ສຳນັກຂ່າວຕ່າງປະເທດ ລາຍງານໃນມື້ນີ້ (6 ມັງກອນ) ວ່າ ເກີດເຫດແຜ່ນດິນໄຫວ ຂະໜາດ 6.0 ຣິກເຕີ້ ໃນຕອນເຊົ້າ
ຂອງມື້ນີ້ ເວລາ 06:48 ໂມງ ຕາມເວລາໃນທ້ອງຖິ່ນຂອງນິວຊີແລນ (0:48 ໂມງ ຕາມເວລາໃນປະເທດລາວ) ໃນເຂດທີ່
ມີຜູ້ຄົນອາໄສຢູ່ເບົາບາງ ຫ່າງໄປທາງຕາເວັນຕົກ ປະມານ 100 ກິໂລແມັດ ຈາກເມືອງໄຄຣເຊີດ (Christchurch) ຂອງ
ປະເທດນິວຊີແລນ ໂດຍເບື້ອງຕົ້ນສາມາດວັດແທກແຮງສັ່ນສະເທືອນໄດ້ເຖິງ 6.4 ຣິກເຕີ ກ່ອນທີ່ຈະປັບຕົວເລກຄ່ອຍ
ລົງມາເປັນ 6.0 ຣິກເຕີໃນພາຍຫລັງ ໂດຍສູນກາງຂອງແຜ່ນດິນໄຫວຄັ້ງນີ້ ເລິກລົງໄປໃຕ້ພື້ນດິນປະມານ 10 ກິໂລແມັດ
ແລະ ຮອດປັດຈຸບັນນີ້ ແມ່ນຍັງບໍ່ທັນມີລາຍງານເຖິງຄວາມເສຍຫາຍຕ່າງໆເທື່ອ.