ຮືຮາ! ຂຸມເມກ ປາກົດການເທີງທ້ອງຟ້າ ວໍຊິງຕັນດີຊີ ອາລັງການຄືກັບປະຕູສະຫວັນ

ເວັບໄຊທ໌ ເດລີເມລ໌ ໄດ້ເຜີຍແຜ່ພາບສຸດອັດສະຈັນ ແລະ ສຸດຍອດຄວາມງົດງາມໂດຍເປັນພາບກ້ອນເມກປະຫຼາດ ທີ່ແຍກໂຕອອກຄ້າຍຄືກັບ ປະຕູແຫາງສະຫວັນ

ລາຍງານຂ່າວເປີດເຜີຍວ່າ ກ້ອນເມກປະຫຼາດນີ້ກໍ່ໂຕເໜືອ ວໍຊິງຕັນ ດີຊີ ແລະ ລັດບຣິຕິຊ ໂຄລໍາເບຍ ສ້າງຄວາມຕື່ນຕາຕື່ນໃຈບໍ່ໜ້ອຍ ໃຫ້ກັບປະຊາຊົນທີ່ພົບເຫັນ ຊຶ່ງຄັ້ງນີ້ບໍ່ແມ່ນຄັງທໍາອິດ ທີ່ພົບເຫັນເມັກໃນລັກສະນະນີ້ ແຕ່ມັນກໍ່ບໍ່ເກີດຂຶ້ນເລື່ອຍໆ

ໂດຍຜູ້ຊ່ຽວຊານດ້ານເມກເຜີຍວ່າ ເມກດັງກ່າວເປັນທີ່ຮູ້ຈັກກັນໃນ ນາມຂອງຂຸມເມກຫຼື ຂຸມຟອລສະຕຣິກ ຫາພົບເຫັນໄດຍາກ ແລະ ເປັນປາກົດການທີ່ເກີດຂຶ້ນ ເທີງຊັ້ນບັນຍາກາດ ໂດຍຫຼາຍຄົນທີ່ໄດ້ຊົມພາບນີ້ແລ້ວ ຕ່າງກໍ່ບອກເປັນຄໍາດຽວກັນວ່າຄືກັບ ປະຕູສະຫວັນ ຖືກເປີດອອກເລີຍ ຊຶ່ງເມື່ອມັນກະທົບໃສ່ ກັບແສງຕາເວັນແລ້ວຍິ່ງສ້າງຄວາມງົດງາມຫຼາຍຍິ່ງຂຶ້ນ ເໝືອນກັບວ່າແສ່ງສະຫວ່າງພຸ່ງອອກມາຈາກປະຕູນັ້ນເອງ

ອີກຢ່າງ ປາກົດການ ຟອລສະຕຣິກ (Fall streak Hole) ເປັນປາກົດການທໍາມະຊາດທີ່ເກີດຂຶ້ນຫຼັງຈາກອຸນຫະພູມຂອງນໍ້າໃນຊັ້ນບັນຍາກາດ ຢູ່ໃນລະດັບຕໍ່າາກວ່າຈຸດແຂງໂຕ ແຕ່ນໍ້າກັບບໍ່ເປັນນໍ້າແຂງ ແຕ່ກາຍເປັນຜືກໃສແທນ ກ່ອນທີ່ມັນຈະຫຼົ່ນຢູ່ໃຕ້ຊັ້ນເມກ ເຮັດໃຫ້ເກີດຂຸມໃຫຍ່ ທ່າມກາງເມກບາງໆ ເທີງທ້ອງຟ້າ ຈຶ່ງເຮັດໃຫ້ເກີດປາກົດການ ຄ້າຍໆກັບປະຕູຂຶ້ນມາ