spot_img
Homeຂ່າວຕ່າງປະເທດຫວຽດ​ນາມ ຈະ​ຂາຍ​ເຮືອ​ບິນ​ເກົ່າ​ອອກ 5 ລຳ ເພື່ອ​ຍົກ​ລະ​ດັບ​ສາຍ​ການ​ບິນ​ແຫ່ງ​ຊາດ

ຫວຽດ​ນາມ ຈະ​ຂາຍ​ເຮືອ​ບິນ​ເກົ່າ​ອອກ 5 ລຳ ເພື່ອ​ຍົກ​ລະ​ດັບ​ສາຍ​ການ​ບິນ​ແຫ່ງ​ຊາດ

Published on

VIETNAM-ECONOMY-AVIATION-IPO

ສາຍ​ການ​ບິນ​ຫວຽດ​ນາມ ຈະ​ຂາຍ​ເຮືອ​ບິນເກົ່າ​ອອກ 5 ລຳ ຕາມ​ແຜນ​ຍົກ​ລະ​ດັບ​ສາຍ​ການ​ບິນ ໂດຍ​ມີ​ເປົ້າ​ໝາຍ​ໃຫ້​ກາຍ​ເປັນ​ສາຍ​ການ​ບິນ​ລະ​ດັບ 4 ດາວ.

ສຳ​ນັກ​ຂ່າວ​ຕ່າງ​ປະ​ເທດ ​ລາຍ​ງານ​ໃນ​ວັນ​ທີ 2 ມີ​ນາ​ຜ່ານ​ມາ​ນີ້​ວ່າ ຄະ​ນະ​ກຳ​ມະ​ການ​ບໍ​ລິ​ຫານ ສາຍ​ການ​ບິນ​ຫວຽດ​ນາມ ໄດ້​ສະ​ເໜີ​ຂາຍ​ເຮືອ​ບິນ ATR72 ຈຳ​ນວນ 3 ລຳ ແລະ ເຮືອ​ບິນ​ໂບ​ອິ້ງ 777-200ER ອີກ 2 ລຳ ຕາມ​ແຜນ​ທີ່​ຈະ​ສະ​ເໜີ​ອະ​ນຸ​ມັດ ໃນ​ກອງ​ປະ​ຊຸມ​ຜູ້​ຖື​ຫຸ້ນ ຄັ້ງ​ວັນ​ທີ 13 ມີ​ນາ​ນີ້ ໂດຍ​ເຫດ​ຜົນ​ຍ້ອນ​ເຮືອ​ບິນ ATR ຈຳ​ນວນ 3 ລຳ ແມ່ນ​ມີ​ສະ​ພາບ​ບໍ່​ສົມ​ບູນ ແຕ່​ເຮືອ​ບິນ​ໂບ​ອິ້ງ​ອີກ 2 ລຳ​ນັ້ນ ຍັງ​ສາ​ມາດ​ໃຊ້​ງານ​ໄດ້​ຕໍ່​ອີກ​ຫລາຍ​ກ່​ວາ 4 ປີ.  ເຖິງ​ຢ່າງ​ໃດ​ກໍ​ຕາມ ສາຍ​ການ​ບິນ​ຫວຽດ​ນາມ ຍັງ​ຕ້ອງ​ການ​ທີ່​ຈະ​ຂາຍ​ອອກ​ທັງ 5 ລຳ ເນື່ອງ​ຈາກ​ບໍ່​ສາ​ມາດ​ຮັບ​ປະ​ກັນ​ຄຸນ​ນະ​ພາບ​ຂອງ​ການ​ໃຫ້​ບໍ​ລິ​ການໄດ້ ທ່າມ​ກາງ​ການ​ແຂ່ງ​ຂັນ​ຢ່າງ​ດຸ​ເດືອດ​ໃນ​ເວ​ລາ​ນີ້ ເຊິ່ງ​ສາຍ​ການ​ບິນ​ມີ​ເປົ້າ​ໝາຍ​ທີ່​ຈະ​ຍົກ​ລະ​ດັບ​ການ​ບໍ​ລິ​ການ ໃຫ້​ຢູ່​ໃນ​ລະ​ດັບ 4 ດາວ ໂດຍ​ໃນ​ປັດ​ຈຸ​ບັນ​ນີ້ ແມ່ນ​ສາຍ​ການ​ບິນ​ຫວຽດ​ນາມ ຖືກ​ຈັດ​ໃຫ້​ຢູ່​ໃນ​ປະ​ເພດ​ສາຍ​ການ​ບິນ​ລະ​ດັບ 3 ດາວ.

 

ບົດຄວາມຫຼ້າສຸດ

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...