ເກີດເຫດນັກທ່ອງທ່ຽວຊາວເຢຍລະມັນ ອາຍຸ 52 ປີ ຖືກສະຫລາມກັດຈົນເສຍຊີວິດ ໃນມື້ວັນອາທິດ (22 ມີນາ) ທີ່ຜ່ານມາ ຢູ່ເມືອງຕາກອາກາດ ອັນ-ກູຊາອີ ປະເທດອີຢິບ ເຊິ່ງຕັ້ງຢູ່ແຄມຝັ່ງທະເລແດງ.
ຕາມລາຍງານຂ່າວຂອງຕ່າງປະເທດລະບຸວ່າ ຮ່າງຂອງນັກທ່ອງທ່ຽວຜູ້ເຄາະຮ້າຍລາຍນີ້ ເຊິ່ງບໍ່ມີການເປີດເຜີຍຊື່ ແລະ ເພດ ໄດ້ຖືກນຳຂຶ້ນຈາກນ້ຳ ໃນສະພາບທີ່ເຫລືອພຽງເຄິ່ງໂຕ ເພາະສ່ວນຂາໄດ້ຂາດຫາຍໄປ ໂດຍເຫດສະຫລາມທຳຮ້າຍນັກທ່ອງທ່ຽວຈົນເສຍຊີວິດຄັ້ງນີ້ ຖືເປັນຄັ້ງທຳອິດໃນຮອບ 5 ປີ.
ທັງນີ້ ທະເລແດງຖືເປັນບ້ານຂອງສະຫລາມຫລາຍຊະນິດ ແຕ່ສະຫລາມສາຍພັນທີ່ເຊື່ອວ່າຢູ່ເບື້ອງຫັງ ຂອງການກໍ່ເຫດກັດນັກທ່ອງທ່ຽວລາຍນີ້ນັ້ນ ແມ່ນໜ້າຈະເປັນສະຫລາມຄີຂາວໂອເຊຍນິກ.
