spot_img
Homeຂ່າວຕ່າງປະເທດໄທ​ຍຶດ​ຊັບ​ສິນ​ເຈົ້າ​ອາ​ວາດ ວັດ​ພະ​ທຳ​ມະ​ກາຍ ເພາະໄດ້​ມາ​ຍ້ອນ​ການ​ສໍ້​ໂກງ!

ໄທ​ຍຶດ​ຊັບ​ສິນ​ເຈົ້າ​ອາ​ວາດ ວັດ​ພະ​ທຳ​ມະ​ກາຍ ເພາະໄດ້​ມາ​ຍ້ອນ​ການ​ສໍ້​ໂກງ!

Published on

ธรรมกาย500
​ວັດ​ພະ​ທຳ​ມະ​ກາຍ ປະ​ເທດ​ໄທ

ທາງ​ການ​ໄທ ມີ​ມະ​ຕິ​ຍຶດ​ຊັບ​ສິນ​ຂອງ​ພະ​ທຳ​ມະ​ໄຊ​ໂຍ ເຈົ້າ​ອາ​ວາດ​ວັດ​ພະ​ທຳ​ມະ​ກາຍ ພ້ອມ​ກຽມ​ກວດ​ສອບ​ພະ​ລູກວັດ​ອື່ນໆ ສົງ​ໄສ​ວັດເປັນ​ແຫລ່ງ​ຟອກ​ເງິນ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 23 ກຸມ​ພາ​ຜ່ານ​ມາ​ນີ້​ວ່າ ທ່ານ ໄພ​ບູນ ນິ​ຕິ​ຕະ​ວັນ ປະ​ທານ​ຄະ​ນະ​ກຳ​ມະ​ການ​ປະ​ຕິ​ຮູບແນວ​ທາງ ແລະ ມາດ​ຕະ​ການ​ປົກ​ປ້ອງ​ພິ​ທັກ​ກິດ​ຈະ​ການ​ພະ​ພຸດ​ທະ​ສາ​ສະ​ໜາ ສະ​ພາ​ປ​ະ​ຕິ​ຮູບ​ແຫ່ງ​ຊາດ​ໄທ ໄດ້​ອອກ​ຖະ​ແຫລງ ກ່ຽວ​ກັບ​ຄະ​ດີ​ທີ່​ສະ​ຫະ​ກອນ​ເຄ​ຣ​ດິດ​ຢູ​ນຽນ​ຄອງ​ຈັ່ນ ໄດ້​ອອກ​ແຊັກ​ເງິນ​ສົດ​ໃຫ້​ກັບ ພະ​ທຳ​ມະ​ໄຊ​ໂຍ ເຈົ້າ​ອາ​ວາດ​ວັດ​ພະ​ທຳ​ມະ​ກາຍ ເຊິ່ງ​ຄະ​ນະ​ກຳ​ມະ​ການ​ພົບ​ວ່າ ມີ​ການ​ກະ​ທຳ​ຜິດ​ໃນ​ເສັ້ນ​ທາງ​ການ​ເງິນ ທີ່​ໂອນ​ໄປ​ເຂົ້າ​ບັນ​ຊີ​ຂອງ​ພະ​ທຳ​ມະ​ໄຊ​ໂຍ 8 ສະ​ບັບ ລວມ​ຈຳ​ນວນ​ເງິນ 348 ລ້ານ​ບາດ ແລະ ໂອນ​ເຂົ້າ​ບັນ​ຊີ​ຂອງວັດ​ພະ​ທຳ​ມະ​ກາຍ​ອີກ 6 ສະ​ບັບ ຈຳ​ນວນ​ເງິນ​ກ່​ວາ 436 ລ້ານ​ບາດ ລວມ​ເຖິງ​ຈ່າຍ​ໃຫ້​ພະ​ລູກວັດ​ອີກ 119 ລ້ານ​ບາດ ເຊິ່ງ​ຈາກ​ການກວດ​ສອບ​ໄດ້​ພົບ​ວ່າ ຈຳ​ນວນ​ເງິນ​ດັ່ງ​ກ່າວ​ນີ້ ໄດ້​ມີ​ການ​ໂອນ​ຕໍ່​ໄປ​ຍັງ​ບັນ​ຊີ​ອື່ນໆ​ອີກ ເຊິ່ງ​ທາງ​ຄະ​ນະ​ກຳ​ມະ​ການ​ໄດ້​ສະ​ເໜີ​ໃຫ້​ມີ​ການ​ຟ້ອງ​ທາງ​ແພ່ງ ພ້ອມ​ທັງ​ລົງ​ມະ​ຕິ​ອາ​ຍັດ​ຊັບ​ສິນ​ຂອງ​ພະ​ທຳ​ມະ​ໄຊ​ໂຍ​ທັງ​ໝົດ ເພາະ​ວ່າ​ເກີດ​ຈາກ​ການ​ສໍ້​ໂກງ.

ນອກ​ຈາກ​ນີ້, ຄະ​ນະ​ກຳ​ມະ​ການ​ດັ່ງ​ກ່າວ​ຍັງ​ຕັ້ງ​ຂໍ້​ສົງ​ໄສ​ອີກວ່າ ວັດ​ພະ​ທຳ​ມະ​ກາຍ ເປັນ​ແຫລ່ງ​ຟອກ​ເງິນ ຫລື ບໍ່ ເນື່ອງ​ຈາກ​ມີ​ການມອບ​ເງິນ​ໃຫ້​ກັບ​ວັດ​ແຕ່​ລະ​ຄັ້ງ ໂດຍ​ບໍ່​ມີ​ການ​ເສຍ​ພາ​ສີ ແລະ ການມອບ​ທີ່​ດິນ​ໃຫ້​ກັບ​ວັດ ກໍ​ບໍ່​ມີ​ການກວດ​ສອບ​ອີກ ເພາະ​ວ່າ​ເປັນ​ກໍ​ລະ​ນີ​ຂອງ​ພະ​ສົງ ເຊິ່ງ​ທາງ​ຄະ​ນະ​ກຳ​ມະ​ການ​ໄດ້​ເຫັນ​ດີ​ສະ​ເໜີ​ໃຫ້​ມີ​ການ​ອອກ​ກົດ​ໝາຍ ເພື່ອ​ຄຸ້ມ​ຄອງ​ກ່ຽວ​ກັບ​ຊັບ​ສິນ​ຂອງວັດ ພ້ອມ​ທັງ​ວາງ​ຫລັກ​ການ​ໃຫ້​ມີ​ການກວດ​ສອບ ເພື່ອ​ໃຫ້​ມີ​ຄວາມ​ໂປ່ງ​ໃສ.

ธัมมชโย
ພະ​ທຳ​ມະ​ໄຊ​ໂຍ ເຈົ້າ​ອາ​ວາດ​ວັດ​ພະ​ທຳ​ມະ​ກາຍ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...