“ຫົງ” ສະເງິ! ສະເກີຣ໌ເທລ ຖືກຕັ້ງຂໍ້ຫາກໍລະນີຢຽບ ເດເຄອາ

ມາຣ໌ຕິນ ສະເກີຣ໌ເທລ ກອງຫຼັງລີເວີຣ໌ພູລຖືກ ເອຟເອ ຕັ້ງຂໍ້ຫາ ຫຼິ້ນຮຸນແຮງເກີນກວ່າເຫດ ກໍລະນີ ຢຽບ ດາບີ ເດເຄອາ ມືໂກລ໌ ແມນເຊັສເຕີ ຢູໄນເຕັດ ລະຫວ່າງເກັມ ແດງເດືອດ ທີ່ທີມຕົ້ນສັງກັດຂອງລາວເສຍໄປ1-2 ເມື່ອວັນອາທິດ ທີ22 ຜ່ານມາ ໂດຍນັກເຕະໄວ 30ປີ ຄົນນີ້ຍັງຍືນອຸທອນໄດ້ ແຕ່ຫາກຖືກຕັດສິນວ່າຜິດແທ້ ລາວກໍ່ອາດຈະຖືກແບນ ຫາມລົງສະໜາມເຖີງສາມນັດເລີຍ

ສາມາະຄົມບານຕະອັງກິດ (ເອຟເອ) ປະກາດຕັ້ງຂໍ້ຫາຫຼິ້ນຮຸນແຮງກີນກວ່າເຫດກັບ ມາຣ໌ຕິນສະເກີຣ໌ເທລ ກອງຫຼັງຂອງລີເວີຣ໌ພູລ ສະໂມສອນດັງແຫ່ງເວທີ ພີຣເມຍລີກອັງກິດ ເມື່ອວັນທີ່23​ ມີນາ ທີ່ຜ່ານມາ

ຂໍ້ຫາໃນຄັ້ງນີ້ເກີດຂຶ້ນຈາກການຫຼິ້ນຂອງ ສະເກີຣ໌ເທລ ໃນເກມລີກທີ່ຕົ້ນສັງກັດຂອງລາວແພ້ ແມນເຊັສເຕີ ຢູໄນເຕັດ 1-2 ຄາບ້ານແອນຟິລດ໌ ເມື່ອວັນທີ 22 ມີນາ 2015​ທີ່ຜ່ານມາ ໂດຍໃນຊ່ວງທ້າຍຂອງນັດດັ່ງກ່າວນັ້ນ ນັກເຕະໄວ 30ປີຄົນນີ້ ຫຼຸດເຂົ້າໄປໃນກອບເຂດໂທດ ເພື່ອຫວັງຈະຍິງປະຕູແຕ່ ດາບິ ເດເຄອາ ຜູ້ຮັກສາປະຕູ ແມນເຊັສເຕີ ຢູໄນເຕັດ ອອກມາຄວ້າໄວ້ໄດ້ກ່ອນແລ້ວ ຫຼັງຈາກນັ້ນດາວເຕະທີມຊາດສະໂລວາກີ ກໍ່ເບິ່ງຄືວ່າຈະໄປຢຽບ ເດເຄອາ ຈົນເຮັດໃຫ້ ເດເຄອາເກີດອາລົມໂມໂຫສຸດໆ

ທັ່ງນີ້ ມາຣ໌ຕິນ ແອ໊ຕກິນສັນ ກໍາມະການໃນນັດດັ່ງກ່າວລະບຸວ່າ ລາວບໍ່ເຫັນເຫດການທີ່ເກີດຂຶ້ນ ເຮັດໃຫ້ເອຟເອສາມາດດໍາເນີນການ ຢ້ອນຫຼັງໄດ້ທັນທີ ໂດຍ ສະເກີຣ໌ເທລ ມີເວລາຈົນເຖີງ 18:00 ນາທີ ຂອງວັນອັງຄານ ທີ່24 ມີນາ ຕາມເວລາທ້ອງຖິ່ນ (01:00 ນາທີ ຂອງວັນພຸດ ທີ 25​ ມີນາ ຕາມເວລາໃນປະເທດລາວ) ເພື່ອທີ່ຈະຕັດສິນໃຈວ່າຈະອຸທອນກັບຂໍ້ຫານີ້ ຫຼື ບໍ່

ຫາກຖືກຕັດສິນວ່າມີຄວາມຜິດແທ້ນັ້ນ ສະເກີຣ໌ເທລ ກໍ່ມີສິດທີ່ຈະຖືກແບນຫ້າມລົງສະໜາມເຖີງ 3​ນັດ ຊຶ່ງເປັນບົດລົງໂທດດຽວກັນກັບທີ່ ດີເອໂກ້ ຄອສຕ້າ ຕົວເກັ່ງຂອງ ເຊລຊີ ເຄີຍຖືກມາແລ້ວ ຕອນທີ່ລາວຖືກຕັດສິນວ່າໄປຢຽບ ເອ໊ມເຣ່ຊານ ດາວເຕະ ສາລະພັດປະໂຫຍດຂອງ “ຫົງແດງ” ລະຫວ່າງເກັມ ແຄປປີຕອລວັນຄັບ ຮອບຮອງຊະນະເລີດ ນັດທີ່ສອງເມື່ອຊ່ວງເດືອນ ມັງກອນທີ່ຜ່ານມາ