ສໍານັກຂ່າວຕ່າງປະເທດລາຍງານວ່າ ທາງການອິນໂດເນເຊຍ ເປີດເພີຍຢ່າງບໍ່ເປັນທາງການວ່າ ໄດ້ຄົ້ນພົບວັດຖຸທີ່ ໜ້າຈະເປັນຊາກເຄື່ອງ ບິນສາຍການບິນແອຣ໌ເອເຊຍ ທ່ຽວບິນ QZ8501 ຊຶ່ງປະສົບເຫດຕົກ ແລະ ຈົມນໍ້າໃນທະເລຊາວາ ເມື່ອວັນທີ 28 ທັນວາ ທີ່ຜ່າມາ ຫຼັງຈາກປະຕິບັດການຄົ້ນຫາຜູ້ຫຼອກຊີວິດ ແລະ ເຄື່ອງບິນຜ່ານມາ 10 ວັນ.
ຫຼັ້ງຈາກຄວາມພະຍາຍາມຢ່ອນອຸປະກອນທີ່ໃຊ້ໃນການເກັບກູ້ຊາກເຄື່ອງບິນລົງໄປ ໃນຈຸດທີ່ຄົ້ນພົບສາກ ຫ່າງຈາກຝັ່ງເກາະບໍຣ໌ນຽວ 90 ໄມລ໌ທະເລ ຢູ່ຫຼາຍຄັ້ງຫຼ້າສຸດເຈົ້າໜ້າທີ່ຢືນຢັນວ່າສາມາດຄົ້ນພົບຊາກເຄື່ອງ ບິນແອຣ໌ເອເຊຍ ທ່ຽວບິນ QZ8501 ໃນສ່ວນຂອງຫາງເຄື່ອງບິນ ກ້ອງໃຕ້ນໍ້າທີ່ິຕິດຢູ່ອຸປະກອນໄດ້ສົ່ງພາບກັບມາຫາເຈົ້າໜ້າທີ່ ເປີດເຜີຍໃຫ້ເຫັນ ໂລໂກ້ ແອຣ໌ເອເຊຍ ຢ່າງຊັດເຈັນ.
ທັງນີ້ເຈົ້າໜ້າທີ່ຍັງພະຍາຍາມຈະເກັບກູ້ຊາກເຄື່ອງບິນຂຶ້ນມາທາມກາງປັດໄຈສ່ຽງ ແລະ ອຸປະກອນຕ່າງໆ ໂດຍສະເພາະສະພາບອາກາດ ທີ່ປັ່ນປ່ວນ ໄດ້ທຸກຊົ່ວໂມງ ຊຶ່ງຊາດສ່ວນຫາງຂອງເຄື່ອງບິນຂະເັປນກະແຈສໍາຄັນໃນການໄຂປິດສະໜາ ຂອງເຫດການໃນຄັ້ງນີ້ ເນື່ອງຈາກເປັນຈຸດທີ່ບັນຈຸກ໋ອງດໍາເອົາໄວ້ ໂດຍທາງການອິນໂດເນເຊຍ ໜ້າຈະມີການຖະແຫຼງຊີ້ແຈງກ່ຽວກັບການພົບໃນຄັ້ງນີ້ຢ່າງເປັນທາງການອີກຄັ້ງໜຶ່ງ.
ສ່ວນປະຕິບັດການຄົ້ນຫາຜູ້ຫຼອດຊີວິດຈາກເຫດການ ທ່ຽວບິນ QZ8501 ຜ່ານໄປ 10 ວັນ ຍັງບໍ່ພົບຜູ້ຫຼອດຊີວິດແຕ່ຢ່າງໃດ, ຂະນະທີ່ຕົວເລກສົບຜູ້ເສບຊີວິດ ຫຼ້າສຸດແມ່ນກູ້ໄດ້ແລ້ວ 41 ສົບຊຶ່ງທະຍອຍລໍາລຽງກັບເມືອງ ສຸຣາບາຍາຢ່າງຕໍ່ເນື່ອງ ເພື່ອພີສູດ ເອກະລັກບຸກຄົນ ແລະ ສົ່ງມອບໃຫ້ຍາດພີ້ນ້ອງຕໍ່ໄປ.
>>http://news.sanook.com/1726993/