spot_img
Homeຂ່າວພາຍ​ໃນຜົນເທນນິສ ໃນສຶກ "ເທນນິສ ຮອປແມນຄັພ" ທີ່ "ອອສເຕຣເລຍ"

ຜົນເທນນິສ ໃນສຶກ “ເທນນິສ ຮອປແມນຄັພ” ທີ່ “ອອສເຕຣເລຍ”

Published on

930090

ໂປແລນດ໌ ຟອມຍັງແຮງ ຫຼັງເຊືອດເອົາຊະນະ ສະຫະຣາຊອານາຈັກ 2-1 ຣັບເບີຣ໌ ຕວ້າໄຊ 2 ແມັດຈ໌ລວດ ໃນສຶກເທນນິສ ຮອປແມນຄັພ

ການແຂ່ງຂັນເທນນິສ ທີມປະສົມຊີງແຊ່ມໂລກ ຮອປແມນຄັພ 2015 ທີ່ ເພີຣ໌ທ ອາຣີນ່າ ໃນເມືອງເພີຣ໌ທ ປະເທດ ອອສເຕຣເລຍ ເມື່ອວັນພຸດ ວັນທີ 7 ທີ່ຜ່ານມາ ໂດຍໃນຊ່ວງເຊົ້າເປັນການແຂ່ງຂັນໃນຮອບແບ່ງກຸ່ມ B ຜົນປະກົດວ່າ ໂປແລນດ໌ ທໍາຜົນງານໄດ້ສຸດຍອດຫຼັງເອົາຊະນະ ສະຫະຣາຊອານາຈັກ ໄປໄດ້ 2-1 ຣັບເບີຣ໌ ເຮັດມໃຫ້ໂປແລນດ໌ ມີສະຖິຕິຊະນະ 2 ນັດລວດ ສ່ວນສະຫະຣາຊອານາຈັກ ຊະນະ 1 ເສຍ 1. ໂດຍປະເພດຍິງດຽວ ອັກເນຍຊະກາ ຣັດວານສະກາ (ໂປແລນດ໌) ຊະນະ ຮີເທີຣ໌ ວັດສັນ (ສະຫະຣາຊອານາຈັກ) 2 ແຊັດລວດ 6-3, 6-1 ຂະນະທີ່ປະເພດຊາຍດຽວ ແອນດີ ເມີຣ໌ເຣຍ (ສະຫະຣາຊອານາຈັກ) ຊະນະ ເຈີຣ໌ຊີ ຍາໂນວິຊ (ໂປແລນດ໌) 2 ແຊັດລວດ 6-2, 6-4 ແລະ ໃນປະເພດຄູ່ປະສົມ ຣັດວານສະກາ ກັບ ຍາໂນວິຊ (ໂປແລນດ໌) ຊະນະ ວັນສັນ ກັບ ເມີຣ໌ເຣຍ (ສະຫະຣາຊອານາຈັກ) 2 ແຊັດລວດ 6-4, 6-4.

ສ່ວນໃນຊ່ວງຄໍ່າ ຝຣັງ ແຊ່ມເກົ່າ ຍັງຮັກສາຄວາມຫວັງໃນການຜ່ານເຂົ້າສູ່ຮອບຊີງຊະນະເລີດເອົາໄວ້ໄດ້ ຫຼັງຈາກເອົາຊະນະ ອອສເຕຣເລຍ ເຈົ້າຖິ່ນ 2-1 ຣັບເບີຣ໌ ທໍາສະຖິຕິຊະນະ 1 ເສຍ 1.  ສ່ວນ ອອສເຕຣເລຍ ເສຍ 2 ນັດລວດຕົດຮອບແນ່ນອນແລ້ວ ໂດຍປະເພດຍິງດ່ຽວ ອະລິເຊ ກໍຣ໌ເນຕ໌ (ຝຣັງ) ຊະນະ ເຄຊີຍ໌ ເດລລັຄກົວ (ອອສເຕຣເລຍ) 2-1 ແຊັດ 4-6 7-5 6-1. ປະເພດຊາຍດ່ຽວ ມາຣິນໂກ ມາໂຕເຊວິຊ (ອອສເຕຣເລຍ) ຊະນະ ເບີຣ໌ນົວຕ໌ ແປຣ໌ (ຝຣັງ) 2-1 ແຊັດ 2-6 6-4 6-2 ແລະ ປະເພດຄູ່ປະສົມ ກໍຣ໌ເນຕ໌ ກັບ ແປຣ໌ (ຝຣັງ) ຊະນະ ເດລລັຄກົວ ກັບ ມາໂຕ ເຊວິຊ (ອອສເຕຣເລຍ) 2 ແຊັດລວດ 7-6(7-3), 7-5.

.

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...