ທິມຄຸກ ຊີດີໂອແອປເປິລ ເປີດໂຕແອປເປິລ ວອທຊ໌ ( Apple Watch) ທີ່ຊານຟານຊິສໂກ ສະຫະລັດ ເມື່ອວັນທີ 9 ມີນາ 2015 ນີ້
ສໍານັກຂ່າວຕ່າງປະເທດລາຍງານວ່າຈາເມື່ອງຊານຟານຊິສໂກ ປະເທດສະຫະລັດອາເມລິກາ ເມື່ອວັນທີ 10 ມີນາ ວ່າ “ທິມຄຸກ” ຜູ້ບໍລິຫານແອປເປິລ ເປີດໂຕ ໂມງຂໍ້ມື ແກ໊ດເຈ໊ຕ ໂຕໃໝ່ຫຼ້າສຸດ “ແອປປິລ ວອທຊ໌ AppleWatch” ເມື່ອວັນຈັນທີ່ຜານມາໂດຍມີກໍາໜົດວາງຈໍາໜ່າຍໃນ 9ປະເທດໄດ້ແກ່ ອອສເຕຣເລຍ, ສະຫະລັດ, ຈີນ, ຮ່ອງກົງ, ຍີ່ປຸ່ນ, ຝຣັງ, ເຢຍລະມັນ, ການາດາ ແລະ ອັງກິດ ໃນວັນທີ 24 ເມສາ ນີ້ ລາຄາເລີ່ມຕົ້ນຢູ່ທີ່ໜ່ວຍລະ 349 ດອນລ່າສະຫະລັດ ລວມທັງລຸ້ນລິມິເຕັດ ອິດິຊັ່ນ ທີ່ເຮັດຈາກຄໍາ ລາຄາຢູທີ່ໜ່ວຍລະ 10.000 ດອນລ່າສະຫະລັດ ເຮືອນຂອງໂມງເຮັດຈາກສະແຕນເລດ
ທ່ານ ຄຸກ ກ່າວວ່າ “ແອປເປິລ ວອທຊ໌” ຖືເປັນຈຸດເລີ່ມຕົ້ນໃນການນໍາເອົາ ເທກໂນໂລຊີ່ ມາເຊື່ອມເຂົ້າໄວ້ນໍາກັນ ຊຶ່ງໂມງສາມາດສະແດງພາບໜ້າຈໍໄດ້ຫຼາກຫຼາຍຕັ້ງແຕ່ໜ້າຈໍແບບຄລາກສິກ ໄປຈົນໜ້າຈໍໂຕກະຕຸນມິກກີ້ເມົາສ໌ ທີ່ເຄື່ອນໄຫວໄດ້ສາມາດເຊື່ອມຕໍ່ເຂົ້າກັບໂທລະສັບໄອໂຟນ ຜ່ານທາງໄວເລສ ສໍາລັບໃຊ້ສົ່ງຂໍ້ຄວາມ ແລະ ສົນທະນາ, ໂທລະສັບລົງແອພພລິຄຊັ່ນ ແລະ ຮອງຮັບການໃຊ້ງານເພື່ອສຸຂະພາບ ຫຼືການອອກກໍາລັງກາຍ
ນອກຈາກນີ້ທາງຄ່າຍຍັງອອກແບບແອປເປິລ ວອທຊ໌ ໃຫ້ສາມາດເຊື່ອມຕໍ່ເຂົ້າກັບລະບົບແອປເປິລເພຍ໌ (Applepay) ເພື່ອໃຊ້ຊໍາລະເງິນຊື້ສິ້ນຄ້າ ລວມທັງຍັງໃຊ້ເບິ່ງຮູບພາບອ່ານຂ່າວ ແລະ ເຊື່ອຕໍ່ເຂົ້າກັບເຄື່ອຂ່າຍສັງຄົມອອນໄລນ໌ ໄດ້ອີກດ້ວຍ ຊຶ່ງແອປເປິລເຜີຍວ່າ ຜູ້ປະກອບກິດຈະການທຸລະກິດຕ່າງກໍ່ໃຫ້ການຕອບຮັບ ລະບົບແອປເປິລເພຍ໌ ຊຶ່ງກໍາລັງມີຈໍານວນເພີ່ມຫຼາຍຂຶ້ນຫຼັງຈາກຍອດຂາຍໄອໂຟນທະລຸ 700ລ້ານເຄື່ອງເມື່ອບໍ່ດົນມານີ້
ຂະນະທີ່ ທິມຄຸກ ໄດ້ສາທິດການໃຊ້ ແອປເປິລ ວອທຊ໌ຕັ້ງແຕ່ການຄົ້ນຫາເນື່ອເພງຈາກສຽງໄປຈົນເຖີງການໃຊ້ເປັນ ຣີໂມທຄອນໂທຣລ (Remote control) ເປີດປິດປະຕູເຮືອນ ແລະ ສະແດງບາຣ໌ໂຄ້ດເພື່ອໃຊ້ແທນຕົວເຄື່ອງບິນ ແຕ່ຈຸດເດັ່ນຫຼັກຂອງໂມງ ຢູ່ທີ່ຟັງກ໌ຊັ່ນການເຮັດວຽກດ້ານສຸຂະພາບ ແລະ ການອອກກໍາລັງກາຍ ທີ່ມາພ້ອມກັບເຊ໊ນເຊີຣ໌ ວັດອັດຕາການເຕັ້ນຂອງຫົວໃຈຊ່ວຍປະມວນຜົນກິດຈະກໍາໃນແຕ່ລະວັນ ລວມທັງເຕືອນຜູ້ສວມໃສ່ ໃຫ້ລຸກຂຶ້ນຢ່າງຫຼືເໜັງຕິງຮ່າງກາຍ ຫຼັງຈາກທີ່ບໍ່ໄດ້ເຄື່ອນໄຫວຮ່າງກາຍເປັນເວລາດົນໆ, ໂດຍແບຕເຕີຣີມີອາຍຸການໃຊ້ງານດົນ 1 ວັນຫຼືປະມານ 18 ຊມ. ຕໍ່ການຊາຣ໌ກແບຕເຕີຣີ 1 ຄັ້ງ