ທາງການຈີນ ຂັບຜູ້ຊ່ວຍລັດຖະມົນຕີກະຊວງການຕ່າງປະເທດ ອອກຈາກຕຳແໜ່ງ ເພື່ອເຂົ້າສູ່ຂະບວນການສອບສວນ
ທາງວິໄນ ຫລັງຖືກສົງໄສມີສ່ວນກ່ຽວຂ້ອງກັບການສໍ້ລາດບັງຫລວງ.
ສຳນັກຂ່າວຕ່າງປະເທດ ລາຍງານໃນວັນທີ 2 ມັງກອນຜ່ານມານີ້ວ່າ ທ່ານ ຈາງ ຄຸນເຊິງ ຜູ້ຊ່ວຍລັດຖະມົນຕີກະຊວງການ
ຕ່າງປະເທດຈີນ ໄດ້ຖືກໃຫ້ອອກຈາກຕຳແໜ່ງ ໃນວັນທີ 1 ມັງກອນທີ່ຜ່ານມາ ໂດຍຕຳແໜ່ງຂອງເຂົາ ຖືເປັນຕຳແໜ່ງ
ການນຳລະດັບຕົ້ນໆຂອງກະຊວງ ເປັນອັນດັບທີ 4 ຖັດຈາກລັດຖະມົນຕີຊ່ວຍວ່າການກະຊວງການຕ່າງປະເທດ ແລະ ເຂົາ
ຍັງດຳລົງຕຳແໜ່ງເປັນຫົວໜ້າກົມພິທີການທູດອີກດ້ວຍ.
ທັງນີ້ ທ່ານ ຈາງ ເປັນນັກການທູດລະດັບສູງສຸດຂອງກະຊວງການຕ່າງປະເທດຈີນ ເຊິ່ງຖືກກວດກອບວິໄນໃນຂໍ້ຫາສໍ້ລາດ
ບັງຫລວງ ນັບຕັ້ງແຕ່ປະທານາທິບໍດີ ສີ ຈິ້ນຜິງ ຂຶ້ນມາດຳລົງຕຳແໜ່ງເປັນຜູ້ນຳສູງສຸດຂອງປະເທດ.