ໃນວັນທີ 24 ມັງກອນ 2026 ບໍລິ​ສັດເອກກະຊົນ ມອບຫີນແຮ່ຄຳ ໃຫ້ອົງ​ການປົກຄອງແຂວງອັດຕະປື ເພື່ອເປັນທີ່ລະນຶກ ແລະ ເປັນສັນຍາລັກແຫ່ງມິດຕະ​ພາບ, ຄວາມຮ່ວມມື ແລະ ຄວາມສຳພັນອັນດີ ລະຫວ່າງບໍລິສັດກັບທ້ອງຖິ່ນ, ຫີນແຮ່ຄຳທີ່ ບໍລິສັດ ວັງຕັດ ມາຍນນິງກຣຸບ ມອບໃນຄັງນີ້ ມີຈຳນວນ 5 ກ້ອນ,​ ນ້ຳໜັກລວມ 50 ກວ່າໂຕນ ຕ່າງໜ້າຝ່າຍບໍລິສັດມອບໂດຍ ທ່ານ ຟ້າມງັອກແຄັ່ງ ຮອງປະ​ທານສະພາບໍລິຫານ, ຮອງຜູ້ອໍາ​ນວຍການໃຫຍ່ ບໍລິສັດວັງຕັດມາຍນິງກຣຸບ​ ແລະ ຕ່າງໜ້າອົງການປົກ​ຄອງແຂວງກ່າວຮັບໂດຍທ່ານ ລິດຄຳ ໂຮມອິນຕາ ຫົວໜ້າຫ້ອງວ່າການແຂວງ, ໂດຍຊ່ອງໜ້າທ່ານ ພົທ​ ວັນທອງ​ ກອງ​ມະນີ​ ຄະນະເລຂາ​ທິ​ການສູນກາງພັກ,​ ພ້ອມດ້ວນພາກ​ສ່ວນທີ່ກ່ຽວຂ້ອງເຂົ້າຮ່ວມ.

ຫີນແຮ່ຄຳຈຳນວນ 5 ກ້ອນ. ມອບໃຫ້ອົງການປົກຄອງແຂວງ ແມ່ນຈະໄດ້ນຳໄປຈັດວາງໄວ້ຢູ່ສະ​ຖານທີ່ສຳຄັນຂອງແຂວງ​ ເພື່ອໃຫ້ເກີດປະ​ໂຫຍດດ້ານຄວາມງາມ, ການສຶກສາ ແລະ ການສົ່ງເສີມການທ່ອງທ່ຽວ.