ຊາຍໜຸ່ມ ຈີນ ປ່ອນ “ໄອໂຟນ6” ລົງຕູບໍລິຈາກວັດ
ເວັບໄຊທ໌ຂ່າວຈີນ “ນິວສ໌ຊິນາ” ລາຍງານຈາກມົນທົນກວາງຕຸ້ງ ປະເທດຈີນເມື່ອວັນທີ 25 ກຸມພາ ວ່າ: ໄດ້ມີຊາຍໜຸ່ມຊາວຈີນ ຄົນໜຶ່ງໃດ້ປ່ອນ “ໄອໂຟນ6” ຂອງຕົນເອງໃສ່ຕູ່ບໍລິຈາກ ໃນວັດດັງແຫ່ງໜຶ່ງຂອງ ເມືອງຝູຊານມົນທົນກວາງຕຸ້ງ ແທນການບໍລິຈາກດ້ວຍເງິນ, ທັ່ງນີ້ວັດດັ່ງກ່າວໄດ້ເປັນວັດ ທີ່ມີຊື່ສຽງມີຜູ້ຄົນຫຼາຍພັນຄົນເດີນທ່າງມາຢ້ຽມຊົມ ແລະ ທໍາບຸນດ້ວຍການຈູດທູບຂໍພອນ ພ້ອມບໍລິຈາກເງິນໃນຊ່ວງເທດສະການວັນຢຸດ ກຸດຈີນທີ່ຜ່ານມາ.
ຈາກຂໍ້ມູນຂອງຜູ້ທີ່ເປັນຄົນຖ່າຍຮູບເວົ້າວ່າ ຂະນະທີ່ຊາຍຜູ້ນີ້ທໍາການບໍລິຈາກໃຫ້ວັດ ດ້ວຍໄອໂຟນ ໄດ້ໄລຍະໜຶ່ງ ເຈົ້າໜ້າທີ່ຂອງທາງວັດກໍ່ອອກມາໄຂຕູ້ບໍລິຈາກ ນໍາໂທລະສັບໄປຄືນໃຫ້ລາວ ພ້ອມທັງກ່າວວ່າ ທາງວັດຮັບແຕ່ປັດໄຈເທົ້ານັ້ນ ວັດຖຸສິ່ງຂອງໂດຍສະເພາະ ໄອໂຟ6 ແບບນີ້ບໍ່ຮູ້ວ່າຈະໃຫ້ພະສົງນໍາໄປເຮັດແບບໃດ ຈຶ່ງຄືນໃຫ້ກັບຜູ້ໃຈບຸນ.
ດັ່ງນັ້ນ ຊາຍໜຸ່ມຄົນດັ່ງກ່າວຈຶ່ງຮັບໄອໂຟນ ຂອງຕົນເອງຄືນມາ ແລ້ວຈົກທະນາບັດໃບ100 ຢວນ ຈໍານວນຫຼາຍໃບອອກມາແລ້ວ ປ່ອນໃສ່ໃນຕູ້ບໍລິຈາກແທນ ແລ້ວກໍ່ຈາກໄປ.
