Homeຂ່າວພາຍ​ໃນຕ້ອນຮັບນັກຮຽນເກັ່ງລະດັບຊາດ ຈໍາປາສັກ ຈັດພິທີຕ້ອນຮັບ ນັກຮຽນເກັ່ງລະດັບຊາດຢ່າງສົມກຽດ ພ້ອມມອບໃບຍ້ອງຍໍ ແລະ ເງິນ 13 ລ້ານກີບ.

ຕ້ອນຮັບນັກຮຽນເກັ່ງລະດັບຊາດ ຈໍາປາສັກ ຈັດພິທີຕ້ອນຮັບ ນັກຮຽນເກັ່ງລະດັບຊາດຢ່າງສົມກຽດ ພ້ອມມອບໃບຍ້ອງຍໍ ແລະ ເງິນ 13 ລ້ານກີບ.

Published on

ແຂວງຈໍາປາສັກຈັດພິທີຕ້ອນຮັບ ພ້ອມທັງມອບບໍາເນັດ ແລະ ຍ້ອງຍໍນັກຮຽນເກັ່ງລະດັບຊາດ, ຄູບໍາລຸງນັກຮຽນເກັ່ງ ແລະ ບັນດາໂຮງຮຽນທີ່ສ້າງຜົນງານໃນການເຂົ້າຮ່ວມການແຂ່ງຂັນນັກຮຽນເກັ່ງລະດັບຊາດ ຊັ້ນມັດທະຍົມສຶກສາ ສົກຮຽນ 2025-2026 ທີ່ນະຄອນຫຼວງວຽງຈັນ.

ພິທີຈັດຂຶ້ນໃນຕອນບ່າຍວັນທີ 4 ພຶດສະພາ 2026 ທີ່ຫ້ອງວ່າການແຂວງ ໃຫ້ກຽດເຂົ້າຮ່ວມຂອງທ່ານ ປອ ອາລຸນໄຊ ສູນນະລາດ ເລຂາພັກແຂວງ ປະທານສະພາປະຊາຊົນແຂວງ, ມີທ່ານ ສຸພາບ ທໍາມະຮັກສາ ຮອງເລຂາພັກແຂວງ, ມີຄະນະນໍາຂອງແຂວງ, ຄູອາຈານ, ຜູ້ປົກຄອງນັກຮຽນ ແລະ ນ້ອງນັກຮຽນເຂົ້າຮ່ວມ.

#ການສອບເສັງແຂ່ງຂັນນັກນຮຽນເກັ່ງລະດັບຊາດ ຊັ້ນມັດທະຍົມສຶກສາ ສົກຮຽນ 2025-2026 ແມ່ນຈັດຂຶ້ນໃນຄັ້ງວັນທີ່ 20 – 24 ເມສາ 2026 ທີ່ ໂຮງແຮມ ດອນຈັນພາເລດ ນະຄອນຫຼວງວຽງຈັນ ເຊິ່ງ ມີຕົວແທນ ນັກສອບເສັງ ຈາກ 17 ແຂວງ ແລະ ນະຄອນຫຼວງວຽງຈັນ ແຕ່ລະແຂວງໄດ້ສົ່ງເຂົ້າຮ່ວມແຂ່ງຂັນ ໃນ 4 ວິຊາ ຄື: ພາສາລາວ-ວັນນະຄະດີ, ຄະນິດສາດ, ຟີຊິກສາດ ແລະ ເຄມີສາດ ຂອງແຕ່ລະຊັ້ນ ມ.4 ແລະ ມ.7 ວິຊາລະ 2 ຄົນ ຕໍ່ຊັ້ນ ລວມທັງໝົດ 288 ຄົນ, ຍິງ 165 ຄົນ ໃນນັ້ນຕົວແທນນັກຮຽນເກັ່ງ ຂອງ ແຂວງຈຳປາສັກ ທັງໝົດ 16 ຄົນ, ຍິງ 08 ຄົນ ທີ່ສົ່ງເຂົ້າຮ່ວມການສອບເສັງແຂ່ງຂັນນັກຮຽນເກັ່ງລະດັບຊາດ ສາມາດຍາດໄດ້ອັນດັບທີ ດັ່ງຕໍ່ໄປນີ້:

