ບາເລນເຊຍ ຢຸດສະຖິຕິຊະນະຕໍ່ເນື່ອງ 22 ເກັມຕິດຂອງ ລາຊັນຊຸດຂາວ ຣີລມາດຣິດ ຫຼັງຍິງແຊງເອົາຊະນະໄປໄດ້ 2-1 ໃນສຶກບານເຕະ ລາລີກາສະເປນ ເມື່ອວັນອາທິດ ທີ 4​ ມັງກອນ ທີ່ຜ່ານມາ
ເມື່ອເລີ່ມເຄິ່ງເວລາແລກມາໄດ້ 14 ນາທີ ຣີລມາດຣິດກໍ່ມາໄດ້ປະຕູຂຶ້ນນໍາ 1-0 ຈາກລູກໂທດ ເຊິ່ງຮັບຫນ້າທີ່ຍິງປະຕູໂດຍ ຄຣິສເຕຍໂນ ໂລນັນໂດ ຍິງເຂົ້າໄປບໍ່ພາດ ຈົບເຄິ່ງເວລາທໍາອິດ້ວຍຄະແນນ 1-0.

ລົງມາຕໍ່ເຄິ່ງທີ່2 ຫຼິ້ນມາຮອດນາທີ 51 ບາເລນເຊຍ ໄລ່ຕາມມາຕີສະເໝີໄດ້ 1-1 ໄດ້ສໍາເລັດ ໂດຍແມ່ນການຍິງປະຕູຂອງ ອັນໂຕນິໂອ ບາຣ໌ຣາກັນ ແລະ ຫຼັງຈາກນັ້ນ ບາເລນເຊຍ ກໍ່ມີເຊີໄພຣສ໌ ມາຍິງປະຕູແຊງພຣິກຂຶ້ນນໍາເປັນ 2-1 ໃນນາທີ 65 ຈາກຈັງຫວະລູກຕະມູມ ແລະ ເປັນທາງ ນິໂຄລັສ ໂອຕາເມນດີ້ ບຽດຂຶ້ນເອົາຫົວຕີບານເຂົ້າປະຕູໄປ ເຮັດໃຫ້ ບາເລນເຊຍ ພິກຂຶ້ນມານໍາ 2-1 , ແລະ ຊ່ວງເວລາທີ່ເຫຼືອທັງ 2 ທີມບຸກກັນໄປມາແຕ່ບໍ່ມີທີມໃດທີ່ສາມາດຍິງປະຕູເພີ່ມໄດ້ ຈົບເກັມ ບາເລຍເຊຍ ເປີດບ້ານເອົາຊະນະ ຣີລມາດຣິດໄປໄດ້ 2-1 ເກັບ 3 ຄະແນນໄດ້ສໍາເລັດເລື່ອນຂຶ້ນໄປຢູ່ທີ 4 ຂອງຕາຕະລາງ.