ເອຟເອ ຈັກໜັກຕັ້ງ ຂໍ້ຫາອີແວັນສ໌ ແລະ ຊິສເຊ່ແລ້ວ ອາດຈະຖືກແບນເຖີງ 6 ເກັມ
ສະມາຄົມລູກໜັງເມື່ອງຜູ້ດີ ຈັດການຕັ້ງຂໍ້ຫາ ຈອນນີ່ ອີແວັນສ໌ ແລະ ປາປິສສ໌ ຊິສເຊ່ 2 ນັກເຕະ ຫຼັງຈາກທັງສອງເປີດມະຫາສົງຄາມ ນໍ້າລາຍແຕກຟົ້ງໃສ່ກັນໃນເກັມລີກທີ່ ແມນເຊັສເຕີຢູໄນເຕັດ ຊະນະ ນິວຄາສເຊິ່ລ ເມື່ອວັນພຸດທີ່ຜ່ານມາ. ງານນີ້ ຫາກວ່າທັງສອງຄົນຜິດແທ້ກໍ່ຈະມີສິດຖືກແບນຍາວເຖີງ6ເກັມ.
ສະມາຄົມບານເຕະອັງກິດ(ເອຟເອ) ໄດ້ຈັດການຕັ້ງຂໍ້ຫາ ຈອນນີ່ ອີແວັນສ໌ ກອງຫຼັງ ແມນເຊັສເຕີຢູໄນເຕັດ ແລະປາປິສສ໌ ຊິສເຊ່ ນິວຄາສເຊິ່ລ ຢູໄນເຕັດ ກໍລະນີທັງສອງຄົນກ່ຽວພັນກັບເຫດການເປີດສຶກຖົ່ມນໍ້າລາຍໃສ່ກັນ ໃນເກັມລີກທີ່ ‘ຜີສາດແດງ” ຊະນະ 1-0 ເມື່ອວັນພຸດ ທີ່4 ມີນາທີ່ຜ່ານມາ
ພາບຊ້າທາງໂທລະພາບສະແດງໃຫ້ເຫັນວ່າ ອີແວັນສ໌ ເໝືອນວ່າຈະຖົ່ມນໍ້າລາຍໃສ່ ຊິສເຊ່ ຫຼັງຈາກທີ່ທັງສອງປະທະກັນບໍລິເວັນກາງສະໜາມໃນຊ່ວງເຄິ່ງເວລາທໍາອິດ ເຮັດໃຫ້ກອງໜ້າຊາວເຊເນກັລ ໂມໂຫຈົນເໝືອນກັບວ່າຈະຖົ່ມນໍ້າລາຍໃສ່ຄືນ
ຫຼ້າສຸດ ຊິສເຊ່ ໄດ້ອອກຖະແຫຼງການຂໍໂທດ ກ່ຽວກັບເຫດການດັ່ງກ່າວແລ້ວ ໃນຂະນະທີ່ ອີແວັນສ໌ ຊຶ່ງໄດ້ຮັບການໜຸນຫຼັງຈາກ ຫຼຸຍສ໌ ຟານ ກັລ ຜູ້ຈັດການທີມຂອງ “ຜີສາດແດງ” ຍັງຄົງປະຕິເສດວ່າບໍ່ໄດ້ສະແດງພຶດຕິກໍາຖົ່ມນໍ້າລາຍໃສ່ ດາວຍິງ “ສາລິກາດົງ”
ໃນຂະນະດຽວກັນ ແອນໂທນີ່ ເທຍ໌ເລີຣ໌ ຜູ້ຕັດສິນໃນເກັມດັ່ງກ່າວເຜີຍວ່າຕົນໄດ້ລາຍງານໄປແລ້ວວ່າເບິ່ງບໍ່ເຫັນເຫດການດັ່ງກ່າວຢ່າງໃດກໍ່ຕາມ ສະມາຄົມລູກໜັງເມື່ອງຜູ້ດີໄດ້ຕັ້ງຂໍ້ຫານັກເຕະທັງສອງຄົນ ຫຼັງຈາກທີ່ອາດີດກໍາມະການ 3 ທ່ານໂຫວດຢ່າງເປັນເອກະສັນວ່າ ພວກເຂົາຄວນຈະຖືກໃບແດງ
ທັ່ງນີ້ ດາວເຕະຊາວໄອຣ໌ແລນດ໌ເໜືອ ແລະ ຊິສເຊ່ ມີເວລາຈົນເຖີງ18:00 ນາທີ( 1:00 ນາທີ ຕາມເວລາປະເທດລາວ) ເພື່ອທີ່ຈະຕັດສິນໃຈຍື່ນອຸທອນຂໍ້ກ້າວຫາດັ່ງກ່າວ ແຕ່ຖ້າຫາກມີການຍື່ນຂໍ້ກ້າວຫານີ້ ນັກເຕະທັງສອງຄົນຈະຕ້ອງ ຖືກແບນເຖີງ 6 ແມັຕຊ໌ດ້ວຍກັນ.