ເກີດ​ເຫດ​ເຮ​ລິ​ຄັອບ​ເຕີ້​ທະ​ຫານ​ຕົກຢູ່​ນະ​ຄອນ​ໂຮ່​ຈິ​ມິນ ປະ​ເທດ​ຫວຽດ​ນາມ ມື້​ວານ​ນີ້ (28 ມັງ​ກອນ) ຫລັງ​ບິນ​ຂຶ້ນ​ບໍ່​ພໍ​ເທົ່າ​ໃດ​ນາ​ທີ ເຮັດ​ໃຫ້​ມີ​ຜູ້​ເສຍ​ຊີ​ວິດ 4 ຄົນ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 28 ມັງ​ກອນ​ຜ່ານ​ມາ​ນີ້​ວ່າ ເຮ​ລິ​ຄັອບ​ເຕີ້ UH-1 ຂອງກອງ​ທັບ​ອາ​ກາດ​ຫວຽດ​ນາມ ໄດ້​ຂາດ​ການ​ຕິດ​ຕໍ່​ ຫລັງ​ບິນ​ຂຶ້ນ​ໄດ້​ພຽງ 8 ນາ​ທີ ຈາກ​ສະ​ໜາມ​ບິນ​ສາ​ກົນ​ເຕິ່ນ​ເຊິນ​ເຍິດ ໃນ​ຕອນ​ເຊົ້າ​ຂອງວັນພຸດ​ທີ 28 ມັງ​ກອນ​ຜ່ານ​ມາ ເຮັດ​ໃຫ້​ມີ​ຜູ້​ເສຍ​ຊີ​ວິດ​ຍົກ​ລຳ 4 ຄົນ.