“ໝີ” ຍິງຈຸດໂທດແມ່ນ! ດວນກັບ “ເລວີຣ໌ຄູເຊັ່ນ” 3-2 ຜ່ານເຂົ້າຮອບ 8 ທີມໃດ້ສໍາເລັດ
“ກາໝີ” ແອຕເລຕິໂກ ມາດຣິດ ຕ້ອງອອກແຮງເມື່ອຍ ຫຼັງຈາກເປີດບ້ານເອົາຊະນະ ເລວີຣ໌ຄູເຊັ່ນ 1-0 ໃນເວລາ 90 ນາທີເຮັດໃຫ້ລວມຜົນສອງນັດ ສະເໝີກັນ 1-1 ຕ້ອງຕໍ່ເວລາພິເສດອອກໄປ ແຕ່ຍັງບໍ່ສາມາດເຮັດຫຍັງກັນໄດ້ ຈົນຕ້ອງໄປຕັດສິນກັນດ້ວຍການດວນຈຸດໂທດ ແລະ ໃນທີ່ສຸດເປັນທາງ ແອຕເລຕິໂກ ມາດຣິດ ເຈົ້າບ້ານທີ່ຍິງໄດ້ແມ່ນກວ່າ ເປັນຝ່າຍເອົາຊະນະໄປ 3-2 ຜ່ານເຂົ້າສູ່ຮອບ 8ທີມສຸດທ້າຍ, ໃນການແຂ່ງຂັນບານເຕະ ຢູ່ຟ່າ ແຊ່ມປ່ຽນລີກ ເມື່ອວັນອັງຄານທີ່ 17 ມີນາ 2015 ທີ່ຜ່ານມາ
ແອຕເລຕິໂກມາດຣິດ (ສະປັນ) 1-0 ເລວີຣ໌ຄູເຊັ່ນ (ເຢຍລະມັນ)
(ລວມສອງນັດ 1-1, ຕໍ່ເວລາພິເສດສະເໝີກັນ 0-0, ແອຕເລຕິໂກ ມາດຣິດ ຊະນະຈຸດໂທດໄປໄດ້ 3-2)
ສະໜາມ: ເອສຕາດິໂອ ບິເຊນເຕ້ ກັລເດຮ່ອນ, (ມາດຣິດ, ສິເປັນ)