ໄປເບິ່ງສະຖິຕິການຄອງຈ່າຝຸງໃນຊ່ວງຄຣິສມາສ ໃນແຕ່ລະປີ ແລະ ອັນດັບຂອງການຈົບລະດູການ.
ເຖິງແມ່ນວ່າການຄອງຕໍາແໜ່ງຈ່າຝຸງໃນວັນຄຣິສມາສ ຈະບໍ່ໄດ້ກະລັງຕີເຖິງຕໍາແໜ່ງແຊ່ມ ພຣີເມຍລີກ 100% ແຕ່ຢ່າງໜ້ອຍມັນກໍ່ຊ່ວຍໄດ້ໃນແງ່ຂອງຄວາມ ນ່າຈະເປັນໄປໄດ້!
ເຖິງຂະນະນີ້ເຊລຊີແຊ່ມພຣີເມຍລີກ 3 ສະໄໝຍັງຄອງຢູ່ໃນຕໍາແໜ່ງຈ່າຝຸງ ໂດຍເກັບໄດ້ 42 ແຕ້ມຈາກ 17 ນັດ ນໍາໜ້າແມນຊີຕີ ແຊ່ມເກົ່າຢູ່ 3ແຕ້ມ
ນອກຈາກເຮືອໃບສີຟ້າ ແລ້ວ ແມນຢູໄນເຕັດ ທີມໃຫຍ່ອີກທີມຈາກເມືອງ ແມນເຊັດເຕີ ກໍ່ໄລ່ຕາມຢູ່ຫ່າງໆ ໃນອັນດັບ3ໂດຍມີຄະແນນ 32ແຕ້ມ
ແຕ່ຢ່າງໄດກໍ່ຕາມດ້ວຍເຫດທີ່ການຟາດແຂ່ງຍັງເຫຼືອອີກເຄິ່ງທາງຈຶ່ງໜ້າສົນໃຈວ່າທີມດັງແຫ່ງກຸງລອນດອນຈະອ່ອນຕອນປາຍໃນເຄິ່ງ ລະດູການທີ່ຍັງເຫຼືອຫຼືບໍ່?
ແຕ່ຢ່າງໄດກໍ່ຕາມທີມໃດທີ່ຈະຄວ້າແຊ່ມໃນທີ່ສຸດ ຈະແມ່ນສິງໂຕນໍ້າເງິນຄາມ (ເຊລຊີ) ຫຼືບໍ່ ເອົາເປັນວ່າເຮົາມາຢ້ອນເບິ່ງປະຫວັດສາດຂອງພຣີເມຍລີກກັນເບິ່ງວ່າທີ່ຜ່ານມາທີມຈ່າຝຸງໃນວັນຄຣີສມາສ ຈົບລະດູການແລ້ວຈະຢູ່ໃນອັນດັບເທົ້າໃດ.
