ທ່ານຈະເສົ້າໃຈ ເມື່ອຮູ້ເຫດຜົນ ທີ່ພໍ່ຂອງເດັກ ເຮັດແບບນີ້ກັບລູກໂຕເອງ  

ບໍ່ມີໃຜເກີດມາຢາກເປັນຄົນຈົນ ຫຼືພິການ ພວກເຮົາທຸກຄົນຢາກເກີດມາມີຊີວິດຄວາມເປັນຢູ່ທີ່ດີ ເປັນທີ່ຮັກ ແລະ ຍອມຮັບຈາກຄອບຄົວ ແລະ ສັງຄົມ ແຕ່ຄວາມເປັນຈິງແລ້ວມັນເປັນໄປບໍ່ໄດ້ ທີ່ພວກເຮົາທຸກຄົນຈະມີຊີວິດທີ່ດີຕາມ ທີ່ຕົນເອງຕ້ອງການເຊັ່ນດຽວກັນກັບເລື່ອງລາວ ທີ່ເກີດຂຶ້ນກັບເດັກຊາຍຄົນນີ້ ຊຶ່ງຖ້າລາວເລືອກເກີດໄດ້ ລາວຄົງບໍ່ຢາກເກີດມາປັນແບບນີ້

ເດັກຊາຍຊາວຈີນ ອາຍຸ 12 ປີ ລາຍນີ້ເກີດມາພ້ອມກັບຄວາມຜິດປົກກະຕິທາງສະໝອງ ເຮັດໃຫ້ບໍ່ສາມາດເວົ້າໄດ້ຄືກັບເດັກປົກກະຕິ ດ້ວຍເຫດນີ້ພໍ່ຜູ້ໃຫ້ກໍາເນີດຈຶ່ງໃຊ້ ໂຊ້ລ່າມເອົາໄວ້

ສ່ວນເຫດຜົນທີ່ພໍ່ຂອງເດັກເຮັດແບບນີ້ກັບລູກ ເປັນເພາະຢ້ານວ່າລູກຊາຍຈະອອກໄປຫຼິ້ນບ່ອນອຶ່ນ ແລະ ຫາຍໂຕໄປໃນເວລາທີ່ລາວອອກໄປເຮັດວຽກຫາເງິນ