+ປະເພດທິມ

-ອັນດັບທີ 3 ຖາມ-ຕອບ ວິທະຍາສາດ

+ປະເພດດ່ຽວ

  1. ອັນດັບທີ 1 ຫຼຽນຄໍາ ໄດ້ຈໍານວນ 1 ລາງວັນ

– ທ້າວ ພອນພະສິດ ບົວລະວົງ ມ.ສ ຫົວສຽວ, ວິຊາ ຄະນິດສາດ ຄະແນນ 9.5 ຊັ້ນ ມ.4

  1. ອັນດັບທີ 2 ຫຼຽນເງິນ ໄດ້ຈຳນວນ 2 ລາງວັນ

– ນາງ ແອນນີ ອ່ອນນາລີ ມ.ສ ເອັສໂອເອັສປາກເຊ ວິຊາ ຟີຊິກສາດ ຄະແນນ 9.5 ຊັ້ນ ມ.4

– ນາງ ວິພານີ ວັນນະວົງ ມ.ສ ຫົວສຽວ ວິຊາ ຟີຊິກສາດຄະແນນ 8.3 ຊັ້ນ ມ.7

  1. ອັນດັບທີ 3 ຫຼຽນທອງ ໄດ້ຈໍານວນ 1 ລາງວັນ

-ທ້າວ ທິນນະກອນ ບຸບຜາວົງ ມ.ປ ພອນສະຫວັນ ວິຊາ ພາສາລາວ-ວດ ຄະແນນ 7.1 ຊັ້ນ ມ.7

  1. ລາງວັນຊົມເຊີຍໄດ້ຈໍານວນ 4 ລາງວັນ

– ນາງ ໄອຍະດາ ບຸດແກ້ວປະເສີດ ມ.ສ ຫົວສຽວ ວິຊາພາສາລາວ-ວັນນະຄະດີ ຄະແນນ 7 ຊັ້ນ ມ.4

– ນາງ ກິ່ງເພັດ ສີຊະນະດີ ມ.ສ ວິຊະນຸວິທະຍາ

ວິຊາ ພາສາລາວ-ວັນນະຄະດີ ຄະແນນ 6 ຊັ້ນ ມ.4

-ນາງ ນິດຕະນາ ສໍພາບມີໄຊ ມ.ສ ປາກເຊ ວິຊາ ຄະນິດສາດ ຄະແນນ 6 ຊັ້ນ ມ.4

-ທ້າວ ວິລະພັນ ຍຸດທະບຸດ ມ.ຕ ບ້ານງົວ

ວິຊາ ຟີຊິກສາດຄະແນນ 7 ຊັ້ນ ມ.4

#ສະຫຼຸບລາງວັນທີ່ໄດ້ຮັບແມ່ນ 9 ລາຍການ ຄື: 1 ຫຼຽນຄໍາ, 2 ຫຼຽນເງິນ, 1 ຫຼຽນທອງ, 4 ລາງວັນ ຊົມເຊີຍ (ນັກຮຽນທີ່ມີຜົນຄະແນນ 6 ຂຶ້ນໄປແຕ່ບໍ່ໄດ້ຈັດລໍາດັບທີ່) ແລະ ລະດັບທີ 3 ຖາມ-ຕອບ ວິທະຍາສາດ. ເມື່ອທຽບກັບສົກຮຽນຜ່ານມາ ຈາກ 5 ລາຍງການ ສົກຮຽນ 2024-2025 ມາສົກຮຽນ 2025-2026 ໄດ້ 9 ລາຍການ ເພີ່ມຂຶ້ນ 4 ລາຍການ ພິເສດແມ່ນ ໄດ້ ລາງວັນ ອັນດັບທີ 1 ຫຼຽນຄໍາ ວິຊາ ຄະນິດສາດ ມ.4. ຈາກຜົນການສອບເສັງຄັ້ງນີ້ ແຂວງຈໍາປາສັກ ໂດຍສົມທຽບກັບ 17 ແຂວງ ແລະ ນະຄອນຫຼວງວຽງຈັນ ແມ່ນຈັດຢູ່ໃນອັນດັບທີ 3 ຂອງທົ່ວປະເທດ.

#ໃນການຕ້ອນຮັບອັນສົມກຽດນີ້ແມ່ນໄດ້ມີຂະບວນແຫ່ສະຫຼອງດ້ວຍລົດສາມລໍ້ອ້ອມຮອບເທດສະບານນະຄອນປາກເຊ, ຈາກນັ້ນກໍເຂົ້າພົບການນໍາຂອງແຂວງ ແລະ ມີການມອບ-ຮັບລາງວັນ, ການມອບໃບຍ້ອງຍໍ ໃຫ້ແກ່ນັກຮຽນເກັ່ງລະດັບຊາດ, ຄູບໍາລຸງນັກຮຽນເກັ່ງ ແລະ ບັນດາໂຮງຮຽນທີ່ສ້າງຜົນງານໃນການເຂົ້າຮ່ວມການແຂ່ງຂັນນັກຮຽນເກັ່ງລະດັບຊາດ ຊັ້ນມັດທະຍົມສຶກສາ ເປັນຕົ້ນ: ມອບໃບຍ້ອງຍໍ ແລະ ເງິນ 13 ລ້ານກີບໃຫ້ທ້າວ ພອນພະສິດ ບົວລະວົງ ມ.ສ ຫົວສຽວ, ທີ່ສາມາດຍາດໄດ້ອັນດັບທີ 1 ວິຊາຄະນິດສາດ.

