ເກີດເຫດໄຟໄໝ້ເຮືອຂ້າມຟາກສັນຊາດອີຕາລີ ໃນນ່ານນ້ຳໃກ້ປະເທດເກຣັກ ມີຜູ້ໂດຍສານຕິດຄ້າງຢູ່ຫລາຍຮ້ອຍ

ຄົນຂະນະທີ່ມີລາຍງານຜູຸ້ເສຍຊີວິດແລ້ວ 1 ຄົນ.

ສຳນັກຂ່າວຕ່າງປະເທດ ລາຍງານໃນຕອນເຊົ້າມື້ນີ້ (29 ທັນວາ) ວ່າ ເກີດເຫດໄຟໄໝ້ເຮືອຂ້າມຟາກຊື່ ນໍແມນ ແອັດ

ແລັນຕິກ ໃນເຂດນ່ານນ້ຳໃກ້ກັບຊາຍຝັ່ງປະເທດເກຣັກ ເຊິ່ງມີຜູ້ໂດຍສານ ແລະ ລູກເຮືອຕິດຢູ່ພາຍໃນເຮືອດັ່ງກ່າວ

447 ຄົນ ໃນຕອນເຊົ້າຂອງວັນອາທິດ ( 28 ທັນວາ ຕາມເວລາທ້ອງຖິ່ນ) ເຊິ່ງລ່າສຸດ ມີຜູ້ເສຍຊີວິດແລ້ວ 1 ຄົນ ໂດຍ

ໜ່ວຍຍາມຊາຍຝັ່ງອີຕາລີລະບຸວ່າ ເປັນຜູ້ໂດຍສານເພດຊາຍ ທີ່ໂດດອອກຈາກເຮືອ ແລະ ພ້ອມກັນນັ້ນ ກໍມີຜູ້ໄດ້ຮັບ

ບາດເຈັບໃນລັກສະນະດຽວກັນອີກ 2 ຄົນ.

ເຮືອຂ້າມຟາກລຳດັ່ງກ່າວ ບັນຈຸຜູ້ໂດຍສານກ່ວາ 400 ຄົນ ແລະ ລູກເຮືອອີກ 56 ຄົນ ລວມທັງຍານພາຫະນະຊະນິດ

ຕ່າງໆອີກ 222 ຄັນ ກ່ອນທີ່ຈະເລີ່ມມີໄຟລຸກໄໝ້ຂຶ້ນ ບໍ່ດົນປານໃດຫລັງຈາກທີ່ເຮືອໄດ້ອອກເດີນທາງຈາກເມືອງອິກູ

ເມນິດຊາ ປະເທດເກຣັກ ເພື່ອມຸ່ງໜ້າໄປຍັງເມືອງອັງໂຄນາ ຂອງອີຕາລີ ໂດຍສັນນິຖານເບື້ອງຕົ້ນວ່າ ຕົ້ນຕໍຂອງໄຟ

ແມ່ນເກີດມາຈາກພື້ນທີ່ເຂດໂຮງຈອດລົດ.

ແນວໃດກໍຕາມ ທີມກູ້ໄພຂອງທາງການ ເຊິ່ງນຳໂດຍກອງທັບອີຕາລີ ໄດ້ເລັ່ງເຂົ້າຊ່ວຍເຫລືອຜູ້ປະສົບເຫດ ສາມາດ

ຊ່ວຍເຫລືອຜູ້ໂດຍສານອອກມາໄດ້ແລ້ວ 165 ຄົນ, ແຕ່ກໍຍັງຄົງເຫລືອຜູ້ໂດຍສານຕິດຄັ້ງຢູ່ອີກ ເຖິງ 312 ຄົນ ຍັງຄົງ

ຈະຕ້ອງໄດ້ປະຕິບັດການຊ່ວຍເຫລືອຕໍ່ໄປ.