1992/93: ນໍຣີຊ
ຫຼາຍຄົນຄົງອາດຈະຈືບໍ່ໄດ້ແລ້ວວ່າ ນໍຣິຊ ພາຍໃຕ້ການຄູມທີມຂອງໂຄດ ໄມຄ໌ ວອລ໌ຄເກີຣ໌ ເຄີຍນໍາໜ້າເປັນຈ່າຝຸງຂອງພຣີເມຍລີກໃນຊ່ວງຄຣິສມາສ ໂດຍເກັບໄດ້ 40ແຕ້ມ
ແຕ່ສຸດທ້າຍ ນົກຂະມິນເຫຼືອງອ່ອນ (ນໍລິຊ)ກໍ່ຈົບ ລະດູການໃນອັນດັບ 3 ກະທັງປັດຈຸບັນຕົກລົງໄປຫຼິ້ນໃນແຊ່ມປ່ຽນຊີຟ ເນື່ອງຈາກລະດູການກ່ອນຕົກລົງໄປຢູ່ໃນອັນດັບທີ່ 18 ແລະ ເປັນແມນຢູໄນເຕັດ ໄດ້ແຊ່ມໄປຄອງ
1993/94: ແມນຢູໄນເຕັດ
ຍັງປະສົບຄວາມສໍາເລັດເຊັ່ນເຄີຍ ສໍາລັບຜີແດງ ຊຶ່ງຄອງຕໍາແໜ່ງຈ່າຝຸງໃນຊ່ວງຄຣິສມາສ ໂດຍເກັບໄດ້ເຖິງ 53 ແຕ້ມ ແລະ ໃນທີ່ສຸດແມນຢູ ກໍ່ຄອງຕໍາແຫນ່ງແຊ່ມໂດຍແຕ້ມ 92 ໂດຍມີ ແບັຣກເບີຣ໌ນ ຄວ້າຕໍາແໜ່ງຮອງແຊ່ມມີ 84ແຕ້ມ
1994/95: ແບັຣກເບີຣ໌ນ
ການເກັບໄດ້ 46 ແຕ້ມເຮັດໃຫ້ ກຸຫຼາບໄຟ ໃນຖານະຮອງແຊ່ມໃນລະດູກ່ອນ ກັບຂຶ້ມາເປັນຜູ້ນໍາຈ່າຝຸງກ່ອນຂຶ້ນປີໃໝ່ ແລະ ສຸດທ້າຍທີມຂອງຜູ້ນໍາໂຄດໂດຍ ເຄນນີ ດັລກຣິຊ ເອົາແຊ່ມໄປຄອງໃນນັດປິດລະດູການໂດຍມີແຕ້ມຫ່າງ ແມນຢູ່ ພຽງແຕ້ມດຽວ
ຢ່າງໃດກໍ່ຕາມເຫຼືອເຊື່ອວ່າອີກ 3ປີຕໍ່ມາແບັຣກເບີຣ໌ນ ກັບຕົກຊັ້ນກ່ອນຈະກັບມາໄດ້ອີກຄັ້ງໃນລະດູການ 2000/01
1995/96 : ນິວດາສເຊີລ
ສາລິກາດົງ ສ້າງເຊື້ອໄຟກະໂດດຂຶ້ນມາເປັນຈ່າຝຸງນໍາໜ້າທີມຍັກໃຫຍ່ທັງຫຼາຍໂດຍເກັບໄດ້ 45 ແຕ້ມ ຢ່າງໃດກໍ່ຕາມສຸດທ້າຍແລ້ວທີ່ມ ຂອງເຄວິນ ຄີແກນ ກໍ່ບໍ່ສາມາດຕ້ານທານແຮງກົດດັນໃດ້ ແລະ ປ່ອຍໃຫ້ແມນຢູໄນເຕັດທີ່ໄລ່ຕາມຫຼັງມາຄວ້າແຊ່ມໄປຄອງໂດຍແຕ້ມເໜືອກວ່າ 4ແຕ້ມ
1996/97 : ລີເວີຣ໌ພູລ
