spot_img
Homeຂ່າວພາຍ​ໃນ ລາຄາຢາງພາລາ​ຕົກຕໍ່າ ລັດຕ້ອງ​ແຊກ​ແຊງ ​ເພື່ອ​ບໍ່​ໃຫ້​ມີ​ຜົນ​ກະທົບ ​ຕໍ່ຊາວ​ສວນ

ລາຄາຢາງພາລາ​ຕົກຕໍ່າ ລັດຕ້ອງ​ແຊກ​ແຊງ ​ເພື່ອ​ບໍ່​ໃຫ້​ມີ​ຜົນ​ກະທົບ ​ຕໍ່ຊາວ​ສວນ

Published on

rubber

ປັດຈຸບັນ ຊາວ​ສວນ​ຢາງພາລາ​ຢູ່​ທົ່ວ​ປະ​ເທດ​ເຮົາ ຕ່າງ​ກໍ​ມີ​ຄວາມ​ເດືອດຮ້ອນ​ຕໍ່ສະພາບ​ລາຄາ​ຢາງ​ພາລາ​ຕົກຕໍ່າ, ບາງ​ບ່ອນ​ຜູ້​ດຳ​ເນີນ​ທຸລະ​ກິດ​ຮັບ​ເກັບ​ຊື້​ຜົນ​ຜະລິດ​ຢາງ​ຈາກ​ຊາວ​ສວນພຽງ 3 ພັນກີບ​ຕໍ່ກິ​ໂລ , ສະນັ້ນ ເຂົາ​ເຈົ້າຈຶ່ງ​ມີ​ຄວາມ​ຈຳ​ເປັນ​ຕ້ອງ​​ໄດ້ສະ​ເໜີທາງ​ອອກຕໍ່ລັດຖະບານ​ໂດຍ​ຜ່ານ​ກອງ​ປະຊຸມ​ສະພາ​ແຫ່ງຊາດ ​ເທື່ອ​ທີ 8 ຜ່ານ​ມາ ​ເພື່ອ​ຂໍ​ການ​ຊ່ວຍ​ເຫຼືອ ​ແລະ ​ໃຫ້​ຄຳ​ອະທິບາຍ​ວ່າ​ຍ້ອນ​ຫຍັງ ​ແລະ ຈະ​ແກ້​ໄຂ​ແນວ​ໃດ.

ບັນຫານີ້, ທ່ານ ບຸນທຽນ ແກ້​ວສີພາ ຫົວໜ້າ ກົມ​ການ​ຄ້າ​ພາຍ​ໃນ ກະຊວງ​ອຸດ​ສາ​ຫະກຳ ​ແລະ ການ​ຄ້າ ​ໄດ້​​ອະທິບາຍ ຢູ່ ສະພາ​ແຫ່ງ​ຊາດ ​ໃນ​ທ້າຍ​ອາທິດ​ຜ່ານ​ມາ​ວ່າ: ບັນຫາ​ລາຄາ​ຢາງພາລາ​ຕົກຕໍ່າກໍ​ເນື່ອງ​ມາ​ຈາກ​ລາຄາ​ໃນ​ຕະ ຫຼາດ​ໂລກ​ຕົກ​ຕໍາ ​ເຊິ່ງທາງ​ກົມ​ການ​ຄ້າ​ພາຍ​ໃນ​ຈະ​ໄດ້​ສົມທົບ​ກັບ​ພະ​ແນ​ກອຸດສາຫະ ກຳ ​ແລະ ການ​ຄ້າ​ແຂວງ​ໃນ​ທົ່ວ​ປະ​ເທດ​ ​ແລະ ພາກສ່ວນ​ທີ່​ກ່ຽວຂ້ອງ ​ເພື່​ອ ຊອກ​ຫາ​ທາງ​ອອກ​ຢ່າງ​ຮີບ​ດ່ວນນັບ​ທັງ ​ໄລຍະ​ສັ້ນ ​ແລະ ຍາວ ​ເພື່ອ​ແກ້​ບັນຫາ​ດັ່ງກ່າວ ​ແລະ ບັນຫາ​ນີ້​ກໍແມ່ນ​ບັນຫາ​ທີ່​​ເກີດ​ຂຶ້ນໃນທົ່ວ​​ໂລກທີ່​ກຳລັງ​ປະ​ເຊີນ​ຢູ່. ເພື່ອ​ສາມາດ​ແກ້​ໄຂ​ບັນຫາ​ໄດ້, ພາກ​ລັດ​ຕ້ອງ​ໄດ້ເຂົ້າ​ມາແຊກ​ແຊງ​ເພື່ອ​ບໍ່​ໃຫ້​ສົ່ງ​ຜົນ​

ກະທົບ​ຕໍ່ຊາວ​ສວນ, ກົມ​ສົ່ງ​ເສີມ​ສະ​ເໜີທາງ​ອອກ​ໃຫ້​ລັດຖະບານ​ຕ້ອງ​ໄດ້ໃຊ້​ງົບປະມານ ເຂົ້າ​ມາ​ຊ່ວຍ​ດັດ​ປັບ​ ​ແລະ ສາມາດ ຄ້ຳ​ປະກັນ​ລາຄາ​ຍາມ​ວິ​ກິດ​ໂດຍ​ຜ່ານ​ບໍລິສັດ​ທີ່​ດຳ​ເນີນ​ການ​ເກັບ​ຊື້ ແລະ ປຸງ​ແຕ່ງ​ໃຫ້​ເປັນ​ຜະລິດ​ຕະພັນ​ທີ່​ຕະຫຼາດຕ້ອງການ​ຈຶ່ງຈະ​ສາມາດ​ບັນ​ເທົາ​ໄດ້​​.

ໃນ​ຂະນະ​ດຽວກັນ ຫົວໜ້າກົມ​ການ​ຄ້າ​ພາຍ​ໃນ ຍັງ​ໄດ້​ຕອບ​ຂໍ້​ຂ້ອງ​ໃຈ​ຈາກ​ຜູ້​ສົ່ງ​ສາຍ​ດ່ວນຫຼາຍບັນຫາ​ໂດຍ​ສະ​ເພາະ​​ລາຄາ​ເຂົ້າ​ເປືອກ​ຢູ່​ແຂວງ​ຈຳປາ​ສັກ, ບັນຫາ​ການ​ຕິດຕາມ​ກວດກາ​ລາຄາ​ສິນ​ຄ້າ​ຢູ່​ຕາມ​ທ້ອງ​ຕະຫຼາດ, ບັນ​ຫາ​ລາຄາ​ເກັບ​ຊື້ໝາກກ້ວຍ​ຢູ່​ເຂດ​ເມືອງ​ນ້ຳ​ບາກ ແຂວງຫຼວງພະ​ບາງ ​ແລະ ອື່ນໆ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...