ວາລະສານໂມດາເອດຕາດາໂອ(Moda Estadao)ວາລະສານແຟຊັນຊື່ດັງຂອງບຣາຊິນລາຍງານວ່າຈີເຊລ ບຸນເຊນ ນາງແບບສາວຊາວບຣາຊິນອາຍຸ 34 ປີ ກຽມອຳລາວົງການຍ່າງແບບຫລັງເປັນນາງແບບອາຊີບມາດົນເກືອບ 10 ປີ ຂ່າວການອຳລາວົງການຍ່າງແບບມີຂຶ້ນໃນຂະນະທີ່ບຸນເຊນຂຶ້ນສູ່ຈຸດສູງສຸດໃນອາຊີບຍ່າງແບບເມື່ອນາງກາຍເປັນນາງແບບທີ່ຄ່າໂຕແພງທີ່ສຸດໃນໂລກ
ວາລະສານຟອສ ລາຍງານວ່າ ເມື່ອປີ 2014 ບຸນເຊນ ເຮັດລາຍໄດ້ສູງສຸດເຖິງ 47 ລ້ານໂດລາຫລືປະມານ ສາມໝື່ນເຈັດພັັນຫົກຮ້ອຍລ້ານກີບຈາກການເຊັນສັນຍາຍ່າງແບບແລະການລົງທຶນໃນທຸລະກິດອື່ນໆເຮັດໃຫ້ນາງຄອງແຊ້ມນາງແບບຄ່າໂຕແພງທີ່ສຸດໃນໂລກເປັນປີທີ່ 8 ຕິດຕໍ່ກັນ ບຸນເຊນ ຈະຍ່າງແບບເທິງເວທີເປັນເທື່ອສຸດທ້າຍກ່ອນອຳລາວົງການໃນງານອາທິດແຟຊັນທີ່ນະຄອນລິໂອເດີຈາເນໂນໃນເດືອນໜ້າ
