ເສີນຫຼົງ ຄວ້າແຊ່ມ ຊາຍດ່ຽວ ແບດມິນຕັນ ຊູປເປີຣ໌ຊີລີ່ໄຟນອລ໌ ຫຼັງຈາກການເອົາຊະນະ ຮ້ານສ໌ ຄຣິສຕຽນຍ໌ ວິດຕິງຮຸສ ຈາກປະເທດເດນມາກ ຂະນະທີ່ ຍິງດ່ຽວ ໄດ້ແກ່ ໄຖ້ຊື່ຫຍິງ ຄວ້າແຊ່ມໄປຄອງ
ແບັດມິນຕັນ ບີດັບເບີນຢູເອຟ ດູໄບ ເວີລດ໌ຊູປເປີຣ໌ ຊີລີ່ໄຟນອລ໌ 2014 ທີ່ສະຫະລັດເອມິເຣດສ໌ ປະເພດຊາຍດ່ຽວ ຮອບ ຊີງຊະນະເລີດ ເສີນ ຫຼົງ ນັກຕີດອກປີກໄກ່
ອັນດັບ 2 ຂອງໂລກຈາກຈີນເອົາຊະນະ ຮານສ໌ຄຣິສຕຽນ ວິດຕິງຮຸສ ນັກຕີດອກປີກໄກ່ອັນດັບ 11 ຂອງໂລກຈາກປະເທດເດນມາກ 2 ເກັມລວດ 21-16 ແລະ 21-10 ຄວ້າແຊ່ມໄປຄອງ
ສ່ວນປະເພດຍິງດ່ຽວໄດ້ແກ່ ໄຖ້ ຊື່ຫຍິງ ນັກຕີດອກປີກໄກ່ສາວອັນດັບ 9 ຂອງໂລກຈາກໄຕ້ຫວັນຕີເອົາຊະນະ ຊຸງ ຈີຮຸນ ມືອັນດັບ 5 ຂອງໂລກຈາກເກົາຫຼີໃຕ້ 2 ເກັມລວດ 21-17 ແລະ 21-12ຄວ້າແຊ່ມຍິງດ່ຽວໄປຄອງໄດ້ສໍາເລັດ
ຂະນະທີ່ປະເພດຊາຍຄູ່ ແຊ່ມເປັນຂອງ ອີ ຍອງ ແດ ແລະ ຍູ ຍອງ ຊອງ ຄູ່ມືອັນດັບ 1ຂອງໂລກ ຈາກເກົາຫຼີໃຕ້, ດ້ານຍິງຄູ່ ແຊ່ມເປັນຂອງ ມິຊາກິ ມັຕສຸໂຕໂມະ ແລະ ອາຍາ ກະ ທາກາຮາຊິ ຈາກຍີ່ປຸ້ນ ສ່ວນຄູ່ປະສົມຍິ່ງ-ຊາຍ ໄດ້ແກ່ ສາງ ໜານ ແລະ ເສົາ ຫຍຸ່ນຫຼຽຍ ຈາກຈີນ ຄວ້າແຊ່ມໄປຄອງ.