ນົມແມ່ເປັນອາຫານທຳມະຊາດທີ່ວິເສດທີ່ສຸດສຳລັບເດັກນ້ອຍ ເພາະມີຄຸນຄ່າທາງອາຫານ ຍ່ອຍງ່າຍ ມີພູມຄຸ້ມກັນໂລກ ສະອາດແລະສະດວກ ແມ່ຈຶ່ງຄວນລ້ຽງລູກດ້ວຍນົມແມ່ຢ່າງນ້ອຍໆ 3-4 ເດືອນ ເຮັດໃຫ້ເກິດຝ້າຂາວໃນປາກນ້ອຍກວ່າການລ້ຽງລູກດ້ວນນົມຂວດ ແຕ່ຫາກຈຳເປັນຕ້ອງລ້ຽງດ້ວຍນົມຂວດ ຄວນປະຕິບັດດັ່ງນີ້:
1. ໃຫ້ເດັກນ້ອຍດູດນ້ຳຕາມຫຼັງດູດນົມຂວດ ເພື່ອສະລ້າງຄາບນົມທີ່ຕົກຄ້າງໃນປາກການເກິດຝ່າຂາວຈະລົດລົງ
2. ບໍ່ປ່ອຍໃຫ້ເດັກນ້ອຍຫຼັບຄາຂວດນົມ ເພາະຈະເຮັດໃຫ້ເກິດບັນຫາແຂ້ວແມງລຸກລາມໄວ ເມື່ອເດັກນ້ອຍກິນນົມຈົນອີ່ມແລ້ວ ກ່ອມໃຫ້ເດັກນອນແທນການດູດນົມຈາກຂວດ
3. ການປ້ອງກັນການກີນທີ່ຜິດປົກກະຕິ ຄວນອຸ້ມເດັກໃຫ້ຕັ້ງຂື້ນໃນເວລາທີ່ກິນນົມຂວດທຸກເທື່ອ ຄ້າຍກັບຜູ້ໃຫຍ່ນັ່ງກິນອາຫານ ແຕ່ເອນກວ່າຈັກນ້ອຍ ໃຫ້ແມ່ຊ່ວຍຖືເຕົ້ານົມ ເດັກນ້ອຍຈະສາມາດໃຊ້ກ້າມເນື້ອໃນ້ຊ່ອງປາກໃນການກິນໃດ້ຖືກຕ້ອງຫຼາຍກວ່າການນອນດູດນົມ
4. ເມື່ອເດັກນ້ອຍເລີ່ມນັ່ງໃດ້ແລ້ວ ອາຍຸປະມານ 4-5 ເດືອນ ຄວນເລີ່ມຝຶກການກິນນົມຈາກຖ້ວຍ ເພື່ອເປັນການຝຶກໃຫ້ເດັກກິນນົມແຕ່ລະມື້ ການດູແລຄວາມສະອາດຊ່ອງປາກຂອງເດັກນ້ອຍ ຄວນເລີ່ມເມື່ອອາຍຸໃດ້ປະມານ 4 ເດືອນ ເພື່ອເຮັດໃຫ້ເດັກປາກສະອາດບໍ່ເກິດເຊື້ອລາ ເຮັດໃຫ້ເດັກເຄີຍຊິນກັບການມີສິ່ງຂອງເຂົ້າປາກ ເຊິ່ງຈະຊ່ວຍເຮັດໃຫ້ເດັກຍອມຮັບການຖູແຂ້ວ ໂດຍການໃຊ້ຜ້າສະອາດພັນປາຍນິ້ວ ຈຸ່ມນ້ຳສະອາດ ເຊັດເຫງືອກແລະແຂ້ວ ເຊົ້າ-ແລງ ແລະເລີ່ມຖູແຂ້ວໃຫ້ເດັກນ້ອຍເມື່ອມີແຂ້ວນ້ຳນົມເຫຼັ່ມທຳອິດຂື້ນປະມານໜຶ່ງເດືອນໄປແລ້ວ ໂດຍໃຊ້ແປງສີຝັນທີ່ມີຂົນອ່ອນນຸ່ມຖູແຂ້ວ ບໍ່ຕ້ອງໃສ່ຢາສີຟັນ ການຖູແຂ້ວຈະຊ່ວຍກຳຈັດເສດອາຫານທີ່ຕົກຄ້າງທີ່ແຂ້ວໃດ້ດີກວ່າການໃຊ້ຜ້າເຊັດແຂ້ວ