ຫົງແດງຈົບເຄິ່ງລະດູການແລກໃນຕໍາແໜ່ງຈ່າຝຸງກັບການມີ 39 ແຕ້ມ ແຕ່ຫຼັງຈາກຜ່ານເຂົ້າສູ່ປີໃໝ່ ແມນຢູກໍ່ແຊງໜ້າລີເວີຣ໌ພູລໄດ້ ກະທັງໄດ້ແຊ່ມສະໄໝທີ່ 3 ໄປຄອງໂດຍແຕ້ມ 75 ແຕ້ມ ຕໍ່ຄວາມຫຼົມເຫຼວຂອງຫົງແດງຍັງສົ່ງຜົນໃຫ້ທີມຊຸດດັ່ງກ່າວຊຶ່ງມີນັກເຕະຫຼາຍຄົນໄດ້ຮັບສາຍາວ່າ ສະໄປຊ໌ ບາຍສ໌ ໂທດຖານມີການສໍາແດງເກີນກວ່າທີ່ຈະເປັນພໍ່ຄ້າແຂ່ງອັນດັບ ເປັນສາຍາທີ່ໄດ້ມາຈາກວົງດົນຕີເກີຣ໌ລກຣຸບ ສະໄປຊ໌ ເກີຣ໌ລ ທີ່ກໍາລັງດັງໃນອັງກິດໃນຍຸກນັ້ນພໍດີ
1997/98 : ແມນຢູໄນເຕັດ
ຜີສາດແດງ ໄດ້ຄວ້າແຊ່ມ ຫຼັງຈາກໂຊຟອມເກັບ 43 ແຕ້ມ ນໍາໜ້າເປັນຈ່າຝຸງທາມກາງສຽງດົນຕີຈິງເກີນເບລ ແຕ່ເລື່ອງຊັອກກໍ່ເກີດຂຶ້ນ ເມື່ອ ອາຣ໌ເຊນອລໂຊຄວາມແຮງແຊງຄວ້າແຊ່ມໄປຄອງໂດຍແຕ້ມທີ່ເໜືອກວ່າ 1 ແຕ້ມ ແລະ ມັນກໍ່ເປັນແຊ່ມຄັ້ງທໍາອິດຂອງ ອາຣ໌ແຊນ ເວນເກີຣ໌ ຊຶ່ງສະແດງຝີມືນໍາພາ ຄວ້າຖ້ວຍເອຟເອຄັບ ຊຶ່ງເປັນດັບເບີນແຊ່ມ ໃນລະດູການດ່ຽວ
1998/99 : ແອສຕັນວິນລ່າ
ກະໂດດຂຶ້ນເປັນຜູ້ນໍາຈ່າຝູງ ໃນຊ່ວງຄຣິສມາສ ໃນແຕ້ມ 36 ແຕ້ມແຕ່ສຸດທ້າຍ ແມນຢູກໍ່ກະໂດດແຊງເອົາແຊມໄປຄອງ ສູດທ້າຍວີນລ່າ ຈົບທີ່ອັນດັບ 6
1999/2000 : ລິດສ໌
ລິດສ໌ ຂຶ້ນມານໍາຈ່າຝຸງໂດຍເກັບໄດ້ 44ແຕ້ມ ໃນຊ່ວງຄຣິສມາສ ແຕ່ສຸດທ້າຍພວກເຂົາກໍ່ຈົບລະດູການດ້ວຍອັນດັບທີ 3 ມີ 69ແຈ້ມ ແລະ ກໍ່ເປັນແມນຢູທີ່ຄວ້າແຊ່ມໄປຄອງ ມີ91 ແຕ້ມ.
2000/01 : ແມນຢູໄນເຕັດ
ບໍ່ໜ້າແປກໃຈເພາະວ່າໃນຊ່ວງຄຣີສມາສແມນຢູໄດ້ຄອງຈ່າຝຸງໂດຍມີ 43 ແຕ້ມ ແລະ ສຸດທ້າຍກໍ່ໄດ້ແຊ່ມໄປຄອງໂດຍມີ 80 ແຕ້ມຫ່າງຈາກ ອັນດັບ 2 ອາຣ໌ເຊນອລ ເຖິງ 10 ແຕ້ມ
2001/02 : ນີວຕາສເຊີ່ລ
ກັບມາຄອງຈ່າຝຸ/ໃນຊ່ວງຄຣິສມາສໄດ້ອີກຄັ້ງຫຼັງຈາກເຄີຍເຮັດໄດ້ໃນ 6 ປີກອ່ນ ເຊິ່ງມີ 36ແຕ້ມ ແຕ່ສຸດທ້າຍຈົບລະດູການທີ່ອັນດັບ4 ມີ 71 ແຕ້ມ ສ່ວນແຊ່ມເປັນຂອງອາຣ໌ເຊນອລ.
