ພິທີລົງນາມບົດບັນທຶກຄວາມເຂົ້າໃຈ ເພື່ອສຶກສາສຳຫຼວດຄວາມເປັນໄປໄດ້ໃນການສຳປະທານເນື້ອທີ່ດິນ ຈຳນວນ 100 ເຮັກຕາ
ຢູ່ເຂດພັດທະນາຄຸ້ມເມືອງໃໝ່ໜອງປີງ ເມືອງຈັນທະບູລີ ນະຄອນຫຼວງວຽງຈັນ ໄດ້ມີຂຶ້ນວັນທີ 13 ກຸມພາ 2013 ຢູ່ຫ້ອງວ່າການ
ປົກຄອງ ນວ ລະຫວ່າງທ່ານ ວິໄຊ ຊາວັນນາ ຫົວໜ້າພະແນກແຜນການ ແລະ ການລົງທຶນ ນວ ແລະ ທ່ານນາງ ວິໄລຄຳ ບຸດ
ດາຄຳ ຜູ້ອຳນວຍການວິທະຍາໄລທຸລະກິດລາວ-ສິງກະໂປ ໂດຍຊ້ອງໜ້າທ່ານ ດຣ. ອານຸພາບ ຕຸນາລົມ ຮອງເຈົ້າຄອງ ນວ ພ້ອມ
ດ້ວຍພະນັກງານກ່ຽວຂ້ອງ.
ທ່ານນາງ ວິໄລຄຳ ບຸດດາຄຳ ໄດ້ກ່າວວ່າ: ໃນນາມວິທະຍາໄລທຸລະກິດລາວ-ສິງກະໂປ ຂ້າພະເຈົ້າຂໍສະແດງຄວາມຂອບໃຈມາຍັງ
ການນຳນະຄອນຫຼວງວຽງຈັນ ທີ່ໄດ້ໃຫ້ຄວາມເຊື່ອໝັ້ນ ແລະ ເປີດໂອກາດໃຫ້ພວກຂ້າພະເຈົ້າໄດ້ປະກອບສ່ວນໃນການພັດທະນາ
ນວ ໂດຍສະເພາະ ໄດ້ອະນຸຍາດໃນການເຊັນບົດບັນທຶກຄວາມເຂົ້າໃຈ ເພື່ອສຶກສາຄວາມເປັນໄປໄດ້ໃນການສຳປະທານເນື້ອທີ່ ຈຳ
ນວນ 100 ເຮັກຕາ ຢູ່ເຂດພັດທະນາຄຸ້ມເມືອງໃໝ່ໜອງປີງ ໂດຍໂຄງການນີ້ຄາດວ່າຈະມີມູນຄ່າການລົງທຶນທັງໝົດ 100 ລ້ານ
ໂດລາສະຫະລັດ ຫຼື ປະມານ 800 ຕື້ກີບ (ແຕ່ຈະເພີ່ມຂຶ້ນຕາມກິດຈະການຕົວຈິງ) ຈຸດປະສົງຂອງໂຄງການນີ້ ແມ່ນຈະພັດທະນາ
ໃຫ້ເປັນເຂດການສຶກສາ ໂຮງຮຽນ ສູນການຄ້າທີ່ທັນສະໄໝ ໂຮງແຮມ ໂຮງໝໍ ທະນາຄານ ສວນສາທາລະນະ ແລະ ກິດຈະກຳ
ອື່ນໆທີ່ນອນຢູ່ໃນຂອບເຂດເນື້ອທີ່ສຳປະທານ ໂດຍໃຫ້ສອດຄ່ອງຕາມແຜນຜັງທີ່ ນວ ໄດ້ຮັບຮອງ ເຊິ່ງພາຍຫຼັງການລົງນາມຄັ້ງນີ້
ກໍຈະເລີ່ມຈັດຕັ້ງສຶກສາສຳຫຼວດຄວາມເປັນໄປໄດນັບແຕ່ນີ້ເປັນຕົ້ນໄປ.
ທີ່ມາ:http://www.vientianemai.net