ໃນວັນທີ 16 ກໍລະກົດ 2026 ຜ່ານມາ, ທີ່ຫ້ອງປະຊຸມສານຂອງສານປະຊາຊົນ ແຂວງອັດຕະປື ໄດ້ພິຈາລະນາຕັດສີນ ຄະດີອາຍາ ເລກທີ 64/ ຂຕ.ອ, ລົງວັນທີ 20 ເມສາ 2026, ຕາມຄຳຕັດສີນ ເລກທີ 89/ຂຕ.ອ, ລົງວັນທີ 16 ກໍລະກົດ 2026. ກ່ຽວກັບການກະທຳຜິດ ຂອງເຈົ້າກຳທົ່ວໄປ (ບຸກຄົນທົ່ວໄປ) ຕິດພັນກັບຈຳນວນເງີນ ຖືກເສຍຫາຍ ຈາກການກະທຳຜິດຂອງພະນັກງານທີ່ສໍ້ລາດບັງ ຫຼວງ ຢູ່ແຂວງອັດຕະປື, ເຊີ່ງມີຈຳເລີຍ ທັງໝົດ 9 ຄົນ, ຍິງ 6 ຄົນ.
ຜ່ານການຄົ້ນຄວ້າພິຈາລະນາ ຂໍ້ມູນຫຼັກຖານຕ່າງໆ ຈິ່ງໄດ້ຕັດສີນຄະດີດັ່ງກ່າວຕາມຂໍ້ມູນຫຼັກຖານ ແລະ ກົດໝາຍ, ເຊິ່ງໄດ້ພິຈາລະນາຕັດສີນ 9 ຈຳເລີຍ ມີຄວາມຜິດໃນສະຖານ ໂທສານຸໂທດ
ມາດຕາ 285: ການລະເມີດລະບຽບການຄຸ້ມຄອງເງີນຕາຕ່າງປະເທດ, ມາດຕາ 279: ການດຳເນີນທຸລະກິດໂດຍບໍ່ຖືກຕ້ອງຕາມກົດໝາຍ ແລະ ມາດຕາ 298: ການຄິດໄລ່ດອກເບ້ຍສູງ ຂອງປະມວນກົດໝາຍອາຍາ ປີ 2017, ລົງໂທດຕັດອິດສະລະພາບ ພວກຈຳເລີຍດັ່ງນີ້:
1) ທ້າວ ອານຸກອນ ໄຊມະນີ (ຈຳເລີຍ 1) ມີຄວາມຜິດໃນສະຖານ ໂທສານຸໂທດ ຕາມມາດຕາ 285 ແລະ 297 ຂອງປະມວນກົດໝາຍອາຍາ ປີ 2017, ລວມລົງໂທດຕັດອິດສະລະພາບ ທັງ ໝົດ 1 ປີ ໃຫ້ປະຕິບັດ ຫ້າເດືອນ ສິບເອັດວັນ, ສ່ວນເຫຼືອນັ້ນ ພາກໄວ້ ແລະ ປັບໃໝ 10,000,000 ກີບ ແລະ ໃຊ້ແທນເງິນຈຳນວນ 117,714,000 ກີບ (ຄະນະສະເພາະກິດຮັກສາໄວ້) ສົ່ງຄືນໃຫ້ແກ່ລັດ.
2) ນາງ ທິດສະໄໝ ຊາພັກດີ (ຈໍາເລີຍ2) ມີຄວາມຜິດໃນສະຖານ ໂທສານຸໂທດ ຕາມມາດຕາ 297 ແລະ 298 ຂອງປະມວນກົດໝາຍອາຍາ ປີ 2017, ລວມລົງໂທດຕັດອິດສະລະພາບ ທັງໝົດ 1 ປີ ພາກໄວ້ທັງໝົດ ແລະ ປັບໃໝ 10,000,000 ກີບ, ໃຊ້ແທນເງີນສ່ວນຕ່າງທີ່ໄດ້ຈາກການກະທຳຜິດ ຈຳນວນ 2,020,958,000 ກີບ ຄືນແກ່ລັດ.
3) ນາງ ວັນວິໄລ ໄຊເສນາ (ຈໍາເລີຍ3) ມີຄວາມຜິດໃນສະຖານ ໂທສານຸໂທດ ຕາມມາດຕາ 297 ແລະ 298 ຂອງປະມວນກົດໝາຍອາຍາ ປີ 2017, ລວມລົງໂທດຕັດອິດສະລະພາບ ທັງໝົດ 1 ປີ ພາກໄວ້ທັງໝົດ ແລະ ປັບໃໝ 10,000,000 ກີບ, ໃຊ້ແທນ ເງີນສ່ວນຕ່າງທີ່ໄດ້ຈາກການກະທຳຜິດ ຈຳນວນ 3,400,964,000 ກີບ ຄືນແກ່ລັດ.
4) ນາງ ດາວິນ ມະນີວົງ (ຈໍາເລີຍ4) ມີຄວາມຜິດໃນສະຖານ ໂທສານຸໂທດ ຕາມມາດຕາ 297 ແລະ 298 ຂອງປະມວນກົດໝາຍອາຍາ ປີ 2017, ລວມລົງໂທດຕັດອິດສະລະພາບ ທັງໝົດ 1 ປີ ໃຫ້ປະຕິບັດ ຫ້າເດືອນ ຊາວສີ່ວັນ ສ່ວນທີ່ເຫຼືອພາກໄວ້ ແລະ ປັບໃໝ 10,000,000 ກີບ. ໃຊ້ແທນ ເງີນສ່ວນຕ່າງທີ່ໄດ້ຈາກການກະທຳຜິດ ຈຳນວນ 5,054,100,000 ກີບ ຄືນແກ່ລັດ.