2002/03 : ອາຣ໌ເຊນອລ
ແຊ່ມເກົ່າອາຣ໌ເຊນອລ ຍັງນໍາຈ່າຝຸງໃນຊ່ວງຄຣິສມາສ ມີ 39 ແຕ້ມ ແຕ່ສຸດທ້າຍກໍ່ຕ້ອງເສຍແຊ່ມໃຫ້ແມນຢູ ໂດຍແຕ້ມຫ່າງ 5 ແຕ້ມ
ຫຼັງຈາກນັ້ນກໍ່ເກີດທີມ ບິກໂຟ ຂຶ້ນມາເຊິ່ງລວມມີ ແມນຢູ, ເຊລຊີ, ອາຣ໌ເຊນອລ ແລະ ລີເວີຣ໌ພູລ
2003/04 : ແມນຢູໄນເຕັດ
ແມນຢູ ຍັງຄອງຈ່າຝຸງໃນຊ່ວງທ້າຍປີ ມີ 40 ແຕ້ມ ເຖິງຢ່າງໃດກໍ່ຕາມສຸດທ້າຍຕ້ອງເສຍແຊ່ມຄືນໃຫ້ກັບ ອາຣ໌ເຊນອລ ໂດຍແຕ້ມຫ່າງເຖິງ 15 ແຕ້ມ ໂດຍມີເຊລຊີຄວ້າຕໍາແໜ່ງຮອງແຊ້ມ
2004/05 : ເຊລຊີ
ເຊລຊີໄດ້ກະໂດດຂຶ້ນມານໍາເປັນຈ້າຝຸງຫຼັງຈາກຈົບທີ່ 2 ໃນລະດູການຜ່ານມາ ແລະ ໃນທີ່ສຸດກໍ່ສາມາດຄອງຈ່າຝຸງໄວ້ໄດ້ ແລະ ຄ້ວາແຊ່ມມາຄອງໄດ້ສໍາເລັດໂດຍມີຄະແນນເຖິງ 95 ແຕ້ມ
2005/06 : ເຊລຊີ
ແຊ່ມເກົ່າຍັງຄົງຄອງຕໍາແໜ່ງຈ່າຝຸງໃນຊ່ວງຄຣິສມາສ ໂດຍແຕ້ມມີເຖິງ 49 ແຕ້ມ ແລະ ສາມາດຄອງຈ່າຝຸງໄວ້ໄດ້ສຸດທ້າຍກໍ່ຄ້ວາແຊ່ມໄປຄອງ ອີກລະດູການມີ 91 ແຕ້ມ ສ່ວນແມ່ນຢູ ໄດ້ຮອງແຊ່ມ.
2006/07 : ແມນຢູ ໄນເຕັດ
ປາຍເດືອນທັນວາ ຜີແດງກັບມານໍາຈ່າຝຸງອີກຄັ້ງໂດຍສະສົມແຕ້ມໄດ້ 47 ແຕ້ມເໜືອກວ່າເຊລຊີແຊ່ມເກົ່າ ເຊິ່ງເກັບໄດ້ 45 ແຕ້ມ ແລະ ສຸດທ້າຍແມນຢູກໍ່ສາມາດປາບສິງໄດ້ສໍາເລັດດ້ວຍຄະແນນ 89 ຕໍ່ 83 ແຕ້ມ.
2007/08 : ອາຣ໌ເຊນອລ
ທີມປຶນໃຫຍ່ອາຣ໌ເຊນອລ ກັບມາຄອງຈ່າຝຸງໃນຊ່ວງຄຣິສມາສໄດ້ອີກຄັ້ງ ໂດຍມີ 43 ແຕ້ມ ແຕ່ແລ້ວກໍ່ຈົບລະດູການດ້ວຍອັນດັບທີ 3 ສ່ວນຜີສາດແດງ ແມນຢູ ໄນເຕັດ ໄດ້ແຊ່ມໄປຄອງ.
2008/09 : ລີເວີຣ໌ພູລ
ຕໍາແໜ່ງຈ່າຝຸງໃນຊ່ວງຄຣິສມາສ ໄດ້ຕົກມາເປັນຂອງ ຫົງແດງອີກຄັ້ງ ເຊີ່ງສະສົມແຕ້ມໄດ້ 39 ແຕ້ມ ແຕ່ສຸດທ້າຍກໍ່ຈົບລະດູການລົງໄດ້ພຽງແຕ່ອັນດັບ 2 ສ່ວນວ່າແຊ່ມ ຖືກແມ່ນຢູໄນເຕັດ ແຊງໂຄ້ງເອົາໄປຄອງດ້ວຍຄະແນນ 90 ແຕ້ມ ແລະ ປ່ອຍໃຫ້ ລີເວີຣ໌ພູລ ຈົບອັນດັບ 2 ທີ່ຄະແນນ 86 ແຕ້ມ.
