“ຫົງ” ໝົດສິດໃຊ້ງານ ສະເກີຣ໌ເທລ! ຫຼັງເອຟເອ ສັ່ງລົງໂທດແບນ 3ນັດ
ລີເວີຣ໌ພູລ ຈະໝົດສິດທີ່ຈະໃຊ້ງານ ມາຣ໌ຕິນ ສະເກີຣ໌ເທລ ລົງຄຸມແນວຮັບກອງຫຼັງເຖີງ 3ເກັມ ຫຼັງຈາກທີ່ກອງຫຼັງຄົນສໍາຄັນຖືກ ເອຟເອ ລົງໂທດແບນ ຫ້າມລົງແຂ່ງໃນສະໜາມ ຈາກຈັງຫວະທີ່ຢຽບຂາ ດາບິດ ເດເຄອາ ມືໂກລ໌ ແມນ.ຢູໄນເຕັດ ໃນເກັມ “ແດງເດືອດ” ເມື່ອວັນອາທິດ ສົ່ງຜົນໃຫ້ນັກເຕະຊາວສະໂລວາເກຍ ຈະບໍ່ໄດ້ລົງຫຼິ້ນໃນເກັມລີກທີ່ທີມຕົ້ນສັງກັດຂອງລາວຈະພົບກັບ ອາຣ໌ເຊນ່ອລ ແລະ ນິວຄາສເຊິ່ລ ລວມທັງ ເອຟເອຄັພ ນັດຣີເພລຍ໌ ກັບ ແບລ໊ກເບີຣ໌ນ ອີກດ້ວຍ
ສະມາຄົມບານຕະ ອັງກິດ (ເອຟເອ) ສັ່ງລົງໂທດແບນ ມາຣ໌ຕິນ ສະເກີຣ໌ເທລ ກອງຫຼັງຂອງທີມ ລີເວີຣ໌ພູລ ຍັກໃຫຍ່ແຫ່ງເວທີພຣີເມຍລີກ ອັງກິດ ຈໍານວນ 3ນັດ ຈາກກໍລະນີ ຢຽບ ດາບິດ ເດເຄອາ ມືໂກລ໌ ແມນເຊັສເຕີ ຢູໄນເຕັດ ໃນເກັມລີກທີ່ “ຫົງແດງ” ເປີດບ້ານເສຍໄຊໃຫ້ກັບ “ຜີສາດແດງ” 1-2 ເມື່ອວັນທີ 22ມີນາ 2015 ທີ່ຜ່ານມາ
ກ່ອນໜ້ານີ້ ກອງຫຼັງທີມຊາດ ສະໂລວາເກຍ ຫາກໍ່ອອກມາປະຕິເສດຂໍ້ກ້າວຫາຫຼິ້ນຮຸນແຮງເກີນກວ່າເຫດຈາກ ເອຟເອ ໂດຍຢືນຢັນວ່າຈັງຫວະດັ່ງກ່າວເປັນພຽງອຸປະຕິເຫດ ແລະ ບໍ່ໄດ້ເຈຕະນາທີ່ຈະຢຽບໃສ່ທາງ ເດເຄອາ ແຕ່ຢ່າງໃດ, ເຖີງຢ່າງໃດກໍ່ຕາມ ເອຟເອ ໄດ້ຕັດສິນແບນ ສະເກີຣ໌ເທລ 3 ນັດຊຶ່ງສົ່ງຜົນໃຫ້ລາວຈະພາດໂອກາດລົງສະໜາມໃນເກັມລີກທີ່ “ຫົງແດງ” ຈະພົບກັບ ອາຣ໌ເຊນ່ອລ ແລະ ນິວຄາສເຊິ່ລ ຢູໄນເຕັດ ລວມທັງເກັມ ເອຟອ ຄັພ ຮອບກ່ອນຮອງຊະນະເລີດນັດ ຣີເພລຍ໌ ກັບ ແບລ໊ກເບີຣ໌ນ ໂຣເວີຣ໌ລ ອີກດ້ວຍ
ປັດຈຸບັນ “ລີເວີຣ໌ພູລ” ຢູ່ໃນອັນດັບ 5 ຂອງຕາລາງຄະແນນ ໂດຍມີ 54 ຄະແນນຕາມຫຼັງ ແມນ.ຢູໄນເຕັດ ອັບດັບ 4 ຢູ່5 ຄະແນນ ຫຼັງຈາກລົງສະໜາມໄປແລ້ວ 30 ນັດ.