ສຳນັກຂ່າວຕ່າງປະເທດລາຍງານໃນ ວັນທີ 23 ມັງກອນ 2026 – ມີລາຍງານວ່າ ລັດຖະບານອິນເດຍ ປະກາດເລັ່ງດຳເນີນການສະກັດກັ້ນການແຜ່ລະບາດຂອງ ໄວຣັດນິປາ (Nipah virus) ຢ່າງເຂັ້ມງວດ ພາຍຫຼັງກວດພົບຜູ້ຕິດເຊື້ອ ຈຳນວນ 5 ຄົນ, ເຂດລັດເວສເບງກອນ (West Bengal) ປະເທດອິນເດຍ. ເຈົ້າໜ້າທີ່ລັດຖະບານເປີດເຜີຍວ່າ ມີປະຊາຊົນເກືອບ 100 ຄົນ ທີ່ຢູ່ໃກ້ຊິດກັບຜູ້ປ່ວຍ ຖືກສັ່ງໃຫ້ກັກຕົວເພື່ອເຝົ້າລະວັງອາການຢ່າງໃກ້ຊິດ.
ຄວາມອັນຕະລາຍຂອງໄວຣັດນິປາ ໄວຣັດນິປາ ແມ່ນພະຍາດທີ່ຕິດຕໍ່ຈາກສັດສູ່ຄົນ ໂດຍມີພາຫະນະທຳມະຊາດທີ່ສຳຄັນແມ່ນ ເຈຍກິນໝາກໄມ້. ນອກຈາກນີ້ ຍັງສາມາດແຜ່ກະຈາຍຜ່ານໝູ ຫຼື ການສຳຜັດກັບສານຄັດຫຼັ່ງຈາກຜູ້ຕິດເຊື້ອໂດຍກົງ. ເຊື້ອຊະນິດນີ້ຖືວ່າເປັນອັນຕະລາຍຫຼາຍ ຍ້ອນມີອັດຕາການເສຍຊີວິດສູງ ແລະ ຍັງບໍ່ທັນມີວັກຊີນປ້ອງກັນ.
ອາການ ແລະ ສະຖານະການຂອງຜູ້ປ່ວຍ ໄຂ້ສູງ, ປວດຫົວ, ໄອ ແລະ ເຈັບຄໍ (ຄ້າຍຄືໄຂ້ຫວັດໃຫຍ່). ກໍລະນີຮຸນແຮງ: ເຊື້ອຈະທຳລາຍລະບົບປະສາດ ເຮັດໃຫ້ສະໝອງອັກເສບຮຸນແຮງ, ສັບສົນ ແລະ ອາດເຂົ້າສູ່ພາວະໂຄມາພາຍໃນ 24-48 ຊົ່ວໂມງ. ອັດຕາການເສຍຊີວິດ ສູງເຖິງ 40% – 75% (ສູງກວ່າໂຄວິດ-19 ຫຼາຍເທົ່າ).
ແຫຼ່ງຂໍ້ມູນ : Independent