2009/10 : ເຊລຊີ
ສິງໂຕນໍ້າເງິນຄາມ ກັບມານັ້ງເກົ້າອີ້ທວງຈ້າຝຸງໄດ້ອີກຄັ້ງໃນຊ່ວງເທດສະການຄຣິສມາສ ໂດຍຄະແນນ 42 ແຕ້ມ ແລະ ເປັນຜົນງານທີ່ສຸດຍອດຂອງໂຄດ ຄາຣ໌ໂລ ອັນເຊລອຕຕີ ສ່ວນລີເວີຣ໌ພູລຍັງໄປບໍ່ເຖິງເສັ້ນໄຊ ແລະ ຈົບລະດູການດ້ວຍການຕົກລົງຢູ່ອັນດັບ 7 ຂອງຕາລາງຊຶ່ງເປັນຜົນງານທີ່ຕົກຕໍ່າທີ່ສຸດຂອງ ເຮັດແມນຊີນ ໃນຮອບ 11ປີ ສ່ວນແຊ່ມກໍ່ຕົກເປັນຂອງຈ່າຝຸງ ເຊລຊີ.
2010/11 : ແມນຢູໄນເຕັດ
ຜີສາດແດງກະໂດດຂຶ້ນມາຄອງຈ່າຝຸງອີກຕາມເຄີຍ ດ້ວຍຄະແນນ 34 ແຕ້ມ ແລະ ສຸດທ້າຍກໍ່ສາມາດຄວ້າແຊ່ມໄປຄອງ ດ້ວຍຄະແນນ 80 ແຕ້ມ ເໜືອກວ່າ ເຊລຊີ ທີມຮອງແຊ່ມທີ່ມີຄະແນນ 71 ແຕ້ມ.
2011/12 : ແມນເຊັດເຕີຊີຕີ
ເຮືອໃບສີຟ້າຈອງຕໍາແໜ່ງຈ່າຝຸງໄດ້ຄັ້ງທໍາອິດ ນັບແຕ່ກໍ່ຕັ້ງ ພຣີເມຍຣ໌ລີກ ໂດຍມີ 44 ແຕ້ມ ແລະ ສຸດທ້າຍທີມເຮືອໃບສີຟ້າກໍ່ສາມາດຄວ້າແຊ່ມມາຄອງໄດ້ສໍາເລັດ.
2012/13 : ແມນຢູໄນເຕັດ
ລະດູການນີ້ຜີສາດແດງ ແມນຢູ ໄດ້ຄອງຈ່າຝຸງຢູ່ໃນຊ່ວງຄຣິສມາສ ເຊິ່ງມີ 43 ແຕ້ມ ແລະ ຈົບລະດູການດ້ວຍການເອົາແຊ່ມໄປຄອງ.
2013/14 : ລີເວີຣ໌ພູລ
ລະດູການນີ້ຫົງແດງເປັນຜູ້ນໍາຈ່າຝຸງໃນຊ່ວງເທດສະການຄຣິສມາສ ເຊິ່ງມີ 36 ແຕ້ມ ແຕ່ສຸດທ້າຍເບຣນແດນ ຣັອດເຈີຣ໌ສ ກໍ່ບໍ່ສາມາດສ້າງປະຫວັດສາດພາຫົງແດງຄວ້າແຊ່ມໄດ້ ສຸດທ້າຍຈົບລະດູການໄດ້ພຽງແຕ່ຮອງແຊ່ມ, ສ່ວນທີມເຮືອໃບສີຟ້າ ແມນຊີຕີ ໄດ້ແຊ່ມໄປຄອງ.