ຍັງຕັ້ງໃຈຊ້ອມກັນຢ່າງແຂ່ງຂັນເພື່ອໃຫ້ ເຮັດ ອາຣ໌ມີ ມີຄວາມສຸກກັບຜົນງານຂອງທີມຄືເກົ່າ ອັງເຄລ ດິ ມາເຣຍ ພ້ອມເພື່ອນແມນເຊັສເຕີ ຢູໄນເຕັດ ລົງຊ້ອມກັນເຕັມທີ່ກ່ອນລົງລູຍເກັມ ພຣີເມຍລີກພົບກັບ ເລສເຕີຣ໌ຊີຕີ້ ວັນເສົານີ້.
ບັນດານັກເຕະ ແມນເຊັສເຕີ ຢູໄນເຕັດ ທີມຍັກໃຫຍ່ແຫ່ງສຶກພຣີເມຍລີກອັງກິດ ນໍາໂດຍ ອັງເດລ ດິ ມາເຣຍ ປີກອາເຈນຕີນ່າ ຕ່າງກໍາລັງຕັ້ງໜ້າຕັ້ງຕາຝຶກຊ້ອມຢ່າງເອົາຈິງເອົາຈັງທີ່ ເອອອນ ເທຣນນິ່ງ ຄອມເພລ໊ກຊ໌ ສູນຝຶກຊ້ອມສະໂມສອນ ເພື່ອກຽມລູຍເກັມລີກ ທີ່ຈະຕ້ອງເປີດໂຮງລະຄອນແຫ່ງຄວາມຝັນ ຮັບການມາເຢືອນຂອງເລສເຕີ ຊີຕີ້ ວັນເສົາມທີ 31 ມັງກອນ 2015ນີ້.
ຜີສາດແດງ ໂພສວີດີໂອຂະນະບັນດານັກເຕະກໍາລັງຊ້ອມຢ່າງຕັ້ັງໃຈ ເມື່ອຊ່ວງເຊົ້າວັນພຸດທີ່ຜ່ານມາ ລົງໃນ ທະວິຕເຕີຣ໌ ຢ່າງເປັນທາງການຂອງສະໂມສອນໂດຍນອກຈາກດິມາເຣຍ ແລ້ວຍັງມີ ມາຣູຍານ ເຟລໄລນີ່, ດາເລ່ຍ໌, ຣາດາເມລ ຟັນເກົາ, ອັນໂດນີໂອ ວາເລນເຊຍ ແລະ ມາຣ໌ກອສໂຣໂຮ ຖືກຖ່າຍໄວ້ໄດ້ດ້ວຍຂະນະທີ່ ຫຼຸຍສ໌ ຟານ ກັລ ກຸນຊື ຊາວດັຕຊ໌ ຄອຍຄູມທີມຢ່່າງມຸ່ງໝັ້ນ. ໃນຂະນະນີ້ ແມນເຊັສເຕີ ຢູໄນເຕັດ ກໍາລັງຢູ່ໃນອັນດັບ 4 ໃນຕາລາງຄະແນນພຣີເມຍລີກ ມີ 40 ຄະແນນຈາກ 22 ເກັມ.
>>ຂອບໃຈແຫຼ່ງທີ່ມາ http://www.siamsport.co.th/football/premierleague/view.php?code=150128221232