“ຫົງ” ກຣິດ! ຕໍຣ໌ເຣສກັບແອນຟິລດ໌ຫຼິ້ນເກັມອໍາລາ “ເຈີດ”
ສາວົກ “ເດິຄ໊ອບ” ຄິດຮອດຂ້ອຍບໍ່! ເຟຣ໌ນານໂດ ຕໍຣ໌ເຣສ ອະດີດດາວຍິງ ຈອມລີລາ ກຽມກັບຄືນຖິ່ນ ແອນຟິລດ໌ ບ້ານເກົ່າອີກຄັ້ງ ເພື່ອລົງຫຼິ້ນເກັມ ເທສຕິໂມເນຍລ໌ ແມ໊ຊຂອງ ສະຕິເວັນເຈີຣ໌ຣາຣ໌ດ ກັບຕັນທີມ ລີເວີຣ໌ພູລ ຊ່ວງປາຍເດືອນ ມີນາ ນີ້.
ເຟຣ໌ນານໂດ ຕໍຣ໌ເຣສ ອະດີດສູນໜ້າຄົນເກັ່ງຂອງ ລີເວີຣ໌ພູລ ຍັກໃຫຍ່ແຫ່ງສຶກພຣີເມຍລີກ ອັງກິດ ກຽມກັບມາທີ່ ແອນຟິລດ໌ ອີກຄັ້ງ ເພື່ອລົງສະໜາມໃນເກັມອໍາລາ “ຫົງແດງ” ຂອງ ສະຕີເວັນ ຈີຣ໌ຣາຣ໌ດ ກອງກາງກັບຕັນຂວັນໃຈ “ເດິຄອບ” ໃນຊ່ວງທ້າຍເດືອນ ມີນານີ້. ຈາກລາຍງານຂອງ ອາສ ໜັງສືພີມກິລາຊື່ດັງຂອງແດນກະທິງດຸ ເມື່ອວັນ ອາທິດ 22 ກຸມພາທີ່ຜ່ານມາ.
ມິດຟິລດ໌ໄວ 34 ປີ ກຽມຍ້າຍໄປຢູ່ກັບ ລອສແອງເຈລິສ ແກແລັກຊີ່ ສະໂມສອນໃນສຶກ ເມເຈີຣ໌ລີກ ຊອກເກີຣ໌ ສະຫະລັດອາເມລິກາ (ເອ໊ມແອລເອສ) ຫຼັງຈາກຈົບລະດູການນີ້ໂດຍມີລາຍງານວ່າ ດາວຍິງ ແອຕເລຕິິໂກ ມາດຣິດ ຈະມາຮ່ວມລົງແຂ່ງໃນເກັມເທສຕີໂມເນຍລ໌ແມຊ ອໍາລາ ລີເວີຣ໌ພູລ ຂອງ “ສະຕິວີ່ຈີ” ໃນວັນອາທິດທີ29 ມີນາ 2015 ນີ້. ໂດຍນອກຈາກ “ເອລນິນໂຢ່” ແລ້ວ ອາດີດ ເພື່ອນຮ່ວມທັບຂອງ ເຈີຣ໌ຣາຣ໌ດ ທັງ ຫຼຸຍສ໌ ຊົວເຣຊ, ຣາເວຍຣ໌ ມາສເຄຣາໂນ່, ໂຈເຊ່ ເຣນ່າ ແລະ ຊາບີ ອະລອນໂຊ່ ກໍ່ຈະມາຮ່ວມງານນີ້ດ້ວຍ.
ຢ່າງໃດກໍ່ຕາມ ຍັງບໍ່ມີໃຜກະລັງຕີໄດ້ວ່າ ຕໍຣ໌ເຣສ ຈະໄດ້ຮັບການຕອນຮັບທີ່ດີຈາກສາວົກ “ເດິຄອບ” ຫຼືບໍ່ ເນື່ອງຈາກເຄີຍທໍາລາຍຈິດໃຈດ້ວຍການອໍາລາຖິນ ແອນຟິລດ໌ ໄປຢູ່ກັບ ເຊລຊີ ຄູ່ປັບຮ່ວມລີກ ດ້ວຍຄ່າໂຕ 50 ລ້ານປອນດ໌ ເມື່ອເດືອນ ມັງກອນ ປີ2011 ນັ້ນເອງ.
