ສະຖິຕິການເກີດອຸບັດເຫດຕາມທ້ອງຖະໜົນປະຈຳອາທິດ ລະຫວ່າງວັນທີ 28 ມັງກອນ – 3 ກຸມພາ 2013 ທົ່ວນະຄອນຫຼວງ
ວຽງຈັນ ມີອຸບັດເຫດເກີດຂຶ້ນທັງໝົດ 31 ກໍລະນີ ເສຍຊີວິດ 4 ຄົນ ລວມມູນຄ່າຄວາມເສຍຫາຍທັງໝົດ 555 ລ້ານກວ່າກີບ.
ຈາກອຸບັດເຫດໃນແຕ່ລະຄັ້ງ ເຮັດໃຫ້ມີຜູ້ບາດເຈັບເລັກນ້ອຍ 22 ຄົນ ສົມຄວນ 25 ຄົນ ສາຫັດ 7 ຄົນ ແລະ ເສຍຊີວິດ 4 ຄົນ
ຜົນເສຍຫາຍທາງດ້ານພາຫະນະເປ່ເພເລັກນ້ອຍ 21 ຄັນ ສົມຄວນ 38 ຄັນ ໃຊ້ການບໍ່ໄດ້ 2 ຄັນ ອຸບັດເຫດສ່ວນໃຫຍ່ແມ່ນເກີດ
ຢູ່ໃນກຸ່ມອາຊີບກຳມະກອນ ຮອງມາພະນັກງານ ສຳລັບປະເພດຄົນບາດເຈັບ ແລະ ເສຍຊີວິດ ຄົນຂັບບາດເຈັບເລັກນ້ອຍ 12 ຄົນ
ສົມຄວນ 18 ຄົນ ສາຫັດ 5 ຄົນ ເສຍຊີວິດ 3 ຄົນ ສ່ວນຜູ້ຊ້ອນທ້າຍເຈັບເລັກນ້ອຍ 3 ຄົນ ສົມຄວນ 2 ຄົນ ສາຫັດ 1 ຄົນ
ແລະ ເສຍຊີວິດ 1 ຄົນ ຈາກລົດໂດຍສານ.
ເມືອງທີ່ເກີດອຸບັດເຫດໄດ້ແກ່ ຈັນທະບູລີ 6 ຄັ້ງ ສີໂຄດຕະບອງ 7 ຄັ້ງ ສີສັດຕະນາກ 4 ຄັ້ງ ໄຊເຊດຖາ 4 ຄັ້ງ ຫາດຊາຍຟອງ
2 ຄັ້ງ ໄຊທານີ 2 ຄັ້ງ ນາຊາຍທອງ 2 ຄັ້ງ ປາກງື່ມ 1 ຄັ້ງ ແລະ ສັງທອງ 1 ຄັ້ງ ປະເພດພາຫະນະທີ່ເກີດອຸບັດເຫດລົດຈັກ
30 ຄັນ ລົດເບົາ 27 ຄັນ ລົດບັນທຸກໜັກ 2 ຄັນ ສາຍທາງທີ່ເກີດອຸບັດເຫດຫຼາຍກວ່າໝູ່ແມ່ນຖະໜົນ 13 ເໜືອ ເວລາທີ່ມັກ
ເກີດເຫດແມ່ນເລີ່ມແຕ່ເວລາ 19:00 ໂມງຫາ 24:00 ໂມງ.
ສາຍເຫດຫຼັກຂອງການເກີດອຸບັດເຫດໃນແຕ່ລະຄັ້ງ ຍ້ອນຜູ້ທີ່ໃຊ້ລົດໃຊ້ຖະໜົນຍັງລະເມີດຕໍ່ກົດລະບຽບຈະລາຈອນ ໃຊ້ຄວາມໄວ
ເກີນກຳນົດ ບໍ່ໃຫ້ກຽດເຊິ່ງກັນ ແລະ ກັນ ມີຄວາມປະມາດ ເມົາແລ້ວຂັບ ບວກກັບສະພາບເສັ້ນທາງເປັນຂຸມ ແລະ ບາງສາຍມີ
ການສ້ອມແປງຍິ່ງເຮັດໃຫ້ການສັນຈອນມີຄວາມສັບສົນ ການເກີດອຸບັດເຫດໃນແຕ່ລະຄັ້ງ ມັນໄດ້ສົ່ງຜົນເສຍຫາຍທາງດ້ານຊີວິດ
ວັດຖຸ ຈິດໃຈ ແລະ ອື່ນໆ.
ຂໍ້ມູນທັງໝົດນີ້ແມ່ນບົດສະຫຼຸບປະຈຳອາທິດຂອງພະແນກຈະລາຈອນ ນະຄອນຫຼວງວຽງຈັນ.
ທີ່ມາ:http://www.vientianemai.net