ເຫຼົ່າແຟນບານ “ເດິ ຄ໊ອປ” ໄດ້ເຮກັນທົ່ວໜ້າ ເມື່ອ “ຟິລິປເປ້ ຄູຕິນໂຢ່” ກອງກາງໂຕບຸກ “ລີເວຣ໌ພູລ” ຈັດການຂຽນຂະຫຍາຍສັນຍາຢູ່ຍາວໃນຖິ່ນ ແອນຟີລດ໌ ເຖິງປີ2020 ຮຽບຮ້ອຍແລ້ວ ຫຼັງໄດ້ມີການໂຊຟອຣ໌ມດີໃນທີມມາຕະຫຼອດ.
ລີເວີພູລ ສະໂມສອນດັງແຫ່ງສຶກພຣີເມຍລີກ ອັງກິດ ປະກາດຢືນຢັນເມື່ອວັນອັງຄານທີ່3 ກຸມພາ 2015 ທີ່ຜ່ານມາ ຟິລິປເປ້ ຄູຕິນໂຢ່ ມິດຟິລດ໌ ທີມຊາດບຣາຊີລ ຕໍ່ສັນຍາໄລຍະຍາວກັບຕົ້ນສັງກັດເປັນທີ່ຮຽບຮ້ອຍແລ້ວ ໂດຍຄາດວ່າໜ້າຈະເປັນເວລາ 5ປີ ສົ່ງຜົນໃຫ້ຈະໄດ້ຢູ່ ຫຼິ້ນໃນຖິ່ນແອນຟິລດ໌ ຈົນເຖີງ ປີ2020.
ກອງກາງຊາວບຣາຊີລຽນ ອາຍຸ 22ປີ ຍ້າຍຈາກ ອິນເຕີມິລານ ມາຢູ່ກັບ ຫົງແດງ ໂດຍຄ່າໂຕ 8.5 ລ້ານປອນດ໌ ຫຼື(ປະມານ 110500 ລ້ານກີບ) ແລະ ຫຼັງຈາກທີ່ໄດ້ໃຊ້ເວລາໃນການປັບຕົວໃນເມືອງຜູ້ດີນັ້ນ ເຈົ້າໂຕໄດພັດທະນາຕົນເອງຈົນກາຍເປັນຜູ້ຫຼິ້ນຄົນສໍາຄັນຂອງ “ຫົງແດງ”
ທັ່ງນີ້ ຈາກການທີ່ ລີເວີຣ໌ພູລ ຕັດສິນໃຈຂະຫຍາຍສັນຍາສະບັບໃໝ່ກັບ ຄູຕິນໂຢ່ ນັ້ນເນື່ອງຈາກຕ້ອງການກັນໄວ້ ເພື່ອອາດມີທີມອຶ່ນໆ ທີ່ສົນໃນໂຕຂອງ ຄູຕິນໂຢ່ ໃນອະນາຄົດ ຂະນະດຽວກັນກໍ່ເຊື່ອກັນວ່າ ຣາຮີມ ສະເຕີຣ໌ລິງ ປີກໂຕສໍາຄັນເລືອດຜູ້ດີ ຈະຕໍ່ສັນຍາກັບທີມໃນໄວໆນີ້ເຊັ່ນດຽວກັນ.
>>ຂອບໃຈແຫຼ່ງຂໍ້ມູນ http://www.siamsport.co.th/football/premierleague/view.php?code=150203221844