ກະຊວງພະລັງງານ ແລະ ບໍ່ແຮ່ໃຫ້ຮູ້ວ່າ: ປັດຈຸບັນຕົວເລກການ ນຳໃຊ້ໄຟ ຟ້າຢູ່ປະເທດເຮົາແມ່ນມີຈຳນວນຫຼາຍ, ຊຶ່ງເຮັດໃຫ້ເກີດມີບັນຫາໃນການ ສະໜອງ ໄຟຟ້າຕໍ່ຜູ້ຊົມຊົມ, ໂດຍສະເພາະແມ່ນລະດູແລ້ງ, ຊຶ່ງຕ້ອງໄດ້ນຳເຂົ້າກະແສໄຟຟ້າ ຈາກບັນດາປະເທດໃຫ້ຄຽງເຊັ່ນ: ຈີນ, ຫວຽດນາມ ແລະ ໄທ, ໃນລາຄາສູງກວ່າ ລາຄາສົ່ງອອກ ແລະ ຕາມການຕີລາຄາ ຂອງລັດຖະບານກ່ຽວກັບຕົວເລກ ການນຳ ໃຊ້ໄຟຟ້າ ໃນປີຜ່ານມາທົ່ວປະເທດສູງເຖິງ 3.000 ລ້ານກິໂລວັດໂມງ, ແຕ່ຍອດ ການຜະລິດມີພຽງ 15.469 ລ້ານ ກວ່າກິໂລວັດໂມງ ແລະ ມາຮອດປັດຈຸບັນອັດຕາການຊົມໃຊ້ໄຟຟ້າກວມ 87% ຂອງ ຈຳນວນຄອບຄົວ, ບ້ານ ແລະ ເມືອງທັງໝົດໃນທົ່ວປະເທດ, ດັ່ງນັ້ນເພື່ອກຽມຮັບມືກັບບັນຫາການສະໜອງກະແສໄຟຟ້າ ໃຫ້ພຽງພໍກະຊວງພະລັງງານ ແລະ ບໍ່ແຮ່ຈະຕ້ອງສຸມໃສ່ສ້າງສາຍສົ່ງເຊື່ອມຕໍ່ຫາກັນໃນແຕ່ລະພາກທົ່ວປະເທດໄດ້, ເພື່ອເປັນ ການລໍ້ຖ້າຮອດປີ 2016 ຊຶ່ງ 20 ກວ່າໂຄງການກໍ່ສ້າງເຂື່ອນໄຟຟ້າຈະສຳເລັດ ແລະ ສາມາດຜະລິດກະແສໄຟຟ້າໃຫ້ ພຽງພໍ
ກັບຄວາມຕ້ອງການທັງລະດູຝົນ ແລະ ລະດູແລ້ງໄດ້, ໃນປີຜ່ານມາຂະແໜງການໄຟ ຟ້າໄດ້ຮຽກຮ້ອງໃຫ້ບັນດາໂຮງຈັກ, ໂຮງ ງານປິດໄຟເປັນບາງໄລຍະເພື່ອຕອບສະໜອງຄວາມຕ້ອງການ ຊົມໃຊ້ໄຟຟ້າຂອງສັງຄົມແລ້ວກໍເຫັນວ່າໄດ້ຮັບຜົນດີ, ບໍ່ມີບັນ ຫາຫຍັງເກີດຂຶ້ນ, ສະນັ້ນ ໃນປີນີ້ລາວເຮົາອາດມີບາງວັນ, ບາງໄລຍະທີ່ໄຟຟ້າບໍ່ພໍໃຊ້ກໍ່ໃຫ້ປະຕິບັດຄືກັນກັບການປະຢັດ ດັ່ງຜ່ານມາ ແລະ ສິ່ງສຳຄັນແມ່ນນຳໃຊ້ໄຟຟ້າຢ່າງມີຄຸນປະໂຫຍດບໍ່ຟຸມເຟືອຍ.
ແຫລ່ງຂ່າວ: ລາວພັດທະນາ