5) ນາງ ນ້ອຍເພັດຕາ ກິດຕິຍະລາດ (ຈໍາເລີຍ5) ມີຄວາມຜິດໃນສະຖານ ໂທສານຸໂທດ ຕາມມາດຕາ 297 ແລະ 298 ຂອງປະມວນກົດໝາຍອາຍາ ປີ 2017, ລວມລົງໂທດຕັດອິດສະລະ ທັງໝົດ 1 ປີ ໃຫ້ປະຕິບັດ ຫ້າເດືອນ ຊາວສີ່ວັນ ສ່ວນທີ່ເຫຼືອພາກໄວ້ ແລະ ປັບໃໝ 10,000,000 ກີບ.
6) ນາງ ສຸດສະໜາ ຈັນທະວີສຸກ (ຈໍາເລີຍ6) ມີຄວາມຜິດໃນສະຖານ ໂທສານຸໂທດ ຕາມມາດຕາ 297 ແລະ 298 ຂອງປະມວນກົດໝາຍອາຍາ ປີ 2017, ລວມລົງໂທດຕັດອິດສະລະພາບ ທັງໝົດ 1 ປີ ໃຫ້ປະຕິບັດ ຫ້າເດືອນ ຊາວສີ່ວັນ ສ່ວນທີ່ເຫຼືອພາກໄວ້ ແລະ ປັບໃໝ 10,000,000 ກີບ.
7) ນາງ ນ້ອຍເພັດຕາ ກິດຕິຍະລາດ (ຈໍາເລີຍ5), ນາງ ສຸດສະໜາ ຈັນທະວີສຸກ (ຈໍາເລີຍ6) ໃຊ້ແທນ ເງີນສ່ວນຕ່າງທີ່ໄດ້ຈາກການກະທຳຜິດ ຈຳນວນ 13,078,102,000 ກີບ ຄືນແກ່ລັດ.
8.ນາງ ໄພຈິດ ສິມມະລາດ (ຈໍາເລີຍ7) ມີຄວາມຜິດໃນສະຖານ ໂທສານຸໂທດ ຕາມມາດຕາ 297,298 ຂອງປະມວນກົດໝາຍອາຍາ ປີ 2017: ລວມລົງໂທດຕັດອິດສະລະພາບ ນາງ ໄພຈິດ ສິມມະລາດ (ຈໍາເລີຍ7) ທັງໝົດ ໜື່ງ ປີ ພາກໄວ້ ແລະ ປັບໃໝ 10,000,000 ກີບ. ໃຊ້ແທນ ເງີນສ່ວນຕ່າງທີ່ໄດ້ຈາກການກະທຳຜິດ ຈຳນວນ 555,523,000 ກີບ ຄືນແກ່ລັດ.
9) ທ້າວ ແອໜິງ ສະໝອນ (ຈໍາເລີຍ8) ມີຄວາມຜິດໃນສະຖານ ໂທສານຸໂທດ ຕາມມາດຕາ 297 ແລະ 298 ຂອງປະມວນກົດໝາຍອາຍາ ປີ 2017, ລວມລົງໂທດຕັດອິດສະລະພາບ ທັງໝົດ 1 ປີ ພາກໄວ້ ແລະ ປັບໃໝ 10,000,000 ກີບ, ໃຊ້ແທນ ເງີນສ່ວນຕ່າງທີ່ໄດ້ຈາກການກະທຳຜິດ ຈຳນວນ 3,282,978,600 ກີບ ຄືນແກ່ລັດ.
10) ທ້າວ ສຸລິຈັນ ບູ່ຕາວົງ (ຈໍາເລີຍ9) ມີຄວາມຜິດໃນສະຖານ ໂທສານຸໂທດ ຕາມມາດຕາ 297 ແລະ 298 ຂອງປະມວນກົດໝາຍອາຍາ ປີ 2017, ລວມລົງໂທດຕັດອິດສະລະພາບ ທັງໝົດ 1 ປີ ໃຫ້ປະຕິບັດຫົກເດືອນ ເຈັດວັນ ສ່ວນເຫຼືອນັ້ນພາກໄວ້ ແລະ ປັບໃໝ 10,000,000 ກີບ, ໃຊ້ແທນ ເງີນສ່ວນຕ່າງທີ່ໄດ້ຈາກການກະທຳຜິດ ຈຳນວນ 258,500,000 ກີບ ຄືນແກ່ລັດ.
ພ້ອມນັ້ນໃຫ້ພວກຈຳເລີຍ ຮັບຜິດຊອບ ຄ່າໃຊ້ຈ່າຍໃນການດຳເນີນຄະດີຂອງເຈົ້າໜ້າທີ່ສະເພາະກິດຂອງແຂວງ ແລະ ຮັບຜິດຊອບ ຄ່າທຳນຽມສານ.
ແຫຼ່ງທີ່ມາ:ຂ່າວສານອອນລາຍ ອັດຕະປື