ອຸທາຫອນສຳລັບຄົນຢາກງາມ ຍິງຈີນເດີນທາງໄປເຮັດສັນຍະກຳຢູ່ເກົາຫລີໃຕ້ ແຕ່ສະໝອງຕາຍ ບໍ່ຟື້ນຂຶ້ນມາອີກເລີຍ.
ສຳນັກຂ່າວຕ່າງປະເທດ ລາຍງານໃນວັນທີ 2 ກຸມພານີ້ວ່າ ຍິງຈີນອາຍຸ 50 ປີ ເດີນທາງໄປສັນຍະກຳໄກເຖິງປະເທດເກົາຫລີໃຕ້ ແຕ່ເຄາະຮ້າຍ ຖືກວາງຢາສະຫລົບແລ້ວບໍ່ຟື້ນຂຶ້ນມາອີກເລີຍ ໂດຍແພດປະກາດວ່າເກີດອາການສະໝອງຕາຍ ເຊິ່ງບໍ່ແຕກຕ່າງຫຍັງກັບຄົນຕາຍເລີຍ ເພາະຮ່າງກາຍບໍ່ຕອບສະໜອງໃດໆແລ້ວ.
ລາຍງານໄດ້ລະບຸວ່າ ຍິງລາຍນີ້ໃຊ້ບໍລິການເຮັດສັນຍະກຳໃນຄລີນິກນ້ອຍໆ ໃນເຂດກັງນຳ ຫລັງຈາກທີ່ໝໍສັນຍະກຳໄດ້ໃສ່ຢາສະຫລົບແລ້ວ ນາງກໍເກີດອາການຫົວໃຈຢຸດເຕັ້ນກະທັນຫັນ ທີມແພດຈິ່ງໄດ້ນຳສົ່ງໂຮງໝໍຊຳຊຸງ ເຊອຸນ ຢ່າງຮີບດ່ວນ ແລະ ຈາກນັ້ນແພດກໍປະກາດວ່າ ນາງຢູ່ໃນພາວະສະໝອງຕາຍ ຈາກການເຮັດສັນຍະກຳດັ່ງກ່າວ.
ທັງນີ້ ຄລີນິກດັ່ງກ່າວໄດ້ຖືກຕັ້ງຂໍ້ຫາລະເມີດກົດຄວາມປອດໄພທາງການແພດ ແລະ ໄດ້ຖືກສັ່ງປິດທັນທີແລ້ວ.