ່ແຕກຕ່າງຈາກຂໍ້ສະເໜີນັ້ນ ເພື່ອໃຫ້ສາມາດໄດ້ຄຳຕອບທີ່ສົມເຫດສົມຜົນ ຫຼາຍກວ່າຂໍ້ສະເໜີເກົ່າ.
2. ການຄິດເຊິງວິເຄາະ (Analytical Thinking)ໝາຍເຖິງ ການຈຳແນກແຈກແຈງອົງປະກອບຕ່າງໆ ຂອງສິ່ງໃດສິ່ງໜຶ່ງ ຫຼືເລື່ອງໃດເລື່ອງໜຶ່ງ ແລະຫາຄວາມສຳພັນເຊິງເຫດຜົນ ລະຫວ່າງອົງປະກອບເຫຼົ່ານັ້ນ ເພື່ອຄົ້ນຫາສາເຫດທີ່ແທ້ຈິງ ຂອງສິ່ງທີ່ເກີດຂຶ້ນ.
3. ການຄິດເຊິງວິເຄາະ (Synthesis-Type Thinking) ໝາຍເຖິງ ຄວາມສາມາດໃນການດຶງອົງປະກອບ ຕ່າງໆ ມາປະສົມປະສານເຂົ້ານຳກັນ ເພື່ອໃຫ້ໄດ້ສິ່ງໃໝ່ຕາມວັດຖຸປະສົງ ທີ່ຕ້ອງການ.
4. ການຄິດເຊິງປຽບທຽບ (Comparative Thinking) ໝາຍເຖິງ ການພິຈາລະນາທຽບຄຽງຄວາມຄື ແລະ/ຫຼືຄວາມແຕກຕ່າງ ລະຫວ່າງສິ່ງນັ້ນກັບສິ່ງອື່ນໆ ເພື່ອໃຫ້ເກີດຄວາມເຂົ້າໃຈ ສາມາດອະທິບາຍເລື່ອງນັ້ນໆ ໄດ້ຢ່າງຊັດເຈນ ເພື່ອປະໂຫຍດໃນການຄິດ ການແກ້ບັນຫາ ຫຼືການຫາທາງເລືອກເລື່ອງໃດເລື່ອງໜຶ່ງ.
5. ການຄິດເຊິງມະໂນທັດ (Conceptual Thinking)ໝາຍເຖິງ ຄວາມສາມາດໃນການປະສານຂໍ້ມູນທັງໝົດ ທີ່ມີຢູ່ກ່ຽວກັບເລື່ອງໃດເລື່ອງໜຶ່ງ ໄດ້ຢ່າງບໍ່ຂັດແຍ້ງ ແລ້ວນຳມາສ້າງເປັນຄວາມຄິດລວມຍອດ ຫຼືຂອບຄວາມຄິດກ່ຽວກັບເລື່ອງນັ້ນໆ.
6. ການຄິດເຊິງສ້າງສັນ (Creative Thinking)ໝາຍເຖິງ ການຂະຫຍາຍຂອບເຂດຄວາມຄິດອອກໄປ ຈາກຂອບຄວາມເກົ່າໆເດິມໆທີ່ມີຢູ່ ສູ່ຄວາມຄິດໃໝ່ໆ ທີ່ບໍ່ເຄີຍມີມາກ່ອນ ເພື່ອຄົ້ນຫາຄຳຕອບທີ່ດີທີ່ສຸດ ໃຫ້ກັບບັນຫາທີ່ເກີດຂຶ້ນ.
7. ການຄິດເຊິງປະຍຸກ (Applicative Thinking)ໝາຍເຖິງ ຄວາມສາມາດໃນການນຳເອົາສິ່ງທີ່ ມີຢູ່ແລ້ວ ໄປປັບໃຊ້ປະໂຫຍດໃນບໍລິບົດໃໝ່ ໄດ້ຢ່າງເໝາະສົມ ໂດຍຍັງຄົງຫຼັກການຂອງສິ່ງເກົ່າໄວ້.
8. ການຄິດເຊິງກົນລະຍຸດ (Strategic Thinking)ໝາຍເຖິງ ຄວາມສາມາດໃນການກຳໜົດ ແນວທາງທີ່ດີທີ່ສຸດ ພາຍໃຕ້ເງື່ອນໄຂຂໍ້ຈຳກັດຕ່າງໆ ທີ່ກ່ຽວຂ້ອງ ເຂົ້າຫາແກນຫຼັກໄດ້ຢ່າງເໝາະສົມ ເພື່ອອະທິບາຍ ຫຼືໃຫ້ເຫດຜົນສະໜັບສະໜູນ ເລື່ອງໃດເລື່ອງໜຶ່ງ.
9. ການຄິດເຊິງບູລະນາການ (Integrative Thinking)ໝາຍເຖິງ ຄວາມສາມາດໃນການເຊື່ອມໂຍງແນວຄິດ ຫຼືອົງປະກອບຕ່າງໆ ທີ່ກ່ຽວຂ້ອງ ເຂົ້າຫາແກນຫຼັກໄດ້ຢ່າງເໝາະສົມ ເພື່ອອະທິບາຍຫຼືໃຫ້ເຫດຜົນ ສະໜັບສະໜຸນເລື່ອງໃດເລື່ອງໜຶ່ງ.
10. ການຄິດເຊິງອະນາຄົດ (Futuristic Thinking)ໝາຍເຖິງ ຄວາມສາມາດໃນການຄາດຄະເນ ໃນອະນາຄົດຢ່າງມີຫຼັກເກນ ທີ່ເໝາະສົມ.
ທ່ານຜູ້ອ່ານມີຄວາມຄິດເຫັນຈັ່ງໃດ ຕໍ່ແນວຄວາມຄິດ 10 ມິຕິ ທີ່ໄດ້ນຳສະເໜີນີ້ ຖ້າເຫັນເປັນປະໂຫຍຢ່າລືມປະກອບຄຳເຫັນ ແລະແຊຕໍ່ໃຫ້ໝູ່ຂອງທ່ານໄດ້ອ່ານດ້ວຍ.