ໂຄງການກໍ່ສ້າງເສັ້ນທາງ ເບຕົງເສີມເຫຼັກ ແຕ່ສົ້ນຂົວ ດອນແດງ-ຕານມີໄຊ, ເສັ້ນ ທາງສາມແຍກ ໂພນຕ້ອງ-
ສາມແຍກດອນແດງ ແລະ ເສັ້ນທາງສາມແຍກໂພນຕ້ອງ ສະຫວາດ-ສາມແຍກໜອງ ທາໃຕ້ ຊຶ່ງແມ່ນກຸ່ມບໍລິສັດຕັງ ຈະເລີນຈຳກັດຜູ້ດຽວເປັນຜູ້ ຮັບເໝົາກໍ່ສ້າງນັບແຕ່ຕົ້ນ ເດືອນທັນວາປີ 2011 ເປັນ ຕົ້ນມານັ້ນໄດ້ສຳເລັດບໍລິບູນ ແລະ ໄດ້ຈັດພິທີມອບ-ຮັບ ຢ່າງເປັນທາງການໃນຕອນ ເຊົ້າວັນທີ 19 ກຸມພາ 2013 ນີ້, ໂດຍການກ່າວມອບຂອງ ທ່ານ ຣົວ ແສງອາລຸນ ປະ ທານບໍລິສັດຕັງຈະເລີນຈຳກັດ ຜູ້ດຽວ ແລະ ກ່າວຮັບໂດຍ ທ່ານ ນວນຕາ ຫອມປະທຸມ ຮອງຫົວໜ້າພະແນກໂຍທາທິ ການ ແລະ ຂົນສົ່ງນະຄອນ ຫຼວງວຽງຈັນເຊິ່ງມີທ່ານ ສຸກັນ ມະຫາລາດ ເຈົ້າຄອງນະຄອນ ຫຼວງວຽງຈັນ, ທ່ານຮອງເຈົ້າ ຄອງ, ທ່ານເຈົ້າເມືອງ, ບັນດາ ອຳນວຍການລັດວິສາຫະກິດ ແລະ ບັນດາແຂກທີ່ຖືກເຊີນ ເຂົ້າຮ່ວມເປັນສັກຂີພິຍານ.
ໂຄງການກໍ່ສ້າງເສັ້ນທາງ ເບຕົງເສີມເຫຼັກຂອງເສັ້ນທາງ ດັ່ງກ່າວນັ້ນລວມມີຄວາມ ຍາວທັງໝົດ 8,1 ກິໂລແມັດ, ຄວາມກວ້າງໜ້າທາງ 10-12 ແມັດ, ໜ້າທາງປູເບຕົງເສີມ ເຫຼັກໜາ 23 ຊັງຕີແມັດ, ມີ 3 ຈຸດ, ເສັ້ນທາງ ແລະ ຈຸດປະ ກອບມີທາງຄົນຍ່າງ, ມີລະ ບົບລະບາຍນ້ຳ, ໄຟເຍືອງທາງ, ໄຟອຳນາດ ແລະ ສິ່ງປະກອບ ອື່ນໆ, ເຊິ່ງເປັນການລົງທຶນ ກ່ອນ 100% ຂອງກຸ່ມບໍລິສັດ ຕັງຈະເລີນຈຳກັດຜູ້ດຽວລວມ ມູນຄ່າທັງໝົດ 23,573 ກ່ວາ ລ້ານໂດລາສະຫາລັດ.
ໃນພິທີດັ່ງກ່າວທ່ານ ນວນ ຕາ ຫອມປະທຸມ ຮອງຫົວໜ້າ ພະແນກໂຍທາທິການ ໄດ້ໃຫ້ ການຢືນຢັນວ່າຈະນຳໃຊ້ເສັ້ນທາງດັ່ງກ່າວນີ້ໃຫ້ໄດ້ຮັບຜົນ ປະໂຫຍດສູງສຸດ ແລະ ກຸ້ມ ຄ່າຍາວນານພ້ອມທັງໄດ້ຮຽກ ຮ້ອງໃຫ້ພະນັກງານ-ລັດຖະ ກອນພໍ່ແມ່ປະຊາຊົນ ແລະ ທຸກຊັ້ນຄົນໃນສັງຄົມ ຈົ່ງພ້ອມ ກັນປົກປັກຮັກສາເສັ້ນທາງດັ່ງ ກ່າວນີ້ໃຫ້ສະອາດງາມຕາ ແລະ ໃຊ້ໄດ້ຍາວນານ.

ທີ່ມາhttp://www.kongthap.gov.la