ສຳນັກຂ່າວຕ່າງປະເທດລາຍງານວ່າ ປະເທດເນເທີແລນກາຍປະເທດທຳອິດຂອງໂລກທີ່ບໍ່ມີໝາຈອນຈັດ (No Stray Dogs) ໂດຍໃຊ້ວິທີການຈັບ, ເຮັດໝັນ, ສັກວັກຊີນ, ປ່ອຍກັບບ່ອນເກົ່າ ຫຼື ຫາເຈົ້າຂອງໃຫ້ລ້ຽງ (Collect, Neuter, Vaccinate, Return) ໂດຍຮ່ວມກັບການໃຊ້ກົດໝາຍຄຸ້ມຄອງສັດລ້ຽງທີ່ເຂັ້ມງວດ, ມີນະໂຍບາຍການເຮັດໝັນຟຣີ ແລະ ມີການເສຍພາສີ. ຈາກນະໂຍບາຍດັ່ງກ່າວ, ເຮັດໃຫ້ໝາຈອນຈັດສ່ວຍໃຫ່ຍ ຖືກນໍາສົ່ງໄປລ້ຽງໃນສູນທີ່ພັກອາໄສສຳລັບສັດລ້ຽງທີ່ບໍ່ມີເຈົ້າຂອງ ແລະ ສົ່ງໄປຍັງເຈົ້າຂອງໃໝ່ໃນທີ່ສຸດ.
ສຳລັບມາດຕະການທີ່ເຮັດໃຫ້ປະເທດເນເທີແລນບໍ່ມີໝາຈອນຈັດຄື:
- ມີກົດໝາຍຄຸ້ມຄອງສັດລ້ຽງທີ່ເຂັ້ມງວດ: ຖ້າຫາກມີການທໍລະມານສັດ ແມ່ນຈະມີໂທດປັບໄໝສູງເຖິງ 16,000 ຢູໂລ ຫຼື ປະມານ 400,000,000 ກີບ ແລະ ຈໍາຄຸກປະມານ 3 ປີ.
- ມີໂຄງການ CNVR: ໂດຍໃຊ້ວິທີການ ຈັບ, ເຮັດໝັນ, ສັກວັກຊີນ, ປ່ອຍກັບບ່ອນເກົ່າ ຫຼື ຫາເຈົ້າຂອງໃຫ້ລ້ຽງ ເພື່ອຫຼຸດຈໍານວນໝາຈອນຈັດຢ່າງເປັນລະບົບ.
- ມີພາສີສຳລັບສັດລ້ຽງ: ການລ້ຽງໝາແມ່ນຕ້ອງມີການເສຍພາສີ ເຮັດໃຫ້ຜູ້ລ້ຽງຕ້ອງຄິດໃຫ້ຮອບຄອບກ່ອນທີ່ຈະລ້ຽງ.
- ມີສູນພັກອາໄສສຳລັບສັດບໍ່ມີເຈົ້າຂອງ ເຮັດໃຫ້ໄດ້ຮັບການເບິ່ງແຍງ ແລະ ມີໂອກາດສູງທີ່ຈະມີຄົນຮັບໄປລ້ຽງຕໍ່.
ຄວາມສຳເລັດໃນຄັ້ງນີ້ ເກີດຈາກການສ້າງການສ້າງວັດທະນະທຳການລ້ຽງສັດຢ່າງມີຄວາມຮັບຜິດຊອບ ແລະ ການນໍາໃຊ້ກົດໝາຍເຂົ້າຮ່ວມຢ່າງຈິງຈັງ.
ແຫຼ່ງຂໍ້ມູນ: dogilike