ສິງກະໂປ ໄດ້ປະກາດຂໍ້ຕົກລົງເພື່ອທົດລອງນຳໃຊ້ “Air taxis” ຫຼື ຍົນນ້ອຍບໍລິການທາງອາກາດ ສຳລັບບໍລິການການແພດສຸກເສີນ ໃນງານ Singapore Airshow 2026 ໂດຍເປັນຄວາມຮ່ວມມືລະຫວ່າງ Vertical Aerospace ບໍລິສັດຜະລິດອາກາດຍານຈາກສະຫະລາຊະອານາຈັກ ແລະ A*SATAR ຫ້ອງການວິທະຍາສາດ ເທັກໂນໂລຊີ ແລະ ວິໄຈຂອງ Singapore.
ໂຄງການນີ້ໄດ້ຮັບການສະໜັບສະໜູນດ້ານທຶນວິໄຈຈາກ A*STAR ເພື່ອສຶກສາການນຳໃຊ້ຍານພາຫະນະໄຟຟ້າເທິງອາກາດ ແລະ ອາກາດຍານແບບໄຮບຣິດ. ໃນການຊ່ວຍການແພດ ໂດຍເນັ້ນພື້ນທີ່ຫ່າງໄກ ຫຼື ພື້ນທີ່ການເຂົ້າເຖິງຍາກ.
ທາງບໍລິສັດ Vertical Aerospace ຈະພັດທະນາທົດລອງ ແລະ ນຳໃຊ້ອາກາດຍານລຸ້ນ “Valo” ເຊິ່ງເປັນຍານພາຫະນະໄຟຟ້າທາງອາກາດ ຂຶ້ນ-ລົງແນວຕັ້ງ (eVTOL) ສາມາດນຳໃຊ້ເປັນ “ຍົນຮັບສົ່ງ” ທາງອາກາດໄດ້. ຈຸດປະສົງ ເພື່ອຂົນສົ່ງທີມແພດ ຫຼື ຄົນເຈັບ ໃນກໍລະນີສຸກເສີນໃຫ້ວ່ອງໄວຂຶ້ນ.
ຕາມແຜນການ, ການທົດລອງແທັກຊີຍົນ “Air taxis” ທາງການແພດຈະຖືກດຳເນີນການໃນເດືອນເມສານີ້ ໂດຍຈະເກັບຂໍ້ມູນສະຖິຕິການບິນ ເພື່ອປະເມີນຄວາມເປັນໄປໄດ້ ຄວາມປອດໄພ ແລະ ເວລາໃນການຕອບສະ ໜອງເຫດສຸກເສີນ ເຊິ່ງຄາດວ່າຈະຊ່ວຍພັດທະນາລະບົບການແພດໃຫ້ຮັບມືໄດ້ຢ່າງມີປະສິດທິພາບ ແລະ ຊ່ວຍຊີວິດຜູ້ປ່ວຍໄດ້ທັນເວລາຫຼາຍຂຶ້ນ.
ແຫຼ່ງທີ່ມາ: vnexpress, straitstimes