ສຳນັກຂ່າວຕ່າງປະເທດ ລາຍງານໃນວັນທີ 30 ທັນວາຜ່ານມາວ່າ ພາຍຸເຂດຮ້ອນຊັງມີ ໄດ້ພັດຖະຫລົ່ມເກາະຟິລິບປິນ
ຢ່າງໜັກ ພາກຊີວິດປະຊາຊົນຫລາຍສິບຄົນ.
ຢູ່ໃນແຂວງຊາມາ ແມ່ນພົບຜູ້ເສຍຊີວິດແລ້ວ 12 ຄົນ ຫລັງຈາກເກີດເຫດດິນຖະຫລົ່ມຝັງລົດຕູ້ 2 ຄັນ ແລະ ຖົມເຮືອນ
ອີກ 6 ຫລັງໃນເຂດພື້ນທີ່ທາງພາກຕາເວັນອອກຂອງແຂວງ, ຂະນະທີ່ຢູ່ໃນແຂວງເຊບູ ກໍພົບສະມາຊິກໃນຄອບຄົນໜຶ່ງ
ຈຳນວນ 11 ຄົນ ເສຍຊີວິດ ຫລັງຈາກເຮືອນຖືກກະແສນ້ຳພັດພາໄປ ພ້ອມທັງຍັງມີຜູ້ສູນຫາຍອີກ 6 ຄົນ ຢູ່ໃນແຂວງດັ່ງ
ກ່າວ.
ອີກດ້ານໜຶ່ງໃນເມືອງຕາເນົາອັນ ແຂວງເມເຕ ທາງພາກຕາເວັນອອກຂອງປະເທດ ເຊິ່ງເປັນເຂດທີ່ໄດ້ຮັບຄວາມເສຍ
ຫາຍໜັກໃນເຫດໄພພິບັດຊຸບເປີ້ໄຕ້ຝຸ່ນໄຫ່ຢ້ຽນເມື່ອປີກ່ອນ ເຈົ້າໜ້າທີ່ກໍໄດ້ພົບຜູ້ເສຍຊີວິດ 5 ຄົນ ຢູ່ໃນເຮືອນຫລັງໜຶ່ງ
ທີ່ຖືກດິນຖະຫລົ່ມລົງມາຝັງໄວ້, ນອກຈາກນີ້ ຍັງພົບຊາຍຊະລາ ອາຍຸ 65 ປີ ຈົມນ້ຳເສຍຊີວິດຢູ່ໃນແຂວງກອມໂປສະເຕ
ລາ ວັນເລ ທາງຕອນໃຕ້ ແລະ ມີຜູ້ສູນຫາຍໃນແຂວງດັ່ງກ່າວອີກ 1 ຄົນ.
ສ່ວນໃນແຂວງໂບຮອນ ທາງພາກກາງຂອງປະເທດ ກໍພົບຊາຍຊະລາອາຍຸ 80 ປີ ຈົມນ້ຳເສຍຊີວິດອີກເຊັ່ນກັນ ແລະ ຢູ່ໃນ
ເມືອງບູຕວນ ກໍໄດ້ພົບສົບເດັກນ້ອຍອາຍຸ 10 ປີ ເສຍຊີວິດຈາກເຫດດິນຖະຫລົ່ມອີກດ້ວຍ.
