ດ່ວນອິນໂດເນເຊຍຢືນຢັນພົບຊີ້ນສ່ວນ QZ8501 ແລະ ສົບລອຍຢູ່ໜ້ານໍ້າທະເລຊາວາ
ທາງການອິນໂດເນເຊຍ ພົບຊາກຊີ້ນສ່ວນເຄື່ອງບິນແອຣ໌ເອເຊຍ ທ່ຽວບິນ QZ8501 ຢູ່ກາງທະເລຊາວາຂະນະທີ່ມີສົບລອຍຢູ່ຈໍານວນຫຼາຍ. ເລັ່ງຮີບຫາຜູ້ລອດຊີວິດ
ເອສບີ ສຸປີຍາດີ ຜູ້ອໍານວນການສໍານັກງານຄົ້ນຫາ ແລະ ຊ່ວຍເຫຼືອຊີວິດແຫ່ງຊາດ ໃຫ້ສໍາພາດທີ່ເມືອງກາລັນບູນ ວ່າ ເຈົ້າໜ້າທີ່ອິນໂດເນເຊຍທີ່ເດີນທາງອອກໄປກັບເຮລີຄົບເຕີຄົ້ນຫາ ໄດ້ພົບສົບມະນຸດຈໍານວນຫຼາຍທີ່ລອຍຢູ່ເໜືອໜ້ານໍ້າໃກ້ກັບຈຈຸດທີ່ເຄື່ອງບິນແອຣ໌ເອເຊຍ ທ່ຽວບິນ QZ8501 ຖືກພົບເປັນຄັ້ງສຸດທ້າຍ.ສົບຜູ້ໂດຍສານທີ່ໄດ້ພົບເຫັນແລ້ວ 6 ສົບ ກູ້ຂຶ້ນມາໄດ້ແລ້ວ 3 ຈາກຈໍານວນລູກເຮືອທັງໝົດ 162 ຄົນ, ສົບທີ່ພົບເຫັນນັ້ນຢູ່ໃນລັກສະນບວມ ແຕ່ສົບຍັງຄົບສົມບຸນ ໄດ້ຖືກນໍາຂຶ້ນເຮືອຂອງກອງທັບອິນໂດເນເຊຍ ແລະ ທຸກສົບແມ່ນບໍ່ມີເສື້ອຊູຊີບຕິດໂຕເລີຍ ແລະ ທັນທີທີ່ໄດ້ເຫັນຄລິບວີດີໂອທີ່ໄດ້ບັນທຶກພາບສົບທີ່ລອຍຢູ່ໃນທະເລຊຶ່ງ ໂຊລີສຕໂຍ ໄດ້ນໍາມາເປີດຖະແຫຼງຂ່າວທີ່ກຸງຈາກາຕາ ເຮັດໃຫ້ຄອບຄົວຂອງຜູ້ໂດຍສານ ແລະ ລູກເຮືອ 162 ຄົນຊຶ່ງລໍຟັງຂ່າວຢູ່ທີ່ເມືອງສຸລາບາຍາ ຕ່າງກໍ່ກອດກັນ ແລະ ຮ້ອງໄຫ້ທັນທີຈົນເຮັດໃ້ຫບັນຍາກາດເຕັມໄປດ້ວຍຄວາມໂສກເສົ້າ. ແລະ ໃນຕ້ອນນີ້ກໍາລັງຢູ່ໃນຂັ້ນຕອນການເລັ່ງຮີບຊອກຫາວ່າຍັງມີຜູ້ລອດຊີວິດຫຼືບໍ່?