 

ແຫຼ່ງຂໍ້ມູນ: ໜັງສືພິມຈໍາປາໃໝ່

ບົດຄວາມຫຼ້າສຸດ

ສັ່ງປະຫານຊີວິດ ຈີນໄດ້ຕັດສິນປະຫານຊີວິດ ອະດີດລັດຖະມົນຕີ ກະຊວງປ້ອງກັນປະເທດ 2 ຄົນ ໃນຂໍ້ຫາສໍ້ລາດບັງຫຼວງ ແຕ່ໄດ້ໂຈະໂທດໄວ້ 2 ປີ ຖ້າບໍ່ກະທຳຜິດຕື່ມ ຈະປ່ຽນເປັນຈຳຄຸກຕະຫຼອດຊີວິດ

ວັນທີ 7 ພຶດສະພາ 2026 ທີ່ຜ່ານມາ ສຳນັກຂ່າວປະເທດຈີນລາຍງານວ່າ ອະດີດລັດຖະມົນຕີກະຊວງປ້ອງກັນປະເທດຈີນ 2 ຄົນຄື ລີ ຊາງຟູ (Li Shangfu) ແລະ...

ເປີດລົງທະບຽນເຂົ້າຮ່ວມພັນທະກິດທາງເສດຖະກິດຂອງກຸ່ມປະເທດ ທີ່ໃຊ້ພາສາຝຣັ່ງປະຈຳອາຟຣິກາຕາເວັນອອກໃນວັນທີ 6-8 ຕຸລາ 2026 ທີ່ປະເທດຈິບູຕີ

ຫຼັງຈາກຜົນສຳເລັດຂອງການຈັດງານຫົກຄັ້ງຢູ່ທີ່ພາກພື້ນທີ່ໃຊ້ພາສາຝຣັ່ງໃນເຂດຕ່າງໆ, ອົງການສາກົນຂອງກຸ່ມປະເທດທີ່ໃຊ້ພາສາຝຣັ່ງ (OIF) ຍັງສືບຕໍ່ມຸ່ງໝັ້ນສ້າງຄວາມສາມັກຄີ ແລະ ຄວາມທະເຍີທະຍານທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງໂດຍຮ່ວມມືກັບອຳນາດການປົກຄອງຂອງຈິບູຕີຈັດຕັ້ງພັນທະກິດທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງຄັ້ງຕໍ່ໄປໃນວັນທີ 6 ຫາ 8 ຕຸລາ 2026 ທີ່ປະເທດຈິບູຕີ. ໂຄງການລິເລີ່ມນີ້ເປັນສ່ວນໜຶ່ງໃນຄວາມພະຍາຍາມສົ່ງເສີມການແລກປ່ຽນທາງການຄ້າລະຫວ່າງບັນດາປະເທດສະມາຊິກ ແລະ ລັດຖະບານ...

ສຶກສາຄວາມເປັນໄປໄດ້ເສັ້ນທາງລົດໄຟ ແຕ່ຄໍາມ່ວນ-ຈໍາປາສັກ-ຊາຍແດນລາວ-ກຳປູເຈຍ ແລະ ເຊື່ອມຕໍ່ໄປພະນົມເປັນ ນະຄອນໂຮ່ຈິມິນ ແລະ ບາງກອກ

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດໂອ້ລົມຕໍ່ກອງປະຊຸມວຽກງານ ໂຍທາທິການ ແລະ ຂົນສົ່ງ (ຍທຂ) ທົ່ວປະເທດ...

ປັກຫຼັກໝາຍຊາຍແດນ  ລາວ-ກຳປູເຈຍ ກໍານົດຈຸດທີ່ຈະປັກຫຼັກຊາຍແດນ ສຳເລັດແລ້ວ 213 ຫຼັກໝາຍ ເພື່ອແກ້ໄຂບັນຫາການບຸກເບີກເນື້ອທີ່ກະສິກຳທີ່ລ່ວງລໍ້າຊາຍແດນ

ກອງສຳຫຼວດ ແລະ ປັກຫຼັກໝາຍຊາຍແດນ ລາວ-ກຳປູເຈຍ ເມືອງໂຂງ ແຂວງຈຳປາສັກ ໄດ້ສະຫຼຸບ ການຈັດຕັ້ງປະຕິບັດວຽກງານພາຍໃນປີ 2025 ທີ່ຜ່ານມາ.​ ທ່ານ ພັນໂທ ໂພສະຫວັນ ພິມມະວົງ...