ຫວຽດ​ນາມ​ແອ​ຣ໌​ລາຍ (VNA) ສາຍ​ການ​ບິນ​ແຫ່ງ​ຊາດ​ຂອງ​ຫວຽດ​ນາມ ຈະ​ໃຫ້​ບໍ​ລິ​ການ​ເຊື່ອ​ຕໍ່​ອິນ​ເຕີ​ເນັດ ເທິງ​ຖ້ຽວ​ບິນ​ພາຍ​ໃນ​ປະ​ເທດ ແລະ ລະ​ຫວ່າງ​ປະ​ເທດ ແກ່​ຜູ້​ໂດຍ​ສານ ນັບ​ຕັ້ງ​ແຕ່​ເດືອນ​ພຶດ​ສະ​ພາ​ປີ​ນີ້​ເປັນ​ຕົ້ນ​ໄປ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 19 ມັງ​ກອນ​ນີ້​ວ່າ ການ​ບໍ​ລິ​ການ​ເຊື່ອມ​ຕໍ່​ໄວ​ໄຟ ​ສຳ​ລັບ​ຖ້ຽວ​ບິນ​ລະ​ຫວ່າງ​ປະ​ເທດ​ນັ້ນ ແມ່ນ​ຈະ​ຄິດ​ໄລ່​ຄ່າ​ບໍ​ລິ​ການ​ຕັ້ງ​ແຕ່ 15-20 ໂດ​ລາ ໃນ​ຂະ​ນະ​ທີ່​ການ​ໃຫ້​ບໍ​ລິ​ການແກ່​ສາຍ​ການ​ບິນ​ພາຍ​ໃນ ແມ່ນ​ຈະ​ບໍ່​ໄດ້​ຄິດ​ໄລ່​ຄ່າ​ບໍ​ລິ​ການ.  ຢ່າງ​ໃດ​ກໍຕາມ ຜູ້ໂດຍສານຈະບໍ່ໄດ້ຮັບອະນຸຍາດ ໃຫ້ໃຊ້ໂທລະສັບ ຜ່ານແອັບພິເຄເຊັ່ນ Viber ແລະ  Zalo, ແຕ່ສາມາດໃຊ້ໂທລະສັບໄອໂຟນຜ່ານທາງ Facetime ໄດ້.