spot_img
Homeຂ່າວພາຍ​ໃນເຈົ້າຄອງນະຄອນຫຼວງ ລົງຊຸກຍູ້ການຜະລິດຢູ່ ເມືອງນາຊາຍທອງ

ເຈົ້າຄອງນະຄອນຫຼວງ ລົງຊຸກຍູ້ການຜະລິດຢູ່ ເມືອງນາຊາຍທອງ

Published on

20150120092937

ທ່ານ ​ດຣ. ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງຈັນ ພ້ອມ​ຄະນະ ໄດ້​ລົງ​ຊຸກຍູ້​ການຜະລິດຢູ່​ຟາມ​ໝູ ແລະ ຟາມ​ປາຂອງ​ບໍລິສັດ ເອັກສ໌​ພີ​ການ​ຄ້າ ລາວ-ຈີນ ຈຳກັດ ຕັ້ງ​ຢູ່​ບ້ານໜອງ​ສະ ເມືອງ​ນາ​ຊາຍ​ທອງ ນະຄອນ​ຫຼວງ​ວຽງ​ຈັນ ໃນ​ວັນ​ທີ 19 ມັງກອນ 2015 ຜ່ານ​ມາ.

ທ່ານ ໄຊ​ພອນ ພຸດ​ທະ​ວົງ ປະທານ​ບໍລິສັດ ເອັກສ໌​ພີ​ການ​ຄ້າ ລາວ-ຈີນ ຈຳກັດ ໄດ້​ຂຶ້ນ​ລາຍງານ​ກ່ຽວ​ກັບ​ປະຫວັດ​ຄວາມເປັນ​ມາ​ຂອງ​ບໍລິສັດ​ວ່າ: ບໍລິສັດ ໄດ້​ດຳເນີນ​ທຸລະ​ກິດ​ດ້ານ​ກະສິກຳ ປະກອບ​ມີຟາມ​ສາລີ ສູນ​ອົບແຫ້ງ​ສາລີ ຟາມ​ໝູ ແລະ ຟາມປາ ໂດຍ​ສະເພາະ ຟາມ​ໝູ ແລະ ຟາມ​ປາ ຢູ່​ບ້ານ​ໜອງ​ສະ​ນີ້ ຖື​ໄດ້ວ່າ​ເປັນ​ບ່ອນ​ຜະລິດ​ລູກ​ປາ ແລະ ແມ່​ພັນ​ໝູ ພ້ອມ​ທັງ​ລູກ​ໝູ ສຳລັບການ​ຜະລິດ​ລູກ​ປາ ປັດຈຸບັນ ສາມາດ​ຜະລິດ​ໄດ້ 5 ແສນ​ໂຕ​ຕໍ່ເດືອນ ແລະ ໃນ​ອະນາຄົດ​ໄດ້ວາງ​ເປົ້າ​ໝາຍ​ຈະ​ຜະລິດ​ລູກ​ປາ ໃຫ້​ໄດ້ 2 ລ້ານ​ໂຕ​ຕໍ່​ເດືອນ.

ສຳລັບ​ການ​ຜະລິດ​ແມ່​ພັນ​ໝູ ປັດຈຸບັນ​ໄດ້​ລ້ຽງ​ແມ່​ພັນ​ໝູ 160 ໂຕ ແລະ ໃນ​ອີກ​ປະມານ​ສອງເດືອນ​ຂ້າງ​ໜ້າ​ນີ້ ​ກໍ່​ຈະ​ສາມາດ​ຜະລິດ​ລູກ​ໝູ​ໄດ້ 200 ກວ່າ​ໂຕ ແລະ ໃນ​ອະນາຄົດ​ໄດ້​ວາງ​ເປົ້າ​ໝາຍ ຈະ​ຜະລິດ​ແມ່​ພັນ​ໝູ​ໃຫ້​ໄດ້ 5 ພັນໂຕ​ຕໍ່​ປີ ເພື່ອ​ສືບຕໍ່​ຜະລິດ​ລູກ​ໝູສະໜອງ​ໃຫ້​ປະຊາຊົນ ໂດຍ​ທາງບໍລິສັດໄດ້​ມີ​ແຜນ​ຈະ​ຜະລິດ​ລູກໝູ​ອອກ​ຂາຍ ແລະ ສົ່ງເສີມ​ໃຫ້ປະຊາຊົນ​ລ້ຽງແລ້ວ​ເກັບ​ຊື້​ຄືນ ເປັນ​ການ​ສ້າງ​ລາຍ​ຮັບ​ໃຫ້​ປະຊາຊົນ ການ​ຜະລິດ​ລູກ​ປາລູກ​ໝູ ແລະ ແມ່​ພັນ​ໝູ ທາງ​ບໍລິສັດ​ໄດ້ນຳ​ໃຊ້​ຊ່ຽວຊານ​ຈາກ​ຕ່າງ​ປະເທດ ໂດຍ​ສະເພາະ ຊ່ຽວຊານຈາກ​ປະເທດ​ສະຫະລັດ​ອາ​ເມ​ຣິກາ ເຂົ້າ​ມາ​ຊີ້​ນຳ​ໃນ​ການ​ລ້ຽງ ໂດຍ​ໄດ້​ນຳ​ໃຊ້​ລະບົບ​ຟາມ ແລະ ຂັ້ນ​ຕອນ​ການ​ຜະລິດ​ທີ່​ໄດ້​ມາດຕະ​ຖານ​ທຽບ​ເທົ່າ​ກັບ​ສາກົນ.

ພາຍຫຼັງ​ທີ່​ຮັບ​ຟັງ​ການ​ລາຍງານ​ຈາກ​ປະທານ​ບໍລິສັດ ທ່ານເຈົ້າ​ຄອງ​ນະຄອນຫຼວງ ກໍ່​ໄດ້​ຍ້ອງຍໍ​ຊົມເຊີຍ​ທີ່​ບໍລິສັດ​ດັ່ງກ່າວ ​ທີ່​ໄດ້ນຳ​ໃຊ້​ເຕັກນິກ​ການ​ຜະລິດ​ກະ​ສິກຳ​ທີ່​ທັນ​ສະໄໝ​ ເຂົ້າ​ໃນ​ການ​ຜະລິດ ເຮັດ​ໃຫ້​ສາມາດ​ຜະລິດ​ກະ​ສິກຳ​ທີ່​ມີ​ຄຸນະພາບ ອອກ​ມາ​ຕອບສະໜອງ​ໃຫ້​ກັບ​ຜູ້​ບໍລິໂພກ ພ້ອມທັງ​ໄດ້​ຊີ້​ນຳ​ໃຫ້​ບໍລິສັດ ​ຊອກ​ຫາ​ຜະລິດ​ຕະ​ພັນ​ກະສິກຳ​ທີ່​ສາມາດຫາ​ຕະຫຼາດ​ໄດ້​ທັງ​ພາຍ​ໃນ ແລະ ຕ່າງປະເທດ​ເພີ່ມ​ຕື່ມ​ອີກ.

 

ແຫລ່ງ​ຂ່າວ: ວຽງ​ຈັນ​ໃໝ່

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...