ເຖິງ: ພະນັກງານ ທະຫານ ຕຳຫຼວດ ພໍ່ຄ້າຊາວຂາຍ ພໍ່ແມ່ປະຊາຊົນ ທົ່ວນະຄອນຫຼວງວຽງຈັນ.
ເລື່ອງ: ໃຫ້ເອົາສັດລ້ຽງປະເພດ ໝາ ແມວ ໄປສັກຢາກັນພະຍາດວໍ້ ໂດຍບໍ່ໄດ້ເສຍຄ່າໃຊ້ຈ່າຍ.
– ອີງຕາມກົດໝາຍວ່າດ້ວຍການລ້ຽງສັດ ແລະ ສັດຕະວະແພດ ສະບັບເລກທີ 03/ສພຊ ລົງວັນທີ 25 ກໍລະກົດ 2008.
– ອີງຕາມແຜນການເຄື່ອນໄຫວສັກຢາກັນພະຍາດວໍ້ຂອງຂະແໜງລ້ຽງສັດ ແລະ ການປະມົງ ປະຈຳສົກປີ 2012-2013.
ພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງພໍ່ແມ່ປະຊາຊົນ ພະນັກງານ ທະຫານ ຕຳຫຼວດ ຈົ່ງ
ໄດ້ເອົາສັດລ້ຽງປະເພດ ໝາ ແມວ ຂອງຕົນເອງ ໄປສັກຢາກັນພະຍາດວໍ້ ໂດຍບໍ່ໄດ້ເສຍຄ່າ ຢູ່ທີ່ໂຮງໝໍປົວສັດນະຄອນຫຼວງວຽງ
ຈັນ ບ້ານສະຫວ່າງ ຊຶ່ງຈະໄດ້ຈັດຂຶ້ນທຸກໆວັນເສົາ ເວລາ 13 ໂມງ 00 ນາທີ ຫາ 16 ໂມງ 00 ນາທີ ຈະເລີ່ມແຕ່ວັນທີ
2/2/2013 ຫາ 2/3/2013 ກຳນົດ 1 ເດືອນ.
ສະນັ້ນ ຈຶ່ງແຈ້ງມາຍັງທ່ານເພື່ອຮັບຊາບ ແລະ ຈົ່ງພ້ອມກັນນຳເອົາສັດລ້ຽງຂອງຕົນ ໄປສັກຢາຕາມກຳນົດເວລາດ້ວຍ.
ຮ.ຫົວໜ້າພະແນກກະສິກຳ ແລະ ປ່າໄມ ນະຄອນຫຼວງວຽງຈັນ
ທີ່ມາ:www.vientianemai.net