ເອຟເອ ຈັດການຕັ້ງຂໍ້ຫາຫລິ້ນຮຸນແຮງເກິນກວ່າເຫດກັບ ດີເອໂກ້ ຄອສຕ້າ ທີມເຊລຊີ ໂທດທີ່ເຂົາຢຽບໃສ່ກັບ ເອ໊ມແຮ່ ຊານ ນັກເຕະສາລະພັດປະໂຫຍດ ຂອງສະໂມສອນລີເວີຣ໌ພູລ ລະຫວ່າງເກັມແຄປປີຕອລວັນຄັພ ຮອບຕັດເຊືອກນັດສອງເມື່ອວັນອັງຄານທີ່ຜ່ານມາ ໂດຍດາວຍິງໄວ 26ປີ ອາດຈະຖືກແບນ ຫ້າມລົງສະໜາມເຖີງ 3 ນັດ ຫາກຖືກຕັດສິນວ່າມີຄວາມຜິດແທ້.
ສະມາຄົມບານເຕະອັງກິດ (ເອຟເອ) ຕັ້ງຂໍ້ຫາ ດີເອໂກ້ ຄອສຕ້າ ກອງໜ້າໂຕເກງຂອງ ເຊລຊີ ສະໂມສອນຍັກໃຫຍ່ແຫ່ງສຶກພຣີເມຍລີກ ອັງກິດ ເນື່ອງຈາກການຫຼິ້ນຮຸນແຮງເກີນກວ່າເຫດ ລະຫວ່າງເກັມແຄປປີຕອລວັນຄັພ ຮອບຮອງຊະນະເລີດນັດສອງ ທີ່ທັບ “ສິງບຣູສ໌” ເປີດຮັງ ສະແຕມຟອຣ໌ດ ບຣິດຈ໌ ເອົາຊະນະ ລີເວີຣ໌ພູລ 1-0 ໃນຊ່ວງຕໍ່ເວລາພິເສດ ຫຼັງຈົບ90 ນາທີ ສະເໝີ 0-0 ເມື່ອຄືນວັນອັງຄານ ທີ27 ມັງກອນ 2015 ທີ່ຜ່ານມາ.
ໃນເກັມນັ້ນ ຄອສຕ້າ ຖືກກ່າວຫາວ່າຢຽບ ເອ໊ມເຣ່ ຊານ ດາວເຕະຂອງລີເວີຣ໌ພູລ ຊຶ່ງເຖິງແມ່ນວ່າ ທີມຂອງກໍາມະການຈະບໍ່ເຫັນເຫດການດັ່ງກ່າວ ແຕ່ກ້ອງວີດີໂອສາມາດຈັບພາບນັ້ນໄດ້ຢ່າງຊັດເຈນ.
ທັ້ງນີ້ ແຂ່ງໄວ 26ປີ ດີເອໂກ້ ຄອສຕ້າ ມີເວລາທີ່ຈະຕອບສະໜອງຕໍ່ຂໍ້ຫານີ້ຈົນເຖິງເວລາ 18:00 ນາທີ, ຂອງວັນພະຫັດທີ29 ມັງກອນ 2015ນີ້ ຕາມເວລາທ້ອງຖິ່ນ ໂດຍຖ້າຫາກຖືກຕັດສິນວ່າມີຄວາມຜິດແທ້ ເຂົາກໍ່ຈະມີສິດຖືກແບນ ຫາມລົງສະໜາມເຖີງ 3 ນັດ, ຫຼັງຈາກທີ່ ຊາຣ໌ລີ ອະດໍາ ມິດຟິລດ໌ ສະໂຕ໊ກ ຊີຕີ້ ກໍ່ເຄີຍຢຽບຄູ່ແຂ່ງ ຈົນຖືກແບນຫ້າມລົງສະໜາາມເຖີງ 3 ນັດມາແລ້ວ.
>>ຂອບໃຈແຫຼ່ງທີ່ມາ http://www.siamsport.co.th/football/premierleague/view.php?